Ditɛronɔmi 17:18 - EBƆRƐ BE KAWƆL

¹⁸ Esa nɛ e beeŋ ki ewura na beeŋ shin nɛ b keni Enyɛnpe Ebɔrɛ na be mbraana be kawɔl nɛ k wɔ bɔrɛmatapoana nɛ b shi Livai be yiri to na kutɔ na so n sibɛ kuko n sa mo nɛ e ta n yili mbe enɔ so.

Ditɛronɔmi 17:18 ပူးပေါင်းရင်းမြစ်များ

1 Bewura 2:3

n wora kusɔ kama nɛ Enyɛnpe Ebɔrɛ kaŋɛ fanɛ fo wora na, nsaa bɛ mbe keŋini nɛ mbra kama nɛ an nananyɛn Mosis sibɛ n nase na so, saŋɛ na so, kusɔ kama nɛ fee wora nɛ kaplɛkama nɛ fo yɔ, asheŋ beeŋ nyalɛ n sa fo.

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Bewura 22:8

Shafan ka lara kubɔya na n loge nɛ Hilkiya ta mbra be kawɔl na n sa mo nseŋ kaŋɛ le: “N wu mbra be kawɔl ere bɔrɛlambu to nna.” Ndoŋ nna nɛ Shafan kraŋ kawɔl na,

2 Kronikɛls 34:15

Hilkiya daŋ ta kawɔl na nna n sa Shafan nɛ e la esibɛpo ashi ewura be laŋ to na nseŋ kaŋɛ le: “N wu mbra be kawɔl ere bɔrɛlambu to nna.”

Ditɛronɔmi 31:9

Mosis daŋ sibɛ Ebɔrɛ be mbra na nna n wɔtɔ kawɔl to nseŋ ta kumo n sa Israɛl be bejuŋkparpoana na nɛ bɔrɛmatapoana nɛ b shi Livai be yiri to nsaa keni Enyɛnpe Ebɔrɛ na be kɔnɔkoŋwule be ŋkre be deka so na.

Joshuwa 1:8

Sa maŋ yige kebaamalga mbra be kawɔl ere be asheŋ. Baa koya kumo kapa nɛ kanyɛ kikɛ. Fo alɛ nsaa de so a bɛ kusɔ nɛ mbra na bee ŋini na kikɛ so. Saŋɛ na so feeŋ nya nɛfa nɛ fo asheŋ malɛ e baa nyalɛ a sa fo.