Ditɛronɔmi 15:6 - EBƆRƐ BE KAWƆL

⁶ Enyɛnpe Ebɔrɛ na beeŋ nɛfa menyi fanɛ kananɛ e nase kɔnɔ na, nɛ efuli damtaana so ebi e paŋ menyi amansherbi, ama menyi ere maaŋ ya paŋ efuli kama so ebi amansherbi. Menyi alɛ beeŋ ji kuwura efuli damta so, ama efuli kama maaŋ ji kuwura menyi ere so.

Ditɛronɔmi 15:6 ပူးပေါင်းရင်းမြစ်များ

1 Bewura 4:21

Ewura Sɔlɔmɔn be efuli daŋ yili Yufreetes be Lɔr na ase ashi epeŋilarkpa be kaba so nna n ya fo Filisti be efuli ashi epeŋitɔrkpa, ŋ keta loŋ n ya gbuŋ Ijipt be kasawule. Loŋ be efuli na so be basa daa ka lampo nna a sa mo nsaa shuŋ mo hale nɛ e ba wu.

1 Bewura 4:24

Ewura Sɔlɔmɔn e daa ji yili Yufreetes be Lɔr na be epeŋilarkpa be kaba so be kasawule nɛ k yili Tipsa n ya fo Gaaza nɛ k wɔ epeŋitɔrkpa be kaba so na so kuwura. Bewura nɛ b daa wɔ Yufreetes be epeŋitɔrkpa be kaba so na daa shuŋ mo nna nɛ kayurwushi daa wɔ mo nɛ bumo nɛ mbe bechenashapoana be kefɛato.

1 Kronikɛls 17:27

Enyɛnpetale nɛfa ma kaman to ebi, saŋɛ na so feeŋ baa lara fo bewura bumo to saŋkama. Fo Enyɛnpe Ebɔrɛ na e nase kɔnɔ fanɛ fo nɛfa beeŋ baa wɔ ma kaman to ebi so hale mbaanaayɔ.”

2 Kronikɛls 9:26

Mo e daa ji bewura nɛ b wɔ Lɔrgboŋ nɛ baa tre Yufreetes na ashi kelargato be esoso n ya fo Filistiebi be efuli so ashi kelargato be kaseto n ta n ya fo Ijiptebi be kasawule be egbaŋ to kikɛ so eleŋ.

Ɛzra 4:20

Bewura nɛ b daŋ ji eleŋ ga daŋ chena Jerusalɛm to nseŋ daŋ ji kuwura basa nɛ b daa tase Yufreetes be epeŋitɔrkpa be kasawule so, bumo alɛ daa tu bumo a sɔ elampo nɛ atoto nna.

Nehemaya 9:27

Amoso fo ta bumo nna m bɔɔ bumo doŋana enɔ, nɛ b kɔrfɛ bumo ga. Ama bumo be awurfoŋ na to, b daŋ kule fo fanɛ fo chɛ bumo to nna. Ebɔrɛso nɛ fo wɔ nseŋ nu bumo be kekule, ŋkpal fo kuwɔrwu ka shi ga so, fo daŋ shuŋi bejuŋkparpo nna nɛ b ba kɔ n suge bumo ashi bedoŋ be enɔ to.

Nshɛ 112:5

Kebaawɔtɔ bee nite nɛnɛ nna a sa bekama nɛ baa bugi epunto a ta asɔ a paŋ beko nsaa ji kashenteŋ ashi bumo be keyawuji to na.

Nshɛ 37:21

Belubiworapo bee paŋ asɔ nna, nsaa kini keka. Ama basa nɛ baa wora asheŋ nɛ a niŋi na bre bee bugi kagbene nna a kɛ basa asɔ saŋkama.

Nshɛ 37:26

Ama baa nya a ji nɛnɛ nna, nsaa bugi kagbene a kɛ basa asɔ yɛlyɛla so; nɛ bumo be mbia malɛ bee nya nɛfa.

Aŋasa 22:7

Damawuraana e naa ji betirpo so kuwura, nɛ basa nɛ baa paŋ asɔ bee ki bumo nɛ b paŋ bumo kutɔ na be anya.

Luuk 6:35

Men baa sha men doŋana nsaa wora bumo kelela. Men sa maa ta men be asɔ a paŋ basa nsaa tama kebɛta n nya tɔnɔ kama ashi bumo kutɔ. Loŋ nɛ menyeeŋ nya tɔnɔgboŋ nseŋ ki Enyɛnpetale Ebɔrɛ na be mbia. Ebɔrɛ gba bee wora ebutuli nɛ dalubiwuraana kelela.

Ditɛronɔmi 15:5

Nɛ menyeeŋ wora mo kasonu nsaa bɛ kusɔ kama nɛ mee kaŋɛ menyi kabre ere so nɛnɛ bre, menyi to be ekoŋwule gba maa ba nɛ e shu ketir.

Ditɛronɔmi 28:44

Befɔ na beeŋ nya amansherbi a paŋ menyi, ama menyi ere maaŋ nya shɛŋ m paŋ bumo. Kumo be lalaloge, baaŋ ba ji kuwura menyi so.