Ditɛronɔmi 16:4 - EBƆRƐ BE KAWƆL

⁴ A maŋ daga fanɛ esa kikɛ menyi be kasawule na so e baa kɔ yiisi mbe laŋ to nchɛnshunu na kikɛ to. A daga fanɛ men we kusɔbɔya nɛ menyeeŋ mɔ kaaseso n ji Kebansonchoŋ na be eblaŋ kikɛ kachɛ sososo na be kanyɛ na kikɛ.

Ditɛronɔmi 16:4 ပူးပေါင်းရင်းမြစ်များ

Ɛksodɔs 12:10

Men sa maŋ kaŋ shin nɛ kare e chɛ eblaŋ na be kekama so. Men chɔɔ ekama nɛ meeŋ we ŋ ka.

Ɛksodɔs 12:15

Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora. Bɔkwe na to be kachɛ sososo na ekama e lara yiisi kikɛ ashi mbe laŋ to. Esa kama nɛ e baŋ ji bodobodo nɛ b ta yiisi n wora nchɛnshunu na to, meeŋ lara mo ashi ma basa to.

Ɛksodɔs 12:6

Men lara loŋ be asɔbɔya na n yili hale n ya fo kufɔl ere be kachɛ kuduanasopo na be kaaseso. Saŋɛ nɛ kaboŋ bee biri to na nɛ men mɔ amo.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 13:7

Men ji bodobodo nɛ a maŋ kɔ yiisi na nchɛnshunu. K maŋ daga b ka wu yiisi ŋko ajibi kama nɛ a kɔ yiisi gba menyi be elaŋ to.

Ɛksodɔs 23:18

Men sa maŋ shin nɛ asɔbɔya nɛ men ta n lara sarga n sa ma na be ŋklaŋ nɛ kusɔ kama nɛ k kɔ yiisi e wea abar to. Menyi alɛ e sa maŋ shin nɛ kare e chɛ asɔbɔya nɛ men ta n lara sarga n sa ma kejigboŋana na to na be nfɔ so.

Ɛksodɔs 34:25

Men sa maŋ kaŋ ta kusɔ kama nɛ k kɔ yiisi n ti kusɔbɔya so n lara sarga n sa ma. Menyi alɛ e sa maŋ kaŋ shin nɛ Kebansonchoŋ be Kejigboŋ be kusɔbɔya be eblaŋ kama e yili ŋklade.

Matiu 13:33

Nɛ Yesu naŋ bɔ bumo keŋasa ko ŋ kaŋɛ: “Ebɔrɛso be kuwura na du fanɛ yiisi nna. Eche baŋ ta yiisi n wɔtɔ katishaŋgboŋ nɛ nyifu to ŋ gbiti amo, a bee dii nna le fɔŋgrɔŋ.”

Ditɛronɔmi 16:5

Men sa maŋ kaŋ mɔ kebansonchoŋ be kusɔbɔya na n lara sarga ashi kade kama nɛ menyeeŋ baa wɔ na to.