Ditɛronɔmi 18:9 - EBƆRƐ BE KAWƆL

⁹ “Nɛ menyi kaŋ yɔ kasawule nɛ Enyɛnpe menyi be Ebɔrɛ na ta a sa menyi na so, men sa maŋ kaa wora ekishisheŋ nɛ efuliana nɛ a wɔ ndoŋ na bee wora na.

Ditɛronɔmi 18:9 ပူးပေါင်းရင်းမြစ်များ

2 Bewura 17:11

B daa chɔɔ duwu mboŋ ere kikɛ nna a bunyaŋ agbir fanɛ kananɛ efuli pɔtɛana so be basa daa wora pɔɛŋ nɛ Enyɛnpe Ebɔrɛ ju bumo ashi kasawule na so na. Bumo be asheŋ lubi nɛ b daa wora na daŋ pɛ Enyɛnpe Ebɔrɛ agbo ga.

2 Bewura 17:8

nsaa bɛ basa nɛ Enyɛnpe Ebɔrɛ ju kasawule na so na be edaŋkaresheŋ nɛ asheŋ lubi nɛ Israɛl be bewura bar Israɛl be efuli so na kikɛ so nna.

2 Kronikɛls 28:3

E daa chɔɔ duwu ashi kepla nɛ baa tre Hinnɔm na so nna hale n ta mo gbagba be mbinyɛnsobi n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daŋ ba kasawule na so sososo na be asheŋ woraso lubi nɛ Ebɔrɛ kishi ga na to nna.

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Jɛremaya 10:2

E yɛ: “Men sa maa kute efuli pɔtɛana na be basa to a wora asheŋ. Menyi alɛ e sa maŋ shin nɛ asheŋ nɛ e bee wora awɔlpa so a ta kufu a da efuli pɔtɛana na be basa na, e baa ta kufu a da menyi alɛ gba.

Levitikɔs 18:30

Ade kikɛ be kaman nɛ Enyɛnpe Ebɔrɛ na naŋ kaŋɛ: “Men wora asɔ nɛ n yili n sa menyi ere kasonu nsaa maŋ wora mbushusheŋ nɛ basa nɛ b daa wɔ kasawule na so na wora na. Men sa maŋ kaŋ wora amo nseŋ luri eyurpi to. Ma e la Enyɛnpe, men be Ebɔrɛ na.”

Ditɛronɔmi 20:18

Nɛ menyi baŋ maŋ mɔ bumo nseŋ yige bumo, baaŋ fule menyi nɛ men baa wora ekishisheŋ nɛ baa wora ashi bumo be kagbirshuŋ to na n shin nɛ men wora kulubi ŋ gbiti Enyɛnpe menyi be Ebɔrɛ na.

Ditɛronɔmi 9:4

Nɛ Enyɛnpe menyi be Ebɔrɛ na kaŋ ju bumo n lar kasawule na so, men sa maŋ kaa fɛ fanɛ e sa menyi kasawule na nna ŋkpal k ka daga menyi so. Mannɛ aloŋ nna, Enyɛnpe Ebɔrɛ na bee ju basa ere a lar nna ŋkpal b ka la basa lubi so.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.