Ditɛronɔmi 17:16 - EBƆRƐ BE KAWƆL

¹⁶ Esa nɛ e beeŋ ki ewura na maŋ daga fanɛ e baa kɔ egbaŋɛ damta, fɔŋfɔŋ egbaŋɛ nɛ a shi Ijipt be efuli so. Ŋkpal manɛ so, Enyɛnpe Ebɔrɛ na tiŋ ŋ kaŋɛ fanɛ mbe basa maŋ daga kenaŋ bɛta n yɔ Ijipt be efuli so kikɛ.

Ditɛronɔmi 17:16 ပူးပေါင်းရင်းမြစ်များ

2 Samuɛl 8:4

Kena na to nɛ Deevid pɛ bumo be egbaŋɛdiipoana kagboŋ nɛ alfa shunu nɛ benapo nɛ b na aya so ŋgboŋ adunyɔ. E daŋ pɛ bumo nɛ baa dii egbaŋɛturko na gba nna nseŋ tuge egbaŋɛ na be achin n yige bumo to be kalfa nawule.

1 Bewura 1:5

Absalɔm ka wu na nɛ ewura Deevid be eche Hagif pibinyɛn Adonija ki ewura Deevid pibinyɛn nimuso. Mo e daa bɛ Absalɔm so nseŋ daa walɛ kayɛrbi ga. Kachako nɛ e yili kumo fanɛ e beeŋ ta mbe kumu ŋ ki ewura. Ndoŋ nna nɛ mo gbagba fin egbaŋɛturko nɛ egbaŋɛ nseŋ ta benapo adunu fanɛ b baa kuŋ mo. Mo tuto, ewura Deevid, malɛ daŋ maŋ bishi mo kusɔ nɛ k ba nɛ e bee wora loŋ, ŋkpal manɛ so, e maŋ naŋ fiɛ mo so kikɛ.

1 Bewura 4:26

Ewura Sɔlɔmɔn be egbaŋɛ nɛ baa gberge egbaŋɛturko na daa wɔ aluu ŋgboŋ adena nɛ mbe egbaŋɛ nɛ baa dii a kɔ kena malɛ daa wɔ ŋgboŋ kuduanyɔ.

1 Bewura 5:6

Amoso chɛ ma to nseŋ shuŋi fo basa nɛ b yɔ Lebanɔn n ya ku ndoŋ be ndibi gboŋgboŋi nɛ baa tre sida na m bar ma. Bumo nɛ ma basa beeŋ baa shuŋ nɛ ŋ ka fo basa na kanaŋkama nɛ feeŋ sɔ ma, ŋkpal manɛ so ma basa maŋ nyi ndibi be kushuŋ fanɛ fo basa.”

2 Kronikɛls 1:16

Ewura Sɔlɔmɔn be ewurkpa be eyawujipoana e daa tɔ mbe ewurkpa be egbaŋɛ ashi efuli wɔfɔana nɛ baa tre Musri nɛ Silishiya na a bar mo.

2 Kronikɛls 9:25

Ewura Sɔlɔmɔn daa kɔ egbaŋɛturko nɛ egbaŋɛ be eyilikpa ŋgboŋ ana nna, nsaa kɔ egbaŋɛ nawule malɛ ŋgboŋ kuduanyɔ. E daŋ shin nna nɛ amo be ako wɔ Jerusalɛm nɛ ako malɛ wɔ mbe nde pɔtɛana to.

Nshɛ 20:7

Basa ko bee wu bumo be amu nna ŋkpal bumo be kena to be egbaŋɛturko so. Nɛ beko malɛ bee wu bumo be amu ŋkpal bumo be kena to be egbaŋɛ so. Ama anyi ere be yirda wɔ fo Enyɛnpe Ebɔrɛ na to nna.

Ɛksodɔs 13:17

Saŋɛ nɛ ewura Fɛɛro daŋ sa Israɛl be basa ekpa fanɛ b yɔ na, Ebɔrɛ daa maŋ juŋkpar bumo m bɔla ekpa shiimbi ashi Filistiebi be kasawule so, ŋkpal manɛ so, le nɛ Ebɔrɛ daŋ fɛ: “Nɛ Filistiebi kaŋ ya kre kena n tu bumo, baaŋ chɛrga bumo be nfɛra m bɛta n yɔ Ijipt.”

Ɛksodɔs 13:18

Amoso Ebɔrɛ daŋ juŋkpar bumo nna ŋ gelge m bɔla teku peper na be kaba so ashi keshishɛrsawule ko so. Israɛlebi na daŋ wora kena be shiriya nna pɔɛŋ nseŋ lar Ijipt.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Aizaaya 2:7

Bumo be kasawule so kɔ shuwa nɛ gbiti ga, nɛ bumo alɛ daa kɔ asɔ lela ga bumo be ekpanjawu to. Egbaŋɛ daa shi kasawule na so ga nɛ esa maŋ tiŋ ŋ karga amo. Bumo be egbaŋɛturko malɛ gba daa maa kɔ kɔnɔ.

Jɛremaya 42:19

Ndoŋ nna nɛ n naŋ kaŋɛ le: “Enyɛnpe Ebɔrɛ na teŋ ŋ kaŋɛ menyi basa nɛ men ka a wɔ Juda be efuli so na fanɛ men sa maŋ yɔ Ijipt be efuli so. Ŋkpal loŋ so mee kpele menyi kusoe naniere nna

Ezikɛl 17:15

Ama ewura popɔr nɛ Babilɔn be ewurgboŋ lara na pal kaman n sa mo nseŋ shuŋi mbɔ Ijipt be efuli so a fin egbaŋɛ nɛ benapo damta. Fo tama fanɛ ewura ere beeŋ ji n lar kusɔ nɛ e bee wora ere to a? E maaŋ tiŋ n lar kɔnɔkoŋwule be ŋkre na kaman nsaa maŋ nya kumo be kasogberge!”

Hoziya 11:5

Ama b kraŋ kini k ba ŋ kutɔ nseŋ bɛta n yɔ Ijipt be efuli so. Naniere, Asiriyaebi e naaŋ baa ji bumo so eleŋ.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Maika 5:10

Enyɛnpe Ebɔrɛ na yɛ: “Jemanɛ na kaŋ fo, meeŋ suge menyi be egbaŋɛ nseŋ mur menyi be egbaŋɛturko.

Ditɛronɔmi 28:68

N daŋ kaŋɛ menyi fanɛ men sa maŋ kaŋ bɛta n yɔ Ijipt be efuli so. Ama naniere Enyɛnpe Ebɔrɛ na gbagba beeŋ bɛta menyi n wɔtɔ nchu so be ekuloŋgboŋ to n yɔ Ijipt, nɛ men ya kaa sha kefa menyi be amu fanɛ anya nɛ esa kikɛ maaŋ tɔ menyi ndoŋ.

1 Samuɛl 8:11

E yɛ: “Le nɛ menyi be ewura na beeŋ wora menyi. E beeŋ tintiŋ men be mbinyɛnsobi nɛ b ki mbe benapo nseŋ shin nɛ bumo be beko e baa far mbe egbaŋɛturko nɛ beko malɛ e baa di egbaŋɛ a kɔ kena, nɛ beko e baa shile a juŋkpar mbe egbaŋɛturko.