Ditɛronɔmi 19:4 - EBƆRƐ BE KAWƆL

⁴ Nɛ menyi to be ekama maŋ kute m mɔ esa nɛ e maŋ la mo doŋ, e beeŋ tiŋ n shile n yɔ ndeana na be kuko to n ya ŋana nseŋ nya mbe kumu.

Ditɛronɔmi 19:4 ပူးပေါင်းရင်းမြစ်များ

Jɛnesis 31:2

Kumo be kaman nɛ Jeekɔb wu fanɛ Leeban be asheŋ woraso maŋ naa du fanɛ kananɛ k daa du na.

2 Samuɛl 14:11

Nɛ kache na kaŋɛ le: “Yiramu, jande, kule Enyɛnpe nɛ fo Ebɔrɛ na saŋɛ na so ŋkurgepoana nɛ b sɔ ma pibinyɛn ere be luwu be asheŋ a shin nɛ b kɔ n tal to ere maaŋ mɔ ma pibinyɛn nɛ e ka ere malɛ n naaŋ bar asheŋ lubi ko n ti so.” Nɛ ewura Deevid kaŋɛ le: “Ŋkpal Ebɔrɛ ka la ma shɛdajipo so shɛŋ maaŋ tiŋ n tɔrɔ fo pibinyɛn ere kikɛ.”

1 Kronikɛls 11:2

Dra na kikɛ, hale saŋɛ so nɛ Sɔɔl daa la anyi be ewura na gba, fo e juŋkpar Israɛlebi na n yɔ kena to. Enyɛnpe Ebɔrɛ na e daŋ yili kumo fanɛ, fo e naŋ ba ki anyi be ejuŋkparpo nɛ ewura a keni anyi so fanɛ kananɛ mbolpɔkpapo bee keni mbe mbolpɔ so na.”

Aizaaya 30:33

Dra dra na kikɛ nɛ Enyɛnpe Ebɔrɛ na bela kakpa nɛ edɛgboŋ beeŋ chɔ Asiriya be ewurgboŋ m mɔ na ase n yili. Ndoŋ la kakpa chiŋgeliŋ nsaa wɔ mpar nna nɛ ndibi biti abar so kumo to. Enyɛnpe Ebɔrɛ na e naaŋ fute edɛ be adondulombi n wɔtɔ ndibi na to nɛ a suseso.

Nɔmbɛs 35:12

Loŋ na e naaŋ shin nɛ e nya mbe kumu ashi esa nɛ e mɔ na mo niopibi nɛ e bee fin mo nɛ e mɔ n tal to na kutɔ. Ŋkpal manɛ so, a maŋ daga b ka mɔ esa kama nɛ e mɔ esa nɛ b maŋ naŋ ji mo demu.

Nɔmbɛs 35:9

Nɛ Enyɛnpe Ebɔrɛ kaŋɛ Mosis

Ditɛronɔmi 19:5

An ta fanɛ menyi to be benyɔ yɔ kupuŋ to nɛ b ya ku ndibi, nɛ jemanɛ nɛ baa ku ndibi na kekpanfu nɛ b kɔ a ku na be kumu pee ŋ ŋmɛa eko m mɔ, emo nɛ e keta kumo a ku na beeŋ tiŋ n shile n yɔ nde asa na be kuko to n ya ŋana nɛ b sa maŋ mɔ mo alɛ gba.

Ditɛronɔmi 19:6

E maŋ daga luwu, ŋkpal manɛ so e maŋ kre kemɔ mo barkasa na nna. Ama esa nɛ e wu na mo kurgepo beeŋ tiŋ n nya agbo ŋkpal e ka wu so. Bumo alɛ beeŋ tiŋ n lara bumo kanaŋ to be esa ko fanɛ e tɛ emo nɛ e mɔ bumo kurgepo na m mɔ mo. Nɛ fanɛ kade nɛ e beeŋ shile n ya ŋana nseŋ nya mo kumu na wɔ kufɔ nɛ kakpa nɛ e wɔ na, esa nɛ e wu na mo kurgepoana na beeŋ tiŋ n ju mo m pɛ nseŋ mɔ mo.

Ditɛronɔmi 4:42

fanɛ nɛ esa maŋ kute m mɔ dimɛdi nseŋ shile n yɔ amo be kekama to e beeŋ nya mbe kumu nɛ b maaŋ mɔ mo n tal to.

Joshuwa 3:4

Loŋ nɛ menyeeŋ pin ekpa na m bɔla so nɛnɛ, ŋkpal manɛ so, menyi maŋ naŋ bɔla ekpa ere ŋ ku so kikɛ. Ama men sa maa nite a taga Enyɛnpe Ebɔrɛ be ŋkre be deka na to. Men barga kumo fanɛ ayadra ŋgboŋ asa.”