Ditɛronɔmi 16:18 - EBƆRƐ BE KAWƆL

¹⁸ Ade kikɛ be kaman nɛ Mosis naŋ kaŋɛ Israɛlebi na le: “Menyeeŋ lara demujipoana nɛ benimuana ko ashi menyi be ndeana nɛ Enyɛnpe, menyi be Ebɔrɛ na beeŋ sa menyi na to nɛ bumo alɛ e sa maa ji basa demu ŋkpɛato be ekpa so.

Ditɛronɔmi 16:18 ပူးပေါင်းရင်းမြစ်များ

1 Kronikɛls 23:4

E daŋ shin nna nɛ Livaiebi na be basa ŋgboŋ adunyɔ nɛ ana bee shuŋ bɔrɛlambu na to nɛ basa ŋgboŋ ashe malɛ la nwɔlsibɛpoana nɛ demujipoana,

1 Kronikɛls 26:29

Chanania nɛ e la Iza be kenana na nɛ mbe mbinyɛnsobiana e daa la ekrachi nimuso a sibɛ asheŋ a nase nwɔl to nseŋ naa la demujipoana ashi Israɛl be efuli so, ama b daa maa shuŋ bɔrɛlambu na bre to.

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Ɛksodɔs 18:21

Ama a daga fanɛ fo lara benyɛn nɛ b kɔ kabɔrɛŋana nsaa la basa nɛ esa beeŋ tiŋ n yirda nɛ baaŋ tiŋ n shuŋ fo kushuŋ ere ashi basa na to. Shin nɛ b ki bejuŋkparpo a keni basa kagboŋ kagboŋ so nɛ basa kalfa kalfa so nɛ basa adununu so nɛ basa kudu kudu so.

Ɛksodɔs 21:22

Nɛ basa anyɔ malɛ bee bile nseŋ nu edampoche ko ebesa nɛ mbe kedampo na gbeŋi, nɛ shɛŋ maŋ naŋ wora mo, k daga esa nɛ e nu mo ebesa na ka ka amansherbi kanaŋkamaso nɛ edampoche na mo kul beeŋ ku n sa mo. Kumo alɛ daga fanɛ k bɛ kananɛ ndoŋ be demujipoana bee yili asheŋ so.

Ɛksodɔs 21:6

kumo ere a daga fanɛ mo nyɛnpe na ka keta mo n yɔ kakpa nɛ baa shuŋ Ebɔrɛ na n ya shin nɛ e yili m mata kukuloŋ ŋko kabuna to nɛ e futi mbe kusoe, a ŋini fanɛ e beeŋ baa la mo nyɛnpe be kenya hale nɛ e ya wu.

Aŋasa 31:23

Mo kul bee nya kemaŋkura nna nsaa tiŋ a luri kade be benimu to.

Matiu 5:21

Menyee kaa nu fanɛ dra na le nɛ b daa kaŋɛ: “Men sa maŋ kaŋ mɔ. Ekama nɛ e mɔ mo barkasa, baaŋ yɛr mo demujipowura be anishito.”

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Ditɛronɔmi 16:17

nɛ e beeŋ tiŋ n nya ashi adɔjibi nɛ Enyɛnpe Ebɔrɛ na ta n nɛfa mo na to m ba sa Ebɔrɛ.

Ditɛronɔmi 16:19

K maŋ daga b baa ji durmu ŋko a kpɛa to ashi bumo be demujiana to. B sa maŋ kaa sɔ brɔbu basa kutɔ pɔɛŋ nsaa ji bumo demu, ŋkpal manɛ so ŋkɛ be kesɔ beeŋ tiŋ n shin nɛ enyiashempo e sa maŋ ji kashenteŋ nseŋ shin nɛ beshenteŋjipo e ki befɛpo, saŋɛ na so nɛ b baa ji asheŋ ekpa nɛ k maŋ daga so.

Ditɛronɔmi 17:12

Esa kama nɛ e kaŋ pɛl ŋ kini kewora demujipo na ŋko bɔrɛmatapo nɛ e wɔ kushuŋ to loŋ be jemanɛ na kasonu, daga fanɛ men mɔ mo. Kananɛ menyeeŋ wora n lara kulubi Israɛl be efuli so nna na.

Ditɛronɔmi 17:9

n ya ta demu na n nase bɔrɛmatapoana nɛ b shi Livaiebi be yiri to na nɛ demujipo nɛ e bee shuŋ loŋ be jemanɛ na be anishito nɛ b ji kumo.

Ditɛronɔmi 21:2

menyi to be benimuana nɛ demujipoana na beeŋ ya yili kakpa nɛ ebuni na dese na ŋ karga aya n yɔ nde nɛ a mata ndoŋ na be kekama to.

Ditɛronɔmi 25:1

Nɛ menyi to be benyɔ nya kesheŋ nseŋ yɛr kumo demujikpa nɛ b ji kumo nɛ eko ji m bri mo barkasa,

1 Samuɛl 8:1

Samuɛl ka bel, nɛ e lara mbe mbinyɛnsobi anyɔ nɛ b ki Israɛl be demujipoana.