Ditɛronɔmi 19:12 - EBƆRƐ BE KAWƆL

¹² Loŋ bre fo kade to be benimu beeŋ shuŋi nɛ b ya bar fo nɛ b ta fo m bɔ esa nɛ fo mɔ na mo kurgepoana enɔ nɛ bumo alɛ gba e mɔ fo n tal to.

Ditɛronɔmi 19:12 ပူးပေါင်းရင်းမြစ်များ

Jɛnesis 9:5

Esa kama nɛ e lara men be ŋkpaana ere k baŋ fuli nna fanɛ ma alɛ beeŋ bishi amodoŋwura na kumo be kuwule. Nɛ kusɔbɔya malɛ e lara dimɛdi be ŋkpa, meeŋ bishi kumo kuwule. Nɛ dimɛdi malɛ e lara mo barkasa be ŋkpa, meeŋ bishi mo mo barkasa dimɛdi na be ŋkpa na be kelara be kuwule.

2 Samuɛl 14:7

Naniere ma kanaŋ to ebi kikɛ yuu ma kenishi nna nseŋ kaŋɛ fanɛ m bar ma kebia na nɛ b mɔ mo alɛ gba ŋkpal e ka mɔ mo sipo so. Nɛ b baaŋ wora loŋ, kumo ere ma ere maaŋ naa kɔ ebinyɛn kikɛ nna na. B baaŋ mɔ mo, kumo ere ma tama loge, ma kul malɛ be ketre beeŋ mur kuraa.”

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Ditɛronɔmi 19:11

Ama nɛ fo kute m mɔ fo barkasa ŋkpal fo ka kishi mo so nseŋ shile n yɔ nde na be kekama to n ya ŋana.

Ditɛronɔmi 19:13

B maaŋ wu fo kuwɔr. A daga fanɛ b lara basa mɔpo kikɛ ashi Israɛl be efuli so, saŋɛ na so asheŋ beeŋ baa nite nɛnɛ.

Ditɛronɔmi 27:24

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ ŋana m mɔ esa ashiri to na so.” Nɛ basa nɛ b yil Ebal be kebee so na e kaŋɛ: ‘Amɛn!’