Ditɛronɔmi 16:11 - EBƆRƐ BE KAWƆL

¹¹ Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:11 ပူးပေါင်းရင်းမြစ်များ

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Aizaaya 64:5

Bekama nɛ baa ta kagbenefuli a wora fo kasonu nsaa wora asɔ nɛ fee sha na, fo alɛ bee chɛ bumo to nna. Ama kulubi bre bee shin nɛ fo kagbene bee kaa nna. Fo nawule e naaŋ tiŋ n chɛ anyi to n shin nɛ an nya kumɔlga.

Jowɛl 1:16

To, naniere gba an kɔ anishi nna a keni anyi be adɔ nɛ amo be ajibi bee jija. Kagbenefuli malɛ maŋ naa wɔ bɔrɛlambu to kuraa.

Habakuk 3:18

ŋ kraa beeŋ shin nɛ ma kagbene e fuli ma, ŋkpal Enyɛnpe Ebɔrɛ na ka la ma emɔlgapo so.

Romebi 5:11

Mannɛ aloŋ gba nawule so nna, ŋkpal manɛ so, an bɔla an Nyɛnpe Yesu Kristo nɛ e shin nɛ anyi nɛ Ebɔrɛ naŋ nyalɛ na so n nya kagbenefuli ŋkpal Ebɔrɛ so n ti so.

2 Kɔrintebi 1:24

Men baa nyi fanɛ mannɛ fanɛ anyee sha keŋini menyi kenimu nna ashi yirda na to, ama kusɔ nɛ anyee wora e la fanɛ anyee tu menyi nna a wora asheŋ ŋkpal men be kenya kagbenefuliso so. Yirda malɛ so nɛ men yil kpakpa na.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 16:10

Kumo be kaman nɛ men ji Kasɔteŋi be kachɛgboŋ na. Menyeeŋ yili kananɛ Enyɛnpe menyi be Ebɔrɛ na nɛfa menyi na so n lara ŋkɛ m ba bunyaŋ mo.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 26:11

Kede be kaman nɛ mo nɛ mbe kanaŋ nɛ Livai be yiri to ebi na, nɛ befɔ nɛ menyi nɛ bumo wɔtɔ na kikɛ e chɛ abar n di Enyɛnpe menyi be Ebɔrɛ na epaŋ nseŋ ji bumo be amu ndoŋ.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.