Ditɛronɔmi 18:15 - EBƆRƐ BE KAWƆL

¹⁵ Kusɔ nɛ e beeŋ wora e la fanɛ e beeŋ shuŋi anebi ko nɛ e du fanɛ ma nseŋ shi menyi gbagba be basa to nɛ e ba menyi kutɔ. A daga fanɛ men wora loŋ be anebi na kasonu.

Ditɛronɔmi 18:15 ပူးပေါင်းရင်းမြစ်များ

Hoziya 12:14

Israɛl be basa shin nɛ Enyɛnpe Ebɔrɛ na nya agbo alegaiso. B daŋ daga luwu gba nna ŋkpal bumo be alubi so. Enyɛnpe Ebɔrɛ na malɛ beeŋ gberge bumo kusoe ŋkpal anishinyɔr nɛ b ta n ji mo na so.

Nɔmbɛs 12:6

Ndoŋ nna nɛ Enyɛnpe Ebɔrɛ kaŋɛ bumo le: “Men kaŋ kusoe n nu ma mmalga ere: Ma e naa bɔla kewuŋkaŋɛ so a lara ma kumu a ŋini anebiana nsaa bɔla edare so a malga bumo kutɔ.

Nɔmbɛs 12:8

Ma nɛ mo ere bee wu abar nna nsaa malga abar kutɔ. Mannɛ aŋasa to nɛ mee malga mo kutɔ. E nyi kananɛ ma kapɔr du kikɛ! Amoso men maŋ kɔ ekpa nɛ men malga ŋ gbiti ma kayɛrbi Mosis!”

Matiu 17:5

E kraa malga nna nɛ kuwɔlpa nyɛkpɛso ko lar nɛ kumo be kiyoyul ba buu bumo so nɛ ebɔl shi kuwɔlpa na to ŋ kaŋɛ: “M Pibinyɛn shaso nɛ ma kagbene fuli mo so ga nde. Men baa nu mbe kɔnɔ.”

Matiu 21:11

Nɛ jimaŋ na kaŋɛ bumo le: “Nazarɛt nɛ k wɔ Galili be kasawule so be anebi nɛ baa tre Yesu na nna.”

Luuk 10:16

Kumo be kaman nɛ e kaŋɛ mbe bebɛsopo: “Esa kama nɛ e bee nu a sa menyi, bee nu a sa ma nna na. Ekama malɛ nɛ e bee kini menyi, bee kini ma nna na. Nɛ ekama malɛ nɛ e kini ma, kini emo nɛ e shuŋi ma na nna na.”

Luuk 2:25

Kanyɛn ko malɛ daa wɔ Jerusalɛm nɛ baa tre mo Simiɔn. E daa la esa lela nna a bunyaŋ Ebɔrɛ nsaa jo jemanɛ nɛ Israɛlebi beeŋ nya kumɔlga. Kiyoyu Cheeŋ na daa wɔ mo to.

Luuk 2:32

Kumɔlga na e la kefulto nɛ k bee sa fo basa Israɛlebi kemaŋkura nsaa ŋini nnyamase fo ekpa na.”

Luuk 24:19

Nɛ e bishi bumo: “Manɛ be asheŋ?” Nɛ b kaŋɛ mo: “Nazarɛt be Yesu na be asheŋ. E daa la anebi nna nɛ mbe mmalga nɛ asheŋ woraso daa la asheŋgboŋ ashi Ebɔrɛ nɛ basa kikɛ be anishito.

Luuk 7:16

Kufu daŋ pɛ ekama ga nɛ bumo kikɛ di Ebɔrɛ epaŋ ŋ kaŋɛ: “Esa nɛ e chɔ Anebi gboŋ ba anyi to,” nseŋ naŋ kaŋɛ: “Ebɔrɛ ba nɛ e ba mɔlga mbe basa.”

Luuk 9:35

Ndoŋ nna nɛ ebɔl shi kuwɔlpa na to ŋ kaŋɛ: “M Pibinyɛn nɛ n lara na nde, men baa nu mbe kɔnɔ!”

Baru lela nɛ Jɔn kute na 1:21

Ndoŋ nna nɛ b naŋ bishi mo: “To, nɛ nuso be esa e la fo? Anebi Elaija e la fo a?” Nɛ Jɔn kaŋɛ: “Ayai, mannɛ anebi Elaija e la ma.” Nɛ b naŋ bishi mo le: “Anebi nɛ e bee ba na e la fo a?” Nɛ Jɔn yɛ: “Ayai.”

Baru lela nɛ Jɔn kute na 1:25

“Fo yɛ fo maŋ la Mesaya na ŋko anebi Elaija ŋko anebi nɛ e bee ba na. To, nɛ manɛ e ba nɛ fee bɛr basa kabɔrɛbɛr?”

Baru lela nɛ Jɔn kute na 1:45

Kumo be kaman nɛ Filip malɛ wu Nataniɛl nseŋ kaŋɛ mo le: “An wu esa nɛ anebi Mosis sibɛ mbe asheŋ ashi mbra be kawɔl na to na. Mo koŋwule na be asheŋ nɛ anebiana na kikɛ sibɛ na. Mo e la Nazarɛt be Yesu, Josɛf pibi na.”

Baru lela nɛ Jɔn kute na 4:19

Nɛ kache na kaŋɛ: “Ebunyampo, n wu fanɛ fo la anebi nna.

Baru lela nɛ Jɔn kute na 6:29

Nɛ Yesu kaŋɛ bumo le: “Ebɔrɛ be kushuŋ e la keyirda esa nɛ e shuŋi na.”

Baru lela nɛ Jɔn kute na 9:17

Ade kikɛ be kaman nɛ b naŋ bishi kanyɛn na: “Manɛ nɛ fo alɛ kɔ nɛ fo kaŋɛ mbe asheŋ?” Nɛ kanyɛn na kaŋɛ: “Ma ere kutɔ e la anebi nna.”

Ashuŋ Shunso 7:37

Mo, Mosis koŋwule na e daŋ kaŋɛ Israɛlebi: ‘Ebɔrɛ beeŋ sa menyi anebi fanɛ kananɛ e shuŋi ma na, e beeŋ ba kaa la menyi to be eko nna.’

Ditɛronɔmi 34:10

Anebi kikɛ maŋ naŋ lar Israɛl be efuli so a du fanɛ Mosis. Mo nɛ Enyɛnpe Ebɔrɛ na daa malga, baa wu abar nna.

Ditɛronɔmi 5:5

N daa yil bumo nɛ Enyɛnpe Ebɔrɛ na be kefɛato nna a kute asheŋ nɛ e daa kaŋɛ na a sa bumo, ŋkpal manɛ so, b daa ŋana edɛ na nna nsaa maŋ shuli n dii kebee na so. Ndoŋ nna nɛ Enyɛnpe Ebɔrɛ na kaŋɛ,

1 Timoti 2:5

Ŋkpal manɛ so, Ebɔrɛ koŋwule nɛ enyiŋgbasa nɛ Ebɔrɛ be nferinto be ematapo koŋwule nɛ baa tre Kristo Yesu Nyiŋgbasa na nawule e wɔtɔ.

1 Jɔn 3:23

Mbe kamalga naseso na malɛ nde fanɛ, a daga fanɛ an ka yirda mo Pibinyɛn Yesu Kristo be ketre na nsaa sha abar fanɛ kananɛ e yili anyi fanɛ an baa wora na.