Ditɛronɔmi 17:2 - EBƆRƐ BE KAWƆL

² Nɛ men kaŋ nu fanɛ benyɛn ŋko beche ko ashi menyi be ndeana na be kekama to wora kulubi n da Enyɛnpe Ebɔrɛ na so n tɔr mbe kɔnɔkoŋwule be ŋkre na be ntaŋ

Ditɛronɔmi 17:2 ပူးပေါင်းရင်းမြစ်များ

2 Bewura 18:12

B daŋ kɔ m pɔɔ Samɛria so nna ŋkpal Israɛlebi na ka daŋ wora alubi ŋ gbiti Enyɛnpe bumo be Ebɔrɛ na so. B daŋ kplaŋ kɔnɔkoŋwule be ŋkre nɛ bumo nɛ Enyɛnpe Ebɔrɛ na daŋ wora na so nna nseŋ kini kebɛ mbra nɛ e bɔla mbe kayɛrbi Mosis so n sa bumo na kikɛ so. B daa maa sha kenu b ka malga mbra na be asheŋ gba a bishi nɛ b bɛ amo so.

2 Bewura 21:3

E daŋ lɔŋɛ m pɔr efuli pɔtɛana so be agbir nɛ mo tuto ewura Hɛzekaya daŋ mur na nna, nseŋ m pɔr ebɔrɛsure n sa Baal be kegbir na, nseŋ yuu kegbirche Ashira be mpɔrduli, nsaa shuŋ achɛkpabi gba.

Job be kawɔl 31:28

Le be alubi ere daa beeŋ tiŋ m bar ma kasogberge, ŋkpal manɛ so nɛ n daŋ wora amo kumo ere m maŋ ji kashenteŋ n sa Enyɛnpetale Ebɔrɛ na nna na.

Ɛksodɔs 22:19

Enyɛn kama nɛ e tu kusɔbɔya n di keche nɛ kenyɛn, k daga fanɛ b mɔ mo.

Ɛksodɔs 22:20

Esa kama nɛ e lara sarga n sa kegbir kama m baŋ ma, Enyɛnpe Ebɔrɛ so, b mɔ mo.

Jɛremaya 31:32

Kɔnɔkoŋwule be ŋkre popɔr na beeŋ baa du fanɛ kedra nɛ ma nɛ bumo nananyɛnana daŋ wora jemanɛ nɛ n daŋ juŋkpar bumo n lar Ijipt be kasawule so nsaa ŋini bumo ekpa ashi bumo be enite to na nna. N daa du fanɛ ekul nɛ e bee sha mbe eche ga na nna n sa bumo, ama b daa maŋ bɛ ma nɛ bumo be kɔnɔkoŋwule be ŋkre na so.

Jɛremaya 34:18

Juda nɛ Jerusalɛm be benimuana na nɛ ewurkpa be benimuana na nɛ bɔrɛmatapoana na nɛ bejuŋkparpoana na kikɛ nɛ ma e daŋ wora kɔnɔkoŋwule be ŋkre na. B daŋ mɔ gbolu nna nseŋ ku kumo to anyɔ n nase nseŋ bɔla amo nferinto n choŋ m mɔ ŋkre na so. Ama b maŋ wora m bɔlɔ kɔnɔkoŋwule be ŋkre na so, amoso meeŋ wora bumo kusɔ nɛ b wora gbolu na.

Ezikɛl 16:38

Kejimbri be kasogberge beeŋ ba fo so ŋkpal kubojuaji nɛ basa be kemɔ so. Meeŋ nya agbo ga nseŋ ta luwu ŋ gberge fo kusoe.

Hoziya 6:7

Ma basa kini kebɛ kɔnɔkoŋwule be ŋkre nɛ ma nɛ bumo nase n sa abar ashi kakpa nɛ baa tre Adam na so.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Levitikɔs 26:15

Nɛ men kini kewora ma mbraana kasonu nsaa maŋ wora m bɔla ma nɛ menyi be kɔnɔkoŋwule be ŋkre na so,

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Ditɛronɔmi 17:5

men keta loŋ be basa n lar kade na to n ya kpa bumo ajembu m mɔ.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Ditɛronɔmi 29:25

Kusɔ nɛ beko beeŋ kaŋɛ e la: “Basa ere ka lar bumo Nyɛnpe, nɛ e la bumo nananyɛnana be Ebɔrɛ na be kɔnɔkoŋwule be ŋkre nɛ mo nɛ bumo kre jemanɛ nɛ e lara bumo Ijipt be efuli so kaman

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Hibruwebi 10:28

Esa kama nɛ e keni anebi Mosis be mbra na jiga nɛ basa anyɔ baŋ ji kumo be loŋ be shɛda, amodoŋwura bee wu nna, kuwɔr maŋ wɔtɔ n sa mo.

Joshuwa 23:16

Nɛ men baŋ maŋ bɛ kɔnɔ naseso be ŋkre nɛ Enyɛnpe Ebɔrɛ sa menyi na so nsaa wɔtɔ a shuŋ nsaa bunyaŋ agbir bre, kumo ere e beeŋ gberge menyi kusoe agbo so nɛ men paŋ kasawule lela nɛ e ta n sa menyi ere gba.”

Joshuwa 7:11

Israɛlebi wora kulubi nna! B kini kebɛ mbra nɛ n yili n sa bumo na so, nseŋ ta asɔ nɛ ŋ kaŋɛ fanɛ b mur kikɛ na be ako. B yuri nseŋ ku efɛ nseŋ ta asɔ na n wea bumo gbagba be asɔ to.

Joshuwa 7:15

Esa kama nɛ b kaŋ wu asɔ nɛ a maŋ daga na mo kutɔ, baaŋ chɔɔ mo nɛ mbe kanaŋ nɛ mbe asɔ nɛ e kɔ kikɛ, ŋkpal e ka shin nɛ le be anishinyɔr lubi ere ba Israɛl so nseŋ naŋ wora n da Enyɛnpe Ebɔrɛ be ŋkre na so so!”

Demujipoana 2:20

Ŋkpal loŋ so nɛ Enyɛnpe Ebɔrɛ na daŋ nya agbo n wɔtɔ Israɛlebi na nseŋ kaŋɛ le na: “Israɛlebi ere ka maŋ wora m bɔlɔ ma nɛ bumo nananyɛnana be kɔnɔkoŋwule be ŋkre na so, nsaa maŋ naa nu a sa ma na so,

Demujipoana 6:31

Nɛ Joash kaŋɛ basa nɛ b diewu m ba na le: “Menyee sha kekɔ n sa Baal nna a? Menyee sha kumɔlga mo nna a? Ta a ba kachipurso, fo kama nɛ fee sha kekɔ n sa Baal beeŋ wu! Nɛ Baal la kegbir kashenteŋto nna, mo gbagba beeŋ kɔ esa kama nɛ e bure mbe kegbirsure na n sa mbe kumu.”