Ditɛronɔmi 18:2 - EBƆRƐ BE KAWƆL

² B maaŋ baa kɔ kasawule fanɛ kananɛ eyiriana na kikɛ beeŋ baa kɔ na. Bumo be kachige e naaŋ baa la esarga nɛ basa beeŋ lara n sa Enyɛnpe Ebɔrɛ na be ako fanɛ kananɛ e nase kɔnɔ na.

Ditɛronɔmi 18:2 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Nshɛ 119:57

Fo, Enyɛnpe Ebɔrɛ na e la ma kusɔ kikɛ. N nase kɔnɔ fanɛ meeŋ wora fo mmalga kasonu.

Nshɛ 16:5

Enyɛnpe Ebɔrɛ fo nawule nɛ ŋ kɔ. Fo alɛ bee sa ma kusɔ kama nɛ k tir ma. Fo enɔ to nɛ ma echefoso be kebaawɔtɔ wɔ.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Aizaaya 61:6

Ama Enyɛnpe Ebɔrɛ na be basa bre beeŋ baa la Ebɔrɛ be bɔrɛmatapoana nɛ mbe nyɛrbi nna. Efuli pɔtɛana na be kanya nɛ kedama beeŋ ki mbe basa peya nɛ bumo be ketre e dii nɛ b baa puchi amo so.

Nfabel 3:24

Kusɔ nɛ mee kaŋɛ ma kagbene to e la: “Enyɛnpe Ebɔrɛ na e baa la ma; mo nɛ meeŋ tiŋ n ta ma tama n to so!”

Ezikɛl 44:28

Kebɔrɛmata be kushuŋ na e la bɔrɛmatapoana be kapetɛ nɛ baaŋ tiŋ n yige n sa bumo be kenana. B maŋ daga fanɛ b baa kɔ kapetɛsɔ kikɛ Israɛl to. Ma e la bumo be kapetɛ.

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Ditɛronɔmi 10:9

Amoso nɛ Livai be yiri to ebi maŋ nya kachige ashi kasawule na be kebarga to n sa eyiriana na to na. Enyɛnpe Ebɔrɛ na e naaŋ baa la bumo be kapetɛ fanɛ kananɛ e nase kɔnɔ n sa bumo na.)

Joshuwa 13:14

Mosis daa maŋ yige kasawule kikɛ n sa Livai be yiri na bre, ŋkpal manɛ so, Enyɛnpe Ebɔrɛ na daŋ kaŋɛ Mosis nna fanɛ bɔrɛsure so be sarga chɔɔso nɛ baa lara a sa Enyɛnpe nɛ e la Israɛl be Ebɔrɛ na e la bumo be kapetɛ.

1 Pita 2:5

Men shin nɛ b ta menyi alɛ gba fanɛ ajembu nɛ a kɔ ŋkpa nɛ b ta m pɔr na nɛ men ki Ebɔrɛ be ebu a la bɔrɛmatapo cheembiana a bɔla Yesu Kristo so a lara kiyoyu to be esarga nɛ a bee par Ebɔrɛ.

1 Pita 2:9

Ama menyi ere la kanaŋ mo nɛ Ebɔrɛ lara nna nɛ men baa la bɔrɛmatapoana nɛ b shi kuwurji be kanaŋ to nseŋ naa la kanaŋ cheembi to ebi nɛ b la Ebɔrɛ be basa gbagba nɛ men ba kute esa nɛ e tre menyi ashi tentembiri to a yɔ mo gbagba be mamachi be kefulto to na be asheŋgboŋ be asheŋ n sa basa.