Ditɛronɔmi 17:8 - EBƆRƐ BE KAWƆL

⁸ K beeŋ tiŋ m ba fanɛ asheŋ nɛ a beeŋ ba demujipoana nɛ b wɔ menyi to na kutɔ, beeŋ baa du kpakpa n sa bumo nɛ b tiŋ n ji amo. K beeŋ tiŋ a la fanɛ kusɔ be kejija ŋko esa be kenu ebesa ŋko esa be kemɔ be asheŋ nɛ a daga fanɛ b ji. Nɛ k kaŋ ba loŋ, men yɛr demu na kakpa nɛ Enyɛnpe menyi be Ebɔrɛ na lara n yili fanɛ b baa shuŋ mo na,

Ditɛronɔmi 17:8 ပူးပေါင်းရင်းမြစ်များ

2 Samuɛl 15:2

Kachipurdidi kikɛ kade na be ekarso, kakpa nɛ benimu bee shɛr a to jina na be kubɔrbi so nɛ e daa lar n ya ka yili. Esa kama nɛ e baŋ nya kamalga nsaa yɔ ewura pe nɛ e ya lɔŋɛ kumo, Absalɔm bee tre mo nna m bishi mo kakpa nɛ e shi. Esa na baŋ kaŋɛ mo kakpa nɛ e shi nɛ yiri nɛ k la mo n loge,

1 Kronikɛls 26:29

Chanania nɛ e la Iza be kenana na nɛ mbe mbinyɛnsobiana e daa la ekrachi nimuso a sibɛ asheŋ a nase nwɔl to nseŋ naa la demujipoana ashi Israɛl be efuli so, ama b daa maa shuŋ bɔrɛlambu na bre to.

Ɛksodɔs 18:15

Nɛ Mosis kaŋɛ mo le: “Basa na bee kaa ba ma kutɔ nna m ba kaa bishi kananɛ baaŋ wora Ebɔrɛ be aparsheŋ.

Ɛksodɔs 18:26

Ndoŋ nna nɛ loŋ be basa na fara a ji Israɛlebi na be edemu saŋkikɛ. Ama demu kama nɛ k daa la demugboŋ bre, b daa ta kumo nna a yɔ Mosis kutɔ, amo nɛ a daa maŋ la demugboŋ na bre, bumo gbagba e daa ji amo.

Ɛksodɔs 21:20

Esa kama baŋ ŋmɛa mbe kenyache ŋko kenyanyɛn kekpabi nɛ kenya na wu epul na to, k daga fanɛ b gberge mo nyɛnpe na kusoe.

Ɛksodɔs 21:22

Nɛ basa anyɔ malɛ bee bile nseŋ nu edampoche ko ebesa nɛ mbe kedampo na gbeŋi, nɛ shɛŋ maŋ naŋ wora mo, k daga esa nɛ e nu mo ebesa na ka ka amansherbi kanaŋkamaso nɛ edampoche na mo kul beeŋ ku n sa mo. Kumo alɛ daga fanɛ k bɛ kananɛ ndoŋ be demujipoana bee yili asheŋ so.

Ɛksodɔs 21:28

Esa kama nɛ mbe gbolu pur enyɛn ŋko eche, nɛ e wu, b kpa gbolu na ajembu m mɔ, ama b sa maŋ kaŋ we gbolu na be eblaŋ. Kumo be kaman k maŋ daga fanɛ b naŋ gberge gboluwura na kusoe.

Ɛksodɔs 22:2

K daga fanɛ esa e ka kusɔ kama nɛ e yuri be kukɔ. Nɛ e maŋ kɔ nɛ e ka malɛ, b fa mo fanɛ kenya ŋ ka kusɔ nɛ e yuri na be kukɔ. Nɛ esa yuri kena ŋko kurma ŋko kubolpɔ nɛ b ya wu kumo amodoŋwura kutɔ nɛ k kraa keni, k daga fanɛ e ka loŋ be asɔbɔya anyɔ n sa kusɔbɔyawura. Nɛ esa bee kɔ a fin keluri esa be laŋ to n yuri kanyɛso, nɛ b ŋmɛa mo m mɔ, esa nɛ e mɔ mo na maŋ wora kulubi, ama nɛ k la kapaso bre, esa nɛ e mɔ mo na wora kulubi ŋkpal e ka mɔ mo na so.

Ɛksodɔs 22:8

Ama nɛ fanɛ b maŋ pɛ eyu na bre, a daga fanɛ b bar esa nɛ e yili asɔ na Ebɔrɛ be anishito nɛ demujipoana e mige mo to ŋ keni mo e ta amo ŋko mannɛ mo e ta.

Ezikɛl 44:24

Nɛ kesheŋ ko koso nɛ a daga fanɛ b ji kumo mbra be ekpa so, bɔrɛmatapoana na beeŋ keni ma mbraana so nna n ji kumo. Kananɛ ma mbraana nɛ atande bee ŋini na nɛ baaŋ baa yili so a ji bumo be kabɔrɛshuŋ be nchɛgboŋana, nseŋ shin nɛ Kewushiachɛ na e baa la kachɛ cheembi n sa bumo.

Heegai 2:11

“Bishi bɔrɛmatapoana na atuwebi nɛ b kɔ a laŋɛ asheŋ bishiso nɛ mee sha kebishi ere be kaplɛa so:

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Nɔmbɛs 35:11

men lara kesɔnyige be nde ko n yili, saŋɛ na so, esa kama nɛ e maŋ kute m mɔ esa, beeŋ tiŋ n shile n ya ŋana ndoŋ.

Nɔmbɛs 35:16

Nɛ fanɛ esa ta kebɛlso ŋko kejembu ŋko kedibi m mɔ esa, kumo ere e ki emɔpo nna na nɛ a daga fanɛ b mɔ mo alɛ gba.

Ditɛronɔmi 1:17

Men sa maa kpɛa to ashi menyi be demuji to. Ekpa koŋwule so a daga fanɛ men baa ji bepɔshipo nɛ belempo kikɛ demu. Men sa maa ŋana esa kikɛ, ŋkpal manɛ so, Ebɔrɛ beeŋ chɛ menyi to nɛ men ji asheŋ nɛnɛ. Nɛ fanɛ demu ko du kpakpa n sa menyi, men ta kumo m bar ma nɛ n ji kumo.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:14

A daga fanɛ men baa lara amo ashi kakpa nɛ Enyɛnpe Ebɔrɛ na gbagba beeŋ ŋini menyi ashi menyi be eyiriana na to be kekama be echenakpa. Ndoŋ nawule nɛ menyeeŋ baa lara menyi be esarga nɛ menyeeŋ baa chɔɔ na nɛ asɔ kama nɛ mee kaŋɛ menyi ere kikɛ.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 19:17

menyi benyɔ na kikɛ daga fanɛ men yɔ kakpa nɛ menyee shuŋ Ebɔrɛ na nɛ bɔrɛmatapo na nɛ demujipoana nɛ b wɔ ndoŋ na e ya keni demu na to n ji kumo.

Ditɛronɔmi 19:4

Nɛ menyi to be ekama maŋ kute m mɔ esa nɛ e maŋ la mo doŋ, e beeŋ tiŋ n shile n yɔ ndeana na be kuko to n ya ŋana nseŋ nya mbe kumu.

Ditɛronɔmi 21:5

Bɔrɛmatapoana nɛ b shi Livai be yiri to na gba beeŋ yɔ ndoŋ, ŋkpal manɛ so, bumo e naa ji asheŋ nɛ a bee bar kebagato nɛ nlusheŋ. Enyɛnpe menyi be Ebɔrɛ na malɛ e lara bumo fanɛ b baa shuŋ mo nsaa bɔla mbe ketre so a nɛfa basa nsaa ji mpetɛ nɛ kebile n doro abar be asheŋ.

Ditɛronɔmi 25:1

Nɛ menyi to be benyɔ nya kesheŋ nseŋ yɛr kumo demujikpa nɛ b ji kumo nɛ eko ji m bri mo barkasa,