Ditɛronɔmi 16:8 - EBƆRƐ BE KAWƆL

⁸ Nchɛnshe nɛ menyee we bodobodo nɛ a maŋ kɔ yiisi, kachɛ shunusopo na nɛ men shɛr m bunyaŋ Enyɛnpe menyi be Ebɔrɛ na. Menyi alɛ e sa maŋ kaŋ shuŋ shɛŋ loŋ be kachɛ na.

Ditɛronɔmi 16:8 ပူးပေါင်းရင်းမြစ်များ

2 Kronikɛls 7:9

B daŋ ji nchɛnshunu nna ŋkpal bɔrɛsure na be keta m bɔɔ Ebɔrɛ enɔ so nseŋ naŋ ji nchɛ ashunu malɛ ŋkpal abuu to be kebaawɔ be kejigboŋ na so n ti so. Kumo be kaman nɛ b ta kachɛ koŋwule n ti so n shɛr m bunyaŋ Ebɔrɛ.

Nehemaya 8:18

Baŋ yili kachɛ nɛ b fara kachɛgboŋ na be keji n ya fo kumo be kachɛ shunusopo na, Ɛzra daa kraŋ mbra be kawɔl na nna a sa basa na karechɛ kikɛ. Kachɛ burwasopo na nɛ ekama gama abar so nɛ b bunyaŋ Ebɔrɛ, fanɛ kananɛ mbra na ŋini na.

Jowɛl 1:14

Naniere, a daga fanɛ men tre abar n shɛr ŋ kishi ekishi cheembi. Men tre bejuŋkparpoana na, nɛ bekama nɛ b wɔ kasawule ere so na n shɛr men Nyɛnpe be bɔrɛlambu to n shu n tre mo.

Levitikɔs 23:36

Nchɛnshunu na kikɛ to menyeeŋ baa lara esargajibi karechɛ kikɛ. Kachɛ burwasopo na nɛ men shɛr m bunyaŋ Enyɛnpe Ebɔrɛ na nseŋ lara sargajibi n sa mo, ŋkpal manɛ so, k la kabɔrɛshuŋ be kachɛ nna nɛ a maŋ daga fanɛ men shuŋ shɛŋ.

Nɔmbɛs 28:25

Men shɛr abar so kachɛ shunusopo na m bunyaŋ Enyɛnpe Ebɔrɛ. Menyi alɛ e sa maŋ kaŋ shuŋ kushuŋ kikɛ kumo be kamɔnchɛ.