Ditɛronɔmi 17:19 - EBƆRƐ BE KAWƆL

¹⁹ Kawɔl ere beeŋ baa wɔ mo kutɔ nɛ e baa kraŋ kumo nsaa wora mbraana na kasonu karechɛ kikɛ, saŋɛ na so, e beeŋ koya kabɔrɛŋana nsaa sa Enyɛnpe Ebɔrɛ na bunyaŋ.

Ditɛronɔmi 17:19 ပူးပေါင်းရင်းမြစ်များ

2 Bewura 22:10

Kumo be kaman nɛ e naŋ kaŋɛ ewura na le: “Bɔrɛmatapo nimuso Hilkiya e ta kawɔl ere n sa ma.” Kumo be kaman nɛ e kraŋ kumo awɔrso ŋ ŋini ewura na.

Nshɛ 1:2

Bumo be kagbenefuli bee shi Enyɛnpe Ebɔrɛ na be keŋini be kebaawɔtɔ to nna; nɛ kumo be loŋ malɛ wɔ bumo be nfɛra to kapa nɛ kanyɛ.

Baru lela nɛ Jɔn kute na 5:39

Menyi e naa kaa keni abɔrɛsibɛ na to nɛnɛ ŋkpal men ka bee fɛ fanɛ amo to nɛ menyeeŋ bɔla n nya ŋkpa nɛ k maŋ kɔ ekar na so, ama ma alɛ be asheŋ nɛ abɔrɛsibɛ na malɛ bee ji shɛda a kaŋɛ na.

Ditɛronɔmi 11:18

Men baa nyiŋi mbraana ere nseŋ ta amo n wɔtɔ menyi be nfɛra nɛ ŋgbene to. Men sibɛ amo n chɛ menyi be enɔana nɛ menyi be nsɔto nɛ a baa la kanyiŋi a sa menyi.

Ditɛronɔmi 4:10

Menyi alɛ e baa nyiŋi kachɛ nɛ men daŋ yili Enyɛnpe, menyi be Ebɔrɛ na be anishito ashi kebeegboŋ nɛ baa tre Sainai na ase na jemanɛ nɛ e kaŋɛ ma le na: “Gama Israɛl be basa na abar so. Mee sha fanɛ b nu kusɔ nɛ ŋ kɔ nɛ ŋ kaŋɛ bumo nna, saŋɛ na so baaŋ koya kewora ma kasonu bumo be ŋkpa to kikɛ nseŋ ŋini bumo be mbia nɛ bumo alɛ gba e baa wora loŋ.”

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

Ditɛronɔmi 5:1

Mosis daŋ tre Israɛl be basa na kikɛ nna m ba kaŋɛ bumo le: “Israɛlebi, men kaŋ asoe n nu mbraana nɛ mee ta a sa menyi kabre ere. Men koya amo nseŋ wora amo kasonu.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.