Ditɛronɔmi 16:22 - EBƆRƐ BE KAWƆL

²² Menyi alɛ e sa maŋ kaŋ yuu kegbir jembu kikɛ ashi Enyɛnpe Ebɔrɛ na be bɔrɛsure na ase kikɛ. Ŋkpal manɛ so, Enyɛnpe Ebɔrɛ na kishi amo nna.”

Ditɛronɔmi 16:22 ပူးပေါင်းရင်းမြစ်များ

1 Bewura 14:23

B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

2 Bewura 17:10

B daŋ ta ajembu nna m pɔr agbir nɛ kegbirche Ashira be kapɔrduli n yili abee so nɛ ndibi be afito a shuŋ amo.

Ɛksodɔs 20:4

Men sa maŋ kaŋ lɔŋɛ kusɔ kama nɛ k wɔ ebɔrɛso ŋko kasawule so ŋko nchu to ashi kasawule be kaseto be kaduli

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Jɛremaya 44:4

Ma alɛ kraa shuŋi ma anya anebiana na menyi kutɔ nɛ baa kaŋɛ menyi fanɛ men sa maa wora asheŋ lubi nɛ ŋ kishi na.

Levitikɔs 26:1

Ndoŋ nna nɛ Enyɛnpe Ebɔrɛ naŋ kaŋɛ: “Men sa maŋ kaŋ lɔŋɛ agbirana ŋko n wora mpɔrduli nɛ ajembu be eshabɔrɛ n yili, ŋko n shɛl ajembu a shuŋ amo. Ma e la Enyɛnpe menyi be Ebɔrɛ na.

Zakareya 8:17

Men sa maa kre kebaawora abar kulubi. Men sa maa bɔ ntaŋ a ji efɛ be eshɛda. Ŋ kishi le be alubiana ere kikɛ nna.”

Ditɛronɔmi 12:31

Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 4:16

nɛ menyi maaŋ ya luri kagbirshuŋ be kulubi to. Men sa maŋ kaŋ lɔŋɛ agbir nɛ a duli enyɛn ŋko eche,

Ditɛronɔmi 4:23

Amoso, men baa da so nɛ menyi maaŋ teŋ menyi nɛ Enyɛnpe Ebɔrɛ na be kɔnɔkoŋwule be ŋkre na so. Men baa wora mbe mbraana kasonu nsaa maŋ kaŋ shuŋ kegbir be yiri kikɛ,

Ditɛronɔmi 4:25

Nɛ men ka ya chena kasawule na so n chɛr nseŋ kurge mbia nɛ benanabi gba, men sa maŋ kaŋ lɔŋɛ kegbir be yiri kikɛ m bɔla kumo so n wora kulubi. K la kulubi nɛ Enyɛnpe Ebɔrɛ na kishi nna nɛ kumo alɛ bee wɔtɔ mo agbo to.

Kelaraŋŋini 2:15

Beko malɛ gba wɔ menyi to a bɛ katuŋ nɛ baa tre Nikolawsebi na be keŋini so.

Kelaraŋŋini 2:6

Ama kusɔ nɛ k walɛ menyi e la fanɛ men kishi katuŋ nɛ baa tre Nikolawsebi na be asheŋ fanɛ kananɛ ma alɛ gba kishi kumo be asheŋ na.