Ditɛronɔmi 2:11 - EBƆRƐ BE KAWƆL

¹¹ Mowabebi ere e daa tre bumo Emebi, ama bekama daa tre bumo Refaebi nna fanɛ kananɛ b daa tre Anakebi na nna.

Ditɛronɔmi 2:11 ပူးပေါင်းရင်းမြစ်များ

Jɛnesis 14:5

Kafɛ kuduanasopo na to nɛ ewura Kedɔrlawomer nɛ bewura asa nɛ b daŋ ti mo so na nɛ bumo be benapo yɔ n ya kɔ m pɔɔ Refayebi nɛ b wɔ Ashterɔf Karnaya na nɛ Zuzebi ashi Ham nɛ Emiebi ashi Shaivaa Kiryatayim be kepreŋ so

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

2 Samuɛl 21:16

Kanyɛn gboŋgboŋi ko nɛ baa tre Ishbibenɔb nɛ e shi Rafa be kanaŋ to a kɔ danyaŋ be kekpa nɛ kumo be egbɛ daa sa fanɛ kilo asa, nɛ tokobi popɔr to na fɛ fanɛ e beeŋ tiŋ m mɔ Deevid.

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 13:28

Ama basa nɛ b wɔ ndoŋ na kɔ eleŋ ga nseŋ pɔr egbal ŋ kulti ndegboŋ nɛ a wɔ ndoŋ na kikɛ nɛnɛ. An wu Anak be kanaŋ to be basa tenteŋ gboŋgboŋi lempoana gba ndoŋ.

Nɔmbɛs 13:33

An ka wu basa tenteŋ gboŋgboŋi nɛ b shi Anak be kanaŋ to na, an ki fanɛ alonte nna ashi bumo be anishito.”

Ditɛronɔmi 1:28

Manɛ so nɛ anyi beeŋ yɔ ndoŋ? Anyi bee lɔ kufu nna, ŋkpal manɛ so, basa nɛ an shuŋi na kaŋɛ anyi fanɛ basa nɛ b wɔ ndoŋ na kɔ eleŋ a chɔ anyi nsaa du jeŋgreŋ a chɔ anyi. Kumo be kaman, bumo alɛ naa wɔ ndegboŋ nɛ b pɔr egbal jeŋgreŋ, nɛ a du fanɛ a ka fo awɔlpa to, ŋ kulti na to. B yɛ, b wu basa nɛ b pɔlto nsaa du jeŋgreŋ gba ndoŋ.’

Ditɛronɔmi 2:20

(Pɔɛŋ nɛ Ammɔnebi ba kɔ n sɔ kasawule nɛ Enyɛnpe Ebɔrɛ na ta n sa bumo na, yiri nɛ b daa tre Refaebi na be beko e daa wɔ ndoŋ, ama Ammɔnebi na bre daa tre bumo Zamzummim nna.

Ditɛronɔmi 3:11

(Ewura Ɔg e daŋ ka edimɛdi be yiri nɛ baa tre Refaebi na be esa lalalogesopo. Kejembu nɛ b daŋ ta n lɔŋɛ deka nɛ b ta m puli mo na. Kumo be nteŋ daa sa fanɛ ayadra kuduana nɛ kumo be mparto malɛ daa sa fanɛ ayadra ashe, nɛ esa kraa beeŋ wu kumo ashi Ammɔnebi be kadegboŋ nɛ baa tre Rabba na to.)

Ditɛronɔmi 9:2

Basa na gbagba wɔ nteŋ nsaa kɔ eleŋ a chɔ menyi, nɛ menyi alɛ bee nu fanɛ esa kama maŋ tiŋ n tu bumo ŋ kɔ m pɔɔ so.