Ditɛronɔmi 19:8 - EBƆRƐ BE KAWƆL

^8-9 Nɛ menyeeŋ wora kusɔ kama nɛ mee kaŋɛ menyi kabre ere, nsaa sha Enyɛnpe menyi be Ebɔrɛ na, nsaa wora asheŋ a bɛ mbe keŋini so, e beeŋ shin nɛ menyi be kasawule nɛ e nase kumo be kɔnɔ n sa menyi nananyɛnana na e kpalga to n ti so. Nɛ loŋ kaŋ wora, menyeeŋ naŋ lara nde asa n ti adra na so.

Ditɛronɔmi 19:8 ပူးပေါင်းရင်းမြစ်များ

Jɛnesis 28:14

Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Ɛksodɔs 23:31

Meeŋ shin nɛ men be ekar e yili teku peper na n ya fo Filistiebi be teku na nseŋ naŋ yili keshishɛrsawule na so n ya fo Yufreetes be lɔr na to. Meeŋ ta nsawule na so ebi m bɔɔ menyi enɔ nɛ men ju bumo ashi to.

Ɛksodɔs 34:24

Meeŋ ju efuli pɔtɛana be basa kikɛ nseŋ kpalga men be kasawule to. Esa kama malɛ beeŋ baa ŋana keta men be nsawule jemanɛ nɛ men yɔ nɛ men ya bunyaŋ ma, men Nyɛnpe Ebɔrɛ na ale asa kafɛ kikɛ to na.

Ditɛronɔmi 12:20

“Nɛ Enyɛnpe menyi be Ebɔrɛ na kaŋ shin nɛ menyi be kakpa nɛ menyeeŋ baa wɔ na kpalga to fanɛ kananɛ e nase kumo be kɔnɔ na, menyeeŋ tiŋ a we eblaŋ jemanɛ kikɛ nɛ menyee sha.

Ditɛronɔmi 19:7

Amoso nɛ ŋ kaŋɛ fanɛ a daga men lara nde asa n yili nɛ basa e baa shile a yɔ amo to n ya kaa ŋana nsaa nya bumo be amu na.