Ditɛronɔmi 19:5 - EBƆRƐ BE KAWƆL

⁵ An ta fanɛ menyi to be benyɔ yɔ kupuŋ to nɛ b ya ku ndibi, nɛ jemanɛ nɛ baa ku ndibi na kekpanfu nɛ b kɔ a ku na be kumu pee ŋ ŋmɛa eko m mɔ, emo nɛ e keta kumo a ku na beeŋ tiŋ n shile n yɔ nde asa na be kuko to n ya ŋana nɛ b sa maŋ mɔ mo alɛ gba.

Ditɛronɔmi 19:5 ပူးပေါင်းရင်းမြစ်များ

2 Bewura 6:4

Mo nɛ bumo e daŋ pɛ ekpa n yɔ nɛ b ya fo Jɔɔdan be lɔr na ase m fara a ku ndibi.

Aŋasa 27:12

Enyiashempo bee gelge asheŋ nna, ama esa nɛ e maa pin asheŋ to manaŋ manaŋ bre bee suse amo to nna.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Nɔmbɛs 35:25

K daga b ka kuŋ emɔpo na ashi esa nɛ e bee fin mo nɛ e mɔ n tal to na kutɔ n yɛr mo kesɔnyige be kade to nɛ e ya ka wɔ ndoŋ hale nɛ bɔrɛmatapo nimuso na e ya wu.

Ditɛronɔmi 19:4

Nɛ menyi to be ekama maŋ kute m mɔ esa nɛ e maŋ la mo doŋ, e beeŋ tiŋ n shile n yɔ ndeana na be kuko to n ya ŋana nseŋ nya mbe kumu.

Ditɛronɔmi 19:6

E maŋ daga luwu, ŋkpal manɛ so e maŋ kre kemɔ mo barkasa na nna. Ama esa nɛ e wu na mo kurgepo beeŋ tiŋ n nya agbo ŋkpal e ka wu so. Bumo alɛ beeŋ tiŋ n lara bumo kanaŋ to be esa ko fanɛ e tɛ emo nɛ e mɔ bumo kurgepo na m mɔ mo. Nɛ fanɛ kade nɛ e beeŋ shile n ya ŋana nseŋ nya mo kumu na wɔ kufɔ nɛ kakpa nɛ e wɔ na, esa nɛ e wu na mo kurgepoana na beeŋ tiŋ n ju mo m pɛ nseŋ mɔ mo.