Ditɛronɔmi 19:14 - EBƆRƐ BE KAWƆL

¹⁴ Ekama be kapetɛsawule kɔ egbaŋ to be ndulgijembu nna a ŋini kumo be ekar ashi kasawule nɛ Enyɛnpe Ebɔrɛ na bee sa menyi na so. Amoso men sa maŋ kaa firgi men braana be ndulgijembu.

Ditɛronɔmi 19:14 ပူးပေါင်းရင်းမြစ်များ

Job be kawɔl 24:2

Alubiworapoana tia bumo nɛ bumo braana be nsawule be egbaŋto be ajembu dulgiso nseŋ nya nsawule damta. Bumo alɛ naŋ yuri beko be mbolpɔ n ti bumo peya so.

Ɛksodɔs 21:13

Ama nɛ k ba fanɛ e maŋ kute nna n wora loŋ, kumo ere Ebɔrɛ be kushuŋ nna, amoso e beeŋ tiŋ n shile n yɔ kakpa nɛ meeŋ ŋini menyi na n ya nya mbe kumu.

Aŋasa 15:25

Enyɛnpe Ebɔrɛ na bee shin nɛ kamoowuwuraana be nwu bee ki alambure nna, ama e bee kuŋ bekulpoche bre be asɔ nna a sa bumo.

Aŋasa 22:28

Sa maa lɔŋɛ fo nɛ basa be egbaŋ to be kedulgijembu dra nɛ fo nananyɛnana yuu na a yuu.

Aŋasa 23:10

Sa maa lɔŋɛ egbaŋ to be kedulgijembu dra a yili, ŋko a dɔ a luri amunibi be kasawule to.

Hoziya 5:10

Enyɛnpe Ebɔrɛ yɛ: “Ŋkpal Juda be bejuŋkparpoana ka puni Israɛlebi be kasawule so, ma kasogberge beeŋ ba bumo so fanɛ nchu ka bɔlɔ n sɔ kakpa kikɛ na.

Ditɛronɔmi 27:17

Nɛ b naŋ kaŋɛ: “Ebɔrɛ be kɔnɔsho beeŋ ba esa kama nɛ e beeŋ lɔŋɛ mo barkasa be kasawule be egbaŋ to be kejembu n yuu a fin kepuni mo so.” Nɛ basa nɛ b yil Ebal be kebee so na e kaŋɛ: ‘Amɛn!’

Ditɛronɔmi 3:18

Loŋ be jemanɛ na gbagba nɛ n ta mbraana ere n sa Ruben nɛ Gad be eyiri nɛ Manase be yiri be bargato nɛ b wɔ epeŋilarkpa be kaba so na: “Enyɛnpe anyi be Ebɔrɛ na e sa menyi kasawule nɛ k dese Jɔɔdan be epeŋilarkpa be kaba so ere. Men bela menyi be benapo ase nɛ b tu Israɛl be eyiri nɛ a ka na n dii Jɔɔdan be lɔrgboŋ na n ya chɛ bumo to ŋ kɔ n sɔ kasawule na n chena so.

Ditɛronɔmi 4:41

Ade be kaman nɛ Mosis lara ndegboŋ asa ashi Jɔɔdan be lɔr na be epeŋilarkpa be kaba so na n yili