Ditɛronɔmi 18:18 - EBƆRƐ BE KAWƆL

¹⁸ Amoso meeŋ shuŋi anebi ko nɛ e du fanɛ fo nseŋ shi bumo gbagba be basa to nɛ e ba bumo kutɔ. Ma alɛ beeŋ baa ta ma kubɔya a sa mo nɛ mo alɛ e baa kaŋɛ bumo kusɔ kama nɛ ŋ kaŋɛ mo na gbagba chap.

Ditɛronɔmi 18:18 ပူးပေါင်းရင်းမြစ်များ

Nshɛ 110:4

Enyɛnpe Ebɔrɛ na nase kɔnɔ nɛ k maaŋ chɛrga kikɛ. E yɛ: “Feeŋ baa la bɔrɛmatapo mbaanaayɔ, fanɛ Mɛlkizedɛk nɛ e daa la bɔrɛmatapo na.”

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Ɛksodɔs 4:12

Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Ɛksodɔs 4:15

E kaŋ ba, fo kaŋɛ mo kusɔ nɛ e beeŋ malga. Meeŋ chɛ menyi benyɔ kikɛ to ŋ ŋini menyi kusɔ nɛ menyeeŋ wora, saŋɛ na so, menyeeŋ tiŋ m malga.

Aizaaya 50:4

Enyɛnpetale Ebɔrɛ na e ŋini ma kusɔ nɛ meeŋ kaŋɛ n leŋ esa nɛ e gben a chul to nsaa maaŋ naŋ tiŋ n wora shɛŋ na to. Mo e naa shin nɛ mee yɛla kenishi to kachipurso kikɛ a fin kenu kusɔ nɛ e kɔ nɛ e ŋini ma na.

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Aizaaya 51:4

Kumo be kaman nɛ Enyɛnpe Ebɔrɛ na naŋ kaŋɛ le: “Ma basa, men nu nfe! Men nu kusɔ nɛ mee kaŋɛ ere! Ma e naa ta ma keŋini a sa efuli pɔtɛana na; nɛ ma mbraana malɛ bee shin nɛ baa pin ma.

Jɛremaya 1:9

Kede be kaman nɛ Enyɛnpe Ebɔrɛ na teŋi mbe enɔ m beta ma kɔnɔpurbi nseŋ kaŋɛ ma le: “Nu nfe! Mee sa fo mmalga nɛ feeŋ baa malga nna na.

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

Eemɔs 2:11

Ma e lara men be mbinyɛnsobi ko ŋ ki anebiana, nseŋ lara menyi b mbrantiafɔlbi ko malɛ nɛ b ki Nazarinebi. Israɛlebi, manɛ kashenteŋ nna a? Ma Enyɛnpe Ebɔrɛ e malga na.

Malakai 3:1

Enyɛnpetale na yɛ: “Meeŋ shuŋi ma kabɔ nɛ e ya lɔŋɛ ekpa n yili ma. Nɛ Enyɛnpe Ebɔrɛ nɛ menyee fin na e ba mbe lambu to epul to. Ma kabɔ nɛ menyee jo na beeŋ ba bɔ ma kɔnɔ nase nɛ ma nɛ menyi kre na be kubɔya na n sa menyi.”

Nɔmbɛs 12:13

Ndoŋ nna nɛ Mosis boŋ to awɔrso ŋ kaŋɛ le: “Enyɛnpe Ebɔrɛ, jande, chɛ Miriam!”

Nɔmbɛs 23:16

Nɛ Enyɛnpe Ebɔrɛ lar Balaam so ŋ kaŋɛ mo kusɔ nɛ e beeŋ ya kaŋɛ Ewura Balak nseŋ shin nɛ e bɛta n yɔ.

Nɔmbɛs 23:5

Nɛ Enyɛnpe Ebɔrɛ na ta kubɔya n sa Balaam fanɛ e ya sa Ewura Balak.

Luuk 24:19

Nɛ e bishi bumo: “Manɛ be asheŋ?” Nɛ b kaŋɛ mo: “Nazarɛt be Yesu na be asheŋ. E daa la anebi nna nɛ mbe mmalga nɛ asheŋ woraso daa la asheŋgboŋ ashi Ebɔrɛ nɛ basa kikɛ be anishito.

Baru lela nɛ Jɔn kute na 1:21

Ndoŋ nna nɛ b naŋ bishi mo: “To, nɛ nuso be esa e la fo? Anebi Elaija e la fo a?” Nɛ Jɔn kaŋɛ: “Ayai, mannɛ anebi Elaija e la ma.” Nɛ b naŋ bishi mo le: “Anebi nɛ e bee ba na e la fo a?” Nɛ Jɔn yɛ: “Ayai.”

Baru lela nɛ Jɔn kute na 1:25

“Fo yɛ fo maŋ la Mesaya na ŋko anebi Elaija ŋko anebi nɛ e bee ba na. To, nɛ manɛ e ba nɛ fee bɛr basa kabɔrɛbɛr?”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 12:48

Esa kama nɛ e bee kini ma a maa sɔ ma mmalga na kɔ esa nɛ e beeŋ ji mo demu. Mmalga nɛ m malga na gbagba e naaŋ ki amodoŋwura be demujipo lalaloge be kachɛ na.

Baru lela nɛ Jɔn kute na 15:15

M maŋ naa tre menyi ma anya, ŋkpal manɛ so, kenya maa pin mo nyɛnpe be asheŋ woraso to. Naniere bre mee tre menyi n teriana nna, ŋkpal manɛ so, kusɔ kama nɛ ŋ koya ashi n Tuto na kutɔ, m maŋ ta amo ŋ ŋana menyi so.

Baru lela nɛ Jɔn kute na 17:18

Kananɛ fo shuŋi ma durnya ere to na nɛ ma alɛ gba bee shuŋi a shuŋi bumo kumo to.

Baru lela nɛ Jɔn kute na 17:8

Ŋkpal manɛ so, n ta mmalga nɛ fo ta n sa ma na n sa bumo nɛ b sɔ. B pin geeŋ fanɛ fo kutɔ nɛ n shi, bumo alɛ nseŋ naŋ yirda fanɛ fo e shuŋi ma.

Baru lela nɛ Jɔn kute na 4:25

Nɛ kache na kaŋɛ Yesu le: “Ma alɛ gba nyi fanɛ kachako Mesaya nɛ baa tre Kristo na beeŋ ba, mo alɛ kaŋ ba, e beeŋ bugi kusɔ kama to n sa anyi.”

Baru lela nɛ Jɔn kute na 8:28

Amoso, le nɛ Yesu daŋ kaŋɛ bumo: “Men kaŋ maŋ ma, Nyiŋgbasa Pibinyɛn so m mata kedibi so na, menyeeŋ pin esa nɛ ŋ kaŋɛ fanɛ n la ere, kumo alɛ be saŋɛ na so nɛ menyeeŋ pin fanɛ m maa wora shɛŋ ma kumu so, asɔ nɛ Etuto na bee ŋini ma nawule nɛ mee malga.

Ashuŋ Shunso 3:22

Anebi Mosis le daŋ kaŋɛ fanɛ: ‘Menyi be Ebɔrɛ Enyɛnpe beeŋ shin nɛ anebi e ba menyi kutɔ fanɛ kananɛ e daŋ shin nɛ m ba na. E beeŋ ba kaa la menyi be efuli ere so be esa nna. E kaŋ ba, men baa nu a sa mo kusɔ kama to.

Ashuŋ Shunso 7:37

Mo, Mosis koŋwule na e daŋ kaŋɛ Israɛlebi: ‘Ebɔrɛ beeŋ sa menyi anebi fanɛ kananɛ e shuŋi ma na, e beeŋ ba kaa la menyi to be eko nna.’

Ditɛronɔmi 18:15

Kusɔ nɛ e beeŋ wora e la fanɛ e beeŋ shuŋi anebi ko nɛ e du fanɛ ma nseŋ shi menyi gbagba be basa to nɛ e ba menyi kutɔ. A daga fanɛ men wora loŋ be anebi na kasonu.

Ditɛronɔmi 33:5

Enyɛnpe Ebɔrɛ na ki mbe basa Israɛlebi be ewura, jemanɛ nɛ bumo be eyiriana na nɛ bejuŋkparpoana na gama abar so.”

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,

1 Timoti 2:5

Ŋkpal manɛ so, Ebɔrɛ koŋwule nɛ enyiŋgbasa nɛ Ebɔrɛ be nferinto be ematapo koŋwule nɛ baa tre Kristo Yesu Nyiŋgbasa na nawule e wɔtɔ.

Hibruwebi 7:22

Le be ntaŋ ere malɛ e naa ta Yesu a ki esa nɛ e yili anyi be katelamu to a sa kɔnɔ naseso mo nɛ k bɔ kedra na.