Ditɛronɔmi 2:21 - EBƆRƐ BE KAWƆL

²¹ Zamzummimebi ere daa la yiri nɛ b shi nsaa kɔ eleŋ ga nseŋ naa du jeŋgreŋ jeŋgreŋ fanɛ Anak be yiri to ebi na nna. Ama Enyɛnpe Ebɔrɛ na daŋ mur bumo nna, saŋɛ na so Ammɔnebi beeŋ sɔ bumo be kasawule na n chena so.

Ditɛronɔmi 2:21 ပူးပေါင်းရင်းမြစ်များ

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:20

(Pɔɛŋ nɛ Ammɔnebi ba kɔ n sɔ kasawule nɛ Enyɛnpe Ebɔrɛ na ta n sa bumo na, yiri nɛ b daa tre Refaebi na be beko e daa wɔ ndoŋ, ama Ammɔnebi na bre daa tre bumo Zamzummim nna.

Ditɛronɔmi 2:22

Loŋ koŋwule na nɛ Enyɛnpe Ebɔrɛ na wora n sa Edɔmebi, nɛ bumo alɛ gba la Isɔɔ be kaman to ebi na gba. E daŋ mur Hɔɔebi na nna, saŋɛ na so Edɔmebi na beeŋ sɔ bumo be kasawule na n chena kakpa nɛ b kraa wɔ ere.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.