Ditɛronɔmi 15:9 - EBƆRƐ BE KAWƆL

⁹ Men sa maa kini kepaŋ basa asɔ ŋkpal kafɛ nɛ baa yige basa be akɔ a kɛ bumo na ka taga to so. Men sa maŋ shin nɛ le be nfɛra lubi ere e ba menyi to gba kuraa. Nɛ menyi baŋ kini kesa betirpo na m paŋ, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Ditɛronɔmi 15:9 ပူးပေါင်းရင်းမြစ်များ

Job be kawɔl 34:28

Betirpo nɛ b daŋ shu ŋ ŋini Ebɔrɛ nɛ mo alɛ nu bumo be kushu nseŋ chɛ bumo to.

Nshɛ 101:3

Ma alɛ beeŋ kishi kusɔ nɛ basa nɛ b pal kaman n sa Ebɔrɛ bee wora na kikɛ.

Nshɛ 12:5

Ndoŋ nna nɛ Enyɛnpe Ebɔrɛ kaŋɛ le: “Meeŋ koso, ŋkpal bepɔshipo be kamɛaŋ, nɛ basa nɛ asheŋ bee tɔrɔ be kushuto so. Meeŋ sɔ bumo n yige.”

Nshɛ 9:12

Mo e maŋ teŋ kegberge alubiworapo kusoe so, mo alɛ maa kplaŋ kenu bumo nɛ b wɔ awurfoŋ to be kushu so.

Ɛksodɔs 22:22

Men saa maa mɛaŋ bekulpoche ŋko amunibi,

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aŋasa 14:21

Kekishi fo kurgepo la kulubi nna, ama Ebɔrɛ beeŋ nɛfa bekama nɛ baa chɛ betirpo to.

Aŋasa 21:13

Fo baŋ kini kenu etirpo be kushu, fo alɛ gba beeŋ shu nɛ basa maaŋ tuge fo.

Aŋasa 23:6

Sa maa tu Miiriworaana a ji, ŋko a yɛlga mbe ajibi lela.

Aŋasa 24:9

Ewulpo be nfɛra fɛso kikɛ maŋ walɛ. Basa kishi ewulpo nɛ e bee wora basa eyur to ga.

Aŋasa 28:22

Esa kama nɛ e bɔlɔ miri so n dii dama beeŋ ki etirpo.

Aŋasa 4:23

Baa da fo nfɛra fɛso so, ŋkpal manɛ so amo e naa ŋini fo kebaawɔtɔ.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 34:14

nfɛ ashunu kikɛ be kaman, a daga fanɛ b yige bumo braana Hibruwebi nɛ b tɔ anya nɛ b shuŋ bumo n fo nfɛnshe na nɛ b ya kaa wɔ bumo be amu a ji. Ama b maŋ nu kusɔ nɛ ŋ kaŋɛ bumo na.

Matiu 15:19

Ŋkpal manɛ so, esa be kagbene to nɛ nfɛra lubi nɛ a bee shin nɛ e bee mɔ, a ji kubojua nsaa wora kusɔ jigayaso be kanyɛnsha nɛ kachesha bee shi a lar. Ndoŋ nɛ kayu nɛ kafule nɛ basa be atre be kejija bee shi.

Matiu 20:15

M maŋ kɔ ekpa nna nɛ n ta ma amansherbi n wora kusɔ nɛ mee sha a? Ŋko fee besa eyur nna ŋkpal ma kelela so?”

Ditɛronɔmi 15:1

Nfɛ ashunu kikɛ be lalaloge menyeeŋ ta bekama nɛ b ji menyi akɔ na kikɛ be akɔ nɛ b ji na m paŋ bumo.

Ditɛronɔmi 24:15

Ŋkpal b ka la betirpo n daga fanɛ b nya amansherbi pɔɛŋ nseŋ tiŋ n nya bumo be kusɔ jisoso, a daga fanɛ men ka bumo karechɛ kama be kushuŋ be kukɔ pɔɛŋ nɛ epeŋi e tɔr. Nɛ menyi maŋ ka bumo, baaŋ shu ŋ ŋini Enyɛnpe Ebɔrɛ na nɛ kumo be kulubi e baa bɛ menyi.

Ditɛronɔmi 31:10

Kumo be kaman nɛ Mosis kaŋɛ bumo le kenishipere so: “Nfɛ ashunu kikɛ be lalaloge, kumo e la kafɛ nɛ baa yige akɔ a paŋ na, men kraŋ mbra be kawɔl ere awɔrso n sa ekama jemanɛ nɛ menyee ji Kebaawɔ Abuu to be kachɛgboŋ na.

Jeems 4:17

Fo kama malɛ nɛ fo nyi kusɔ nɛ k daga nsaa maŋ wora kumo, fo wora kulubi nna na.

Jeems 4:5

Ŋko menyee tama fanɛ abɔrɛsibɛ na ka bee kaŋɛ fanɛ: “Ebɔrɛ be kenishi pere kiyoyu nɛ e ta n wɔtɔ anyi to na so ga na,” maŋ kɔ kifi nna a?

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Jeems 5:9

Ŋ kurgepoana, men sa maa bile asheŋ a sa abar nɛ Ebɔrɛ e kaŋɛ fanɛ men wora kulubi. Men keni, a ka gbrɛbi nɛ an kikɛ be Demujipo na e tu anyi.

1 Pita 4:9

Men baa sɔ abar men peana nsaa maa muni to.