Ditɛronɔmi 17:6 - EBƆRƐ BE KAWƆL

⁶ Ama pɔɛŋ nɛ men kpa bumo ajembu m mɔ, a daga fanɛ basa anyɔ ŋko basa damta ka ji shɛda fanɛ kashenteŋ nɛ b wora kulubi na. A maŋ daga fanɛ men mɔ bumo ŋkpal esa koŋwule be shɛda so.

Ditɛronɔmi 17:6 ပူးပေါင်းရင်းမြစ်များ

Nɔmbɛs 35:30

Basa anyɔ baŋ ji shɛda fanɛ esa mɔ esa, kumo ere a daga b ka mɔ amodoŋwura gba. Esa koŋwule be shɛda bre maaŋ tiŋ n shin nɛ b mɔ esa nɛ e mɔ esa.

Matiu 18:16

Ama nɛ e baŋ kini kenu n sa fo, keta esa koŋwule ŋko basa anyɔ ko n ti fo kumu so nɛ men yɔ. Saŋɛ na so kusɔ kama beeŋ yili basa anyɔ ŋko basa asa be shɛda be keji so.

Baru lela nɛ Jɔn kute na 7:51

“Anyi be mbra na wɔtɔ fanɛ an kaŋɛ fanɛ esa daga kasogberge nɛ anyi alɛ maŋ nu kusɔ nɛ amodoŋwura kɔ nɛ e kaŋɛ nseŋ naŋ bishi m pin to pɔɛŋ nsaa ji mo demu a?”

2 Kɔrintebi 13:1

Ŋ ka bee ba nɛ m ba bɔɔ menyi so ere e ti so kela sasopo. Abɔrɛsibɛ na malɛ e naa kaŋɛ loŋ fanɛ a daga fanɛ kesheŋ kama, basa anyɔ ŋko besa e ji kumo be shɛda pɔɛŋ nɛ k nya edesekpa.

Ditɛronɔmi 19:15

Esa koŋwule be shɛda maaŋ tiŋ n shin nɛ esa e ji n tɔr ashi kulubi to. Kanaŋkama, basa anyɔ ŋko besa e daga fanɛ b ji shɛda pɔɛŋ nɛ esa e ji n tɔr ashi kulubi to.

1 Timoti 5:19

Esa koŋwule baŋ ba kaŋɛ fo enimu ko be kulubi be asheŋ, sa maŋ nu n sa mo epul na to she eshɛdajipoana wora benyɔ ŋko besa nna.

Hibruwebi 10:28

Esa kama nɛ e keni anebi Mosis be mbra na jiga nɛ basa anyɔ baŋ ji kumo be loŋ be shɛda, amodoŋwura bee wu nna, kuwɔr maŋ wɔtɔ n sa mo.