Ditɛronɔmi 17:15 - EBƆRƐ BE KAWƆL

¹⁵ Nɛ k kaŋ ba loŋ, men lara esa nɛ Enyɛnpe Ebɔrɛ na gbagba lara nɛ e ki menyi be ewura na. Mo alɛ daga fanɛ e baa la menyi to be esa gbagba, mannɛ efɔ.

Ditɛronɔmi 17:15 ပူးပေါင်းရင်းမြစ်များ

2 Samuɛl 5:1

Ndoŋ nna nɛ Israɛl be kanaŋ na kikɛ ba Deevid kutɔ ashi Hibrɔn m ba kaŋɛ mo le: “Fo nio pibiana e la anyi.

2 Samuɛl 5:2

Dra kikɛ, hale saŋɛ so nɛ Sɔɔl daa la anyi be ewura na gba, fo e naa juŋkpar Israɛlebi a yɔ kena to. Enyɛnpe Ebɔrɛ na e yili kumo fanɛ, fo e naŋ ki anyi be ejuŋkparpo nɛ ewura, a keni anyi so fanɛ kananɛ mbolpɔkpapo bee keni mbe mbolpɔ so na.”

1 Kronikɛls 12:23

Saŋɛ so nɛ Deevid daa wɔ Hibrɔn na, benapo damta ko daŋ ba ti mbe benapo so nna nseŋ ta Deevid ŋ ki ewura n tal Sɔɔl be katelamu fanɛ kananɛ Enyɛnpe Ebɔrɛ kaŋɛ na gbagba. Kananɛ benapo na daa sa nde. Juda be benapo daa wɔ ŋgboŋ ashe nɛ alfa aburwa nsaa kɔ akɔsɔ damta nseŋ keta asɔ kuŋso nɛ akpa. Simiɔn be yiri to be benapo nɛ b nyi kena be kekɔ nɛnɛ daa wɔ ŋgboŋ ashunu nɛ kalfa. Livai be yiri to be benapo daa wɔ ŋgboŋ ana nɛ alfa ashe. Ɛɛrɔn mo nanabi Jehowada be benapo nɛ b daa bɛ mo so daa la ŋgboŋ asa nɛ alfa ashunu nna. Zadɔk nɛ e la enapo lempo na malɛ mo kurgepoana nɛ b la benapo daa wɔ basa adunyɔ nɛ anyɔ. Bɛnjamin be yiri nɛ k la Sɔɔl gbagba be yiri na daa kɔ benapo ŋgboŋ asa. Bɛnjamin be yiri na to be basa damta daa shuŋ Sɔɔl nna. Efrayim be yiri to be benapo lempo nɛ bumo be kanaŋ to be mbuna nɛ ekama nyi bumo be asheŋ daa wɔ basa ŋgboŋ adunyɔ nɛ alfa aburwa. Manase be yiri na to be epeŋitɔrkpa be kaba so be benapo nɛ b daŋ lara fanɛ b ya buu Deevid kuwura m ba na daa wɔ basa ŋgboŋ kuduaburwa. Isaaka be yiri to be bejuŋkparpo nɛ basa nɛ b daa juŋkpar a ŋini kusɔ nɛ k daga kewora nɛ kusɔ nɛ k ba nɛ k daga b ka wora kumo na kikɛ daa wɔ basa alfa anyɔ. Zɛbyulɔn be yiri to be benapo nɛ b nyi akɔsɔ be yiri kikɛ be keta ŋ kɔ kena nseŋ wora kena to be keyɔ be shiriya saŋkama malɛ daa wɔ basa ŋgboŋ adunu, Naftali be yiri to be benapo juŋkparpo daa wɔ kagboŋ, nɛ bumo nɛ bumo be benapo nɛ b nyi asɔkuŋso nɛ ekpa b keta ŋ kɔ kena nɛnɛ malɛ daa wɔ basa ŋgboŋ adesa nɛ ashunu. Dan be yiri na to be benapo nɛ b koya kena be kekɔ nɛnɛ daa wɔ ŋgboŋ adunyɔ nɛ aburwa nɛ alfa ashe. Asha be yiri to be benapo nɛ b wora shiriya nɛ b yɔ kena to saŋkama daa wɔ basa ŋgboŋ adena. Ruben nɛ Gad nɛ Manase be epeŋilarkpa be yiri nɛ b daa wɔ Jɔɔdan be lɔr na be epeŋilarkpa be kaba so na be benapo nɛ b nyi akɔsɔ be yiri kikɛ b k ta ŋ kɔ kena na, daa wɔ ŋgboŋ kalfa nɛ adunyɔ.

1 Kronikɛls 22:10

Mo e naŋ pɔr bɔrɛlambu n sa ma. Meeŋ tre mo m pibi nɛ mo alɛ gba e tre ma mo tuto. Mbe mbia e naa baa ji Israɛl be kuwura a ka a sa abar mbaanaayɔ.”

1 Kronikɛls 28:5

Enyɛnpe Ebɔrɛ ta mbinyɛnsobi damta n nɛfa ma ama m pibinyɛn Sɔlɔmɔn nɛ e lara fanɛ e ki Israɛl be ewura ma kaman.

Nshɛ 2:2

Nɛ manɛ nna nɛ amo be bewura nɛ bejuŋkparpoana bee wora kɔnɔ a kini kenu n sa Enyɛnpe Ebɔrɛ nɛ mbe esa lara so na?

Nshɛ 2:6

“M buu ma ewura nna n chena Zayɔn nɛ k la ma kebee cheembi na so ashi Jerusalɛm to.”

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 30:21

Ma basa be ejuŋkparpo beeŋ shi bumo be efuli so nna, nɛ bumo be ewura e shi bumo gbagba be basa to. Nɛ m baŋ teŋi enɔ n tre mo e beeŋ ba ma kutɔ, ŋkpal manɛ so, esa kikɛ maŋ tiŋ m ba ma kutɔ nɛ m maŋ tre mo. Baaŋ baa la ma basa, nɛ ma alɛ e baa la bumo be Ebɔrɛ. Ma, Enyɛnpe Ebɔrɛ e kaŋɛ na.”

Matiu 22:17

Amoso, kaŋɛ anyi kusɔ nɛ fee fɛ. Anyi be mbra na to k wɔtɔ fanɛ an baa ka lampo a sa Romebi be ewurgboŋ Siza ŋko k maŋ wɔtɔ loŋ?”

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”

1 Samuɛl 16:3

Fo kaŋ baa lara sarga na fo tre Jɛsi nɛ e ba ndoŋ nɛ ŋ ŋini fo kusɔ nɛ feeŋ wora. Meeŋ ŋini fo esa nɛ feeŋ chulgi ŋku na n do mbe kumu so n lara ŋ ki ewura na.”

1 Samuɛl 8:5

n ya kaŋɛ mo le: “Naniere fo bel nna na, nɛ fo mbinyɛnsobi ere malɛ maŋ du fanɛ fo, amoso lara ewura n sa anyi nɛ e baa juŋkpar anyi fanɛ kananɛ efuli pɔtɛana na gba be basa kɔ bewura na.”