Ditɛronɔmi 16:10 - EBƆRƐ BE KAWƆL

¹⁰ Kumo be kaman nɛ men ji Kasɔteŋi be kachɛgboŋ na. Menyeeŋ yili kananɛ Enyɛnpe menyi be Ebɔrɛ na nɛfa menyi na so n lara ŋkɛ m ba bunyaŋ mo.

Ditɛronɔmi 16:10 ပူးပေါင်းရင်းမြစ်များ

1 Kronikɛls 29:14

Ma nɛ ma basa maŋ kɔ ekpa nɛ an ji eyur ŋkpal ŋkɛ nɛ an sa fo ere so, ŋkpal manɛ so asɔ na kikɛ chɛr a la fo peya nna.

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

Ɛksodɔs 35:29

Israɛlebi na be benyɛn nɛ beche nɛ b daa sha nɛ b chɛ kushuŋ na to na, daa bar bumo be ŋkɛ nna fanɛ b ta n shuŋ Enyɛnpe Ebɔrɛ na be kushuŋ nɛ e ta n sa Mosis na.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Jowɛl 2:14

Nɛ men lar men be alubi to ashere Enyɛnpe, men be Ebɔrɛ na beeŋ chɛrga mbe nfɛra nseŋ nɛfa menyi nɛ men be adɔjibi e wora nɛnɛ ga. Loŋ nɛ menyeeŋ tiŋ n nya adɔjibi nɛ asɔ nuuso n lara sarga n sa mo.

Levitikɔs 12:8

Nɛ eche na maaŋ tiŋ n nya kpakpafɔlbi na, e beeŋ bar ali anyɔ ŋko elepɔ anyɔ, nɛ kukoŋwule e baa la sarga chɔɔso peya nɛ kenyɔsopo na e baa la kulubi be sarga peya. Nɛ bɔrɛmatapo na e ta amo n lara kenyalɛso be sarga nɛ eche na e nyalɛ so daŋkare be ekpa so.”

Levitikɔs 23:15

Men yili Kewushiachɛ na be ŋklade na be kachɛ nɛ men lara ayu pati be sarga n sa Enyɛnpe Ebɔrɛ na ŋ karga ebɔkwe lelemu ashunu.

Levitikɔs 25:26

Nɛ fanɛ mo kurgepo gbagba maŋ tiŋ n tɔ kumo, nɛ e fa kumo n sa esa pɔtɛ nseŋ naŋ ba dii kedama e beeŋ naŋ tiŋ n tɔ kasawule na.

Levitikɔs 5:7

Nɛ esa na maaŋ tiŋ n nya kubolpɔ ŋko kaboe, e bar elepɔ anyɔ ŋko ali anyɔ Enyɛnpe Ebɔrɛ na be anishito m ba lara mbe kulubi na be sarga. Baaŋ ta mbuibi na be ekoŋwule n lara kulubi be sarga nseŋ ta ekoŋwule malɛ n lara sarga chɔɔso.

Nɔmbɛs 28:26

A daga fanɛ men be ekama ka wushi ashi mbe ashuŋ to kasɔteŋi be kachɛgboŋ na be kachɛ juŋkparso, nseŋ ta mbe ayu popɔr be sarga m ba sa Enyɛnpe Ebɔrɛ na, nseŋ shɛr abar so m bunyaŋ mo.

Nɔmbɛs 31:28

Asɔ nɛ benapo na nya na, dimɛdi ŋko kusɔbɔya, be kekama be alfa anu to be kukoŋwule la Ebɔrɛ be kachige nna.

1 Kɔrintebi 16:2

Alediachɛ kama, men be ekama e ta amansherbi kanaŋkamaso nɛ e beeŋ tiŋ n nase, saŋɛ na so men maaŋ baa jo nɛ m ba pɔɛŋ nɛ men naa wora toto na.

2 Kɔrintebi 8:10

Kusɔ nɛ ma nfɛra bee sa ma ashi kesheŋ ere to nde fanɛ: Kusɔ nɛ k walɛ fanɛ men wora e la fanɛ men loge kusɔ nɛ men fara kewora kafɛnde na. Menyi e baa la bumo nɛ b baa maŋ juŋkpar n wora kusɔ na nawule, ama bumo nɛ b juŋkpar n sha kewora kumo gba.

2 Kɔrintebi 8:12

Ŋkpal manɛ so, nɛ esa baŋ bugi kagbene n yili kumo fanɛ e beeŋ sa, kumo ere kusɔ nɛ amodoŋwura kɔ so nɛ Ebɔrɛ beeŋ yili n sɔ loŋ be kakɛ na, mannɛ kusɔ nɛ e maŋ kɔ so.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:9

Ade kikɛ be kaman nɛ men yili jemanɛ nɛ men fara a teŋi menyi be ayu na a karga n ya fo ebɔkwe ashunu.