Ditɛronɔmi 18:13 - EBƆRƐ BE KAWƆL

¹³ Menyi ere daga fanɛ men baa ji kashenteŋ a sa Enyɛnpe Ebɔrɛ na ekpa kikɛ so nna nsaa maa wora ekishisheŋ ere.”

Ditɛronɔmi 18:13 ပူးပေါင်းရင်းမြစ်များ

Jɛnesis 17:1

Eebram be nfɛ adekpanu nɛ akpanu be saŋɛ nɛ Enyɛnpe lar mo so ŋ kaŋɛ mo le: “Ma e la Enyɛnpetale na. Wora ma kasonu a bɛ ma ekpaana so nsaa la esa nɛ e maŋ kɔ amoso basa be anishito.

Jɛnesis 6:9

Kananɛ Nowa nɛ mbe kanaŋ to ebi be asheŋ lar nde. Nowa daa la esa nɛ e niŋi nna ashi Ebɔrɛ be anishito nseŋ daa maa kɔ amoso mbe jemanɛ na so. Mo nɛ Ebɔrɛ daa ji keteri nna.

1 Bewura 8:61

Men ta men be ŋgbene kikɛ a bɛ Enyɛnpe men be Ebɔrɛ na be mbra so fanɛ kananɛ menyee wora kabre ere.”

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:8

Kumo be kaman nɛ Enyɛnpe Ebɔrɛ na naŋ bishi Setani le: “Manɛ nɛ fee fɛ a laŋɛ ma kayɛrbi Job be kaplɛa so? Durnya kikɛ to, esa kikɛ maŋ du fanɛ mo. Ŋkpal manɛ so, e la esa nɛ esa maaŋ tiŋ n wu mo kulubi nna. Mo alɛ bee bunyaŋ Ebɔrɛ nseŋ kishi kulubi be kewora nna.”

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Matiu 5:48

A daga fanɛ menyi ere e baa du cheembi fanɛ kananɛ men Tuto Ebɔrɛ nɛ e wɔ ebɔrɛso na du na.

Filipaiebi 3:12

M maa ŋini fanɛ n teŋ nya asɔ nɛ ma anishi yuu so ere nna ŋko fanɛ n teŋ ki esa cheembi nna, ama m baa pere kenishi nna a kɔ to a yɔ anishito a fin kenya ma tɔnɔ, kumo alɛ so nɛ Kristo Yesu teŋ sɔ ma n sa mbe kumu na.

Filipaiebi 3:15

A daga fanɛ anyi nɛ an kɔ kebɛso ere to be kenimufɛra ere e baa kɔ asheŋ nɛ n teŋ kaŋɛ ere be nfɛra loŋ. Ama nɛ fo kama nɛ fo nfɛra kɔr le be asheŋ ere be ako to, Ebɔrɛ beeŋ bugi amo alɛ gba to n sa fo.

Joshuwa 24:14

Kumo be kaman nɛ Joshuwa naŋ kaŋɛ: “Amoso, men baa ŋana Enyɛnpe Ebɔrɛ na nsaa shuŋ mo nɛnɛ kashenteŋto. Men ta men nananyɛnana be agbir nɛ b daa shuŋ saŋɛ nɛ b daa wɔ Yufreetes be lɔr be kaba ndoŋ nɛ Ijipt be kasawule so na kikɛ n lɛ nsaa shuŋ Enyɛnpe Ebɔrɛ na nawule.

Kelaraŋŋini 3:2

Men tiŋi ashi loŋ be kebaawɔtɔ na to nseŋ wɔtɔ men be kabɔrɛbɛso na be mboŋ nɛ a ka a shin nɛ a mur na eleŋ to, nɛ mannɛ aloŋ, amo alɛ gba beeŋ mur kuraa. Ŋkpal manɛ so, m maŋ wu men be aworbi ka walɛ a bɔlɔ ma Ebɔrɛ be kenishi.