Ditɛronɔmi 2:14 - EBƆRƐ BE KAWƆL

¹⁴ An ka lar kakpa nɛ baa tre Kadɛsh Bania na be nfɛ adesa nɛ aburwa nna na. Benyɛn kama nɛ b daa tiŋ a kɔ kena loŋ be jemanɛ na kikɛ wu, fanɛ kananɛ Enyɛnpe Ebɔrɛ na kaŋɛ fanɛ baaŋ wu na.

Ditɛronɔmi 2:14 ပူးပေါင်းရင်းမြစ်များ

Nshɛ 106:26

Amoso e daŋ kpele bumo kusoe kenishipereso nna fanɛ e beeŋ shin nɛ b wu n tɔr keshishɛrsawule na so.

Nshɛ 90:15

Shin nɛ an nya kagbenefuli n tal nchɛ nɛ anyi be ŋgbene jija anyi na to.

Nshɛ 90:3

Fo e yili kumo fanɛ an baa wu nsaa bɛta a yɔ eshishɛr to.

Nshɛ 90:9

Anyi be nchɛ bee ku so nna ŋkpal fo agbo so, nfubel damta malɛ e bɔlɔ nfɛ nɛ anyee ji kikɛ to.

Nshɛ 95:11

Ebɔrɛ daŋ nya agbo nna nseŋ bɔ ntaŋ ŋ kaŋɛ le: “B maaŋ luri ma kewushi na to kikɛ!”

Ezikɛl 20:15

Amoso nɛ ma alɛ daŋ bɔ ntaŋ ŋ kaŋɛ bumo keshishɛrsawule na so fanɛ m maaŋ naŋ yɛr bumo kasawule lela nɛ k bee wora adɔjibi ga nɛ n daŋ sa bumo na so.

Nɔmbɛs 1:1

Israɛlebi na ka lar Ijipt be efuli so na be kafɛ nyɔsopo to be kufɔl nyɔsopo be kachɛ juŋkparso na, nɛ Enyɛnpe Ebɔrɛ malga Mosis kutɔ ashi Enyɛnpe be wajɛbu na to ashi Sainai be keshishɛrsawule na so ŋ kaŋɛ le:

Nɔmbɛs 13:26

n yɔ Mosis nɛ Ɛɛrɔn nɛ Israɛlebi na kikɛ kutɔ ashi Kadɛsh nɛ k wɔ keshishɛrsawule nɛ baa tre Paran na n ya kaŋɛ bumo kusɔ nɛ b ya wu ndoŋ nseŋ ta ndoŋ be asɔrso na ŋ ŋini bumo.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

1 Kɔrintebi 10:5

Ama bumo be galeŋga be asheŋ daa maŋ par Ebɔrɛ, amoso, e daŋ shin nɛ bumo be eyurana pesaŋ m pesaŋ to nna n dese kiyi na to.

Ditɛronɔmi 1:19

“Ade be kaman nɛ an wora kusɔ nɛ Enyɛnpe, anyi be Ebɔrɛ na kaŋɛ fanɛ an wora na nseŋ lar Sainai be kebee na ase m bɔla keshishɛrsawule palɛlɛ nɛ k kɔ kufu na so a yɔ Amɔriebi be kepreŋsawule so. An ka ya fo kakpa nɛ baa tre Kadɛsh Baania na,

Ditɛronɔmi 1:2

Nchɛ kudukako nɛ esa beeŋ ta n shi kebee nɛ baa tre Sainai na ase m bɔla Edɔm be kebeesawule so be ekpa na n ya fo kakpa nɛ baa tre Kadɛsh Bania na.

Ditɛronɔmi 1:46

Amoso, nɛ an chena kakpa nɛ baa tre Kadɛsh na n chɛr na.

Ditɛronɔmi 2:13

Kede be kaman, nɛ an dii Lɔr nɛ baa tre Zered na n luri Mowab be kasawule so fanɛ kananɛ Enyɛnpe Ebɔrɛ na kaŋɛ fanɛ an wora na.

Ditɛronɔmi 2:16

Bumo kikɛ ka wu be kaman,

Ditɛronɔmi 2:7

Men baa nyiŋi kananɛ Enyɛnpe menyi be Ebɔrɛ na nɛfa menyi ashi asɔ kama nɛ men wora to. E keni menyi so jemanɛ nɛ men daa nite keshishɛrsawule palɛlɛ na so a kulti na. Menyi nɛ mo e daa la nfɛ adena ere kikɛ. Menyi alɛ daŋ nya kusɔ kama nɛ menyee sha.

Joshuwa 24:7

b shu ŋ ŋini ma fanɛ n chɛ bumo to. Nɛ n ta tentembiri n wɔtɔ bumo nɛ Ijiptebi na be kefɛato nseŋ shin nɛ teku na ba mur Ijiptebi na kikɛ. Menyi gbagba ere wu kusɔ nɛ n wora Ijiptebi na. Kumo be kaman nɛ men daŋ chena keshishɛrsawule so n chɛr ga.

Joshuwa 5:4

Kusɔ nɛ k ba nɛ e daŋ wora loŋ e la fanɛ saŋɛ so nɛ b daŋ lar Ijipt a ba na bekama nɛ b daŋ fo kena be kekɔ na kikɛ daŋ wu nna ashi keshishɛrsawule na so.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.

Juud 1:5

N nyi men ka tea nyi asheŋ nɛ mee sha kekaŋɛ menyi ere kikɛ, ama mee sha kenyiŋi menyi kananɛ Enyɛnpe daŋ mɔlga mbe basa Israɛlebi ashi Ijipt be kasawule so nna. Kumo be kaman nɛ e mur bumo to be bumo nɛ b daa maŋ yirda mo na.