Ditɛronɔmi 16:3 - EBƆRƐ BE KAWƆL

³ Nɛ menyi baa ji Kebansonchoŋ be kachɛgboŋ be ajibi na, men sa maŋ kaŋ ta bodobodo nɛ yiisi wɔ amo to n ti so n ji. Nchɛnshunu nɛ menyee ji bodobodo nɛ a maŋ kɔ yiisi amo to fanɛ kananɛ men daŋ wora jemanɛ nɛ k daŋ ba fanɛ men nya manaŋ n lar Ijipt be efuli so na. Menyeeŋ baa we le be bodobodo nna saŋɛ na so menyeeŋ baa nyiŋi kachɛ nɛ men ta n lar Ijipt be efuli nɛ k daa la awurfoŋ be kaboŋ n sa menyi na so. Baaŋ baa tre bodobodo na ‘awurfoŋ be bodobodo’.

Ditɛronɔmi 16:3 ပူးပေါင်းရင်းမြစ်များ

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

Nshɛ 102:9

Ŋkpal fo ka nya agbo ga nseŋ ta ma n lɛ so, nsunɔ e ki ma ajibi jiso, nɛ anishichubi malɛ ki ma nchu nuuso.

Nshɛ 111:4

Enyɛnpe Ebɔrɛ na maa shin nɛ anyee teŋ mbe emamachisheŋ so; Mo alɛ la esa nsaa wu kuwɔr nna.

Nshɛ 127:2

Kewule ŋ koso a shuŋ a fin kusɔ jiso hale nɛ saŋko e ya fo na gba la jiga nna; Ŋkpal manɛ so, Enyɛnpe Ebɔrɛ na e naa sa basa nɛ e bee sha asɔ jemanɛ nɛ b dese a di gba.

Ɛksodɔs 12:11

Kusɔ nɛ menyeeŋ wora nde: Men ta men be asɔbuusoana m buu nseŋ kre to kpakpa n ta men be asɛbtaana n wɔtɔ, nseŋ ta men be akpabi malɛ ŋ keta. Men we eblaŋ na malɛ manaŋ manaŋ, ŋkpal manɛ so, k la kebansonchoŋ be kejigboŋ nɛ k bee maŋkura ma, Enyɛnpe Ebɔrɛ na nna.

Ɛksodɔs 12:17

Men baa wora bodobodo nɛ a maŋ kɔ yiisi na be kejigboŋ saŋkikɛ, ŋkpal manɛ so, kumo be kachɛ na nɛ n lara menyi be kanaŋ ashi Ijipt be kasawule so. Amoso, a daga fanɛ menyi be kaman to ebi kikɛ e baa nyiŋi loŋ be kachɛ ere nɛ k baa la fanɛ mbra n sa bumo mbaanaayɔ.

Ɛksodɔs 12:39

Ndoŋ nna nɛ b ta bodobodo nɛ a maŋ kɔ yiisi be kubuu nɛ b gbiti n shi Ijipt na n wora bodobodo. Ŋkpal b ka daŋ ju bumo fanɛ b lar Ijipt to manaŋ na so, b daa maŋ naŋ nya saŋɛ nɛ b wɔtɔ amo yiisi ŋko n naŋ wora ajibi kama n ti so.

Ɛksodɔs 12:8

K daga fanɛ b tɔ eblaŋ na edɛ to nna nseŋ ta amo nɛ bodobodo nɛ a maŋ kɔ yiisi nɛ epofantaŋ kekra n wea abar to n we.

Ɛksodɔs 34:18

Men baa bɛ bodobodo nɛ k maŋ kɔ yiisi be daŋkare be kejigboŋ na so fanɛ kananɛ n nase n sa menyi na. Kufɔl nɛ baa tre Abib na baŋ fo, men we bodobodo nɛ a maŋ kɔ yiisi bɔkwe lelemu, ŋkpal manɛ so, loŋ be kufɔl na to nɛ men daŋ lar Ijipt be kasawule so.

Aizaaya 52:12

Ama men sa maŋ kuse n lar ndoŋ. Ŋkpal manɛ so, esa kama maa ju a buu menyi so. Enyɛnpe menyi be Ebɔrɛ na e naaŋ baa juŋkpar menyi, nsaa kuŋ menyi kaba kama so ashi men doŋana be enɔ to.

Levitikɔs 23:6

Ebodobodo nɛ a maŋ kɔ yiisi na be Kachɛgboŋ na malɛ bee fara kufɔl na be nchɛ kuduanu nna. Yili loŋ be kachɛ na n ya fo bɔkwe men be ekama e sa maŋ kaŋ ji bodobodo nɛ b ta yiisi n wora.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Nɔmbɛs 28:17

Nseŋ yili kufɔl na be kachɛ kuduanusopo n ji kachɛgboŋ na m bɛ abar so nchɛ ashunu nsaa ji bodobodo nɛ a maŋ kɔ yiisi loŋ be nchɛ na.

Nɔmbɛs 9:11

kumo ere b ji kumo kufɔl nyɔsopo na to be kachɛ kuduanasopo na be kaaseso. Kumo alɛ daga b ka ta bodobodo nɛ a maŋ kɔ yiisi nɛ afantaŋ nɛ a du kekra n ti kebansonchoŋ be kpakpafɔlbi na so nna ji n kumo.

Luuk 22:19

Kumo be kaman nɛ e ta bodobodo n chɔrɔ Ebɔrɛ n loge nseŋ bu kumo to n ta a sa bumo nsaa kaŋɛ le: “Ma eyur nɛ ŋ kɔ a sa menyi nde.

1 Kɔrintebi 5:8

Amoso, men shin nɛ an ji Kebansonchoŋ be kejigboŋ na kumo be ekpa so, nɛ kekishi nɛ kulubi kama e sa maa wɔ anyi to, ama kelela nɛ kashenteŋ beeŋ baa wɔ anyi to.

Ditɛronɔmi 16:2

Kusɔbɔya nɛ menyeeŋ ta n lara sarga n sa Enyɛnpe menyi be Ebɔrɛ na Kebansonchoŋ be kachɛgboŋachɛ na daga fanɛ k baa la kena ŋko kubolpɔ ŋko kaboe. Menyi alɛ beeŋ ya mɔ kumo ashi kakpa nɛ Enyɛnpe Ebɔrɛ na lara n yili fanɛ men baa shuŋ mo ndoŋ na nna.

Ditɛronɔmi 4:9

Amoso, men baa da so nɛ menyi maaŋ teŋ asheŋ nɛ men wu Ebɔrɛ ka wora n sa menyi ere so. Men baa nyiŋi menyi be amu nsaa kaŋɛ menyi be mbia nɛ benanabiana amo be asheŋ.

1 Tɛsalɔnikaebi 1:6

Men kute anyi nɛ Enyɛnpe na to, ŋkpal manɛ so, men sɔ kubɔya na awurfoŋ damta to nɛ kagbenefuli nɛ k shi Kiyoyu Cheeŋ na kutɔ.

Joshuwa 4:7

nɛ men kaŋɛ bumo fanɛ Enyɛnpe be ŋkre be deka na ka daŋ bɔla Jɔɔdan be lɔr na to na nɛ k ku to anyɔ. Ajembu ere e la shɛda a nyiŋi anyi kusɔ nɛ k wora nfe ere mbaanaayɔ.”