Ditɛronɔmi 15:23 - EBƆRƐ BE KAWƆL

²³ Ama men sa maŋ kaa ji amo be ŋklaŋ bre. A daga fanɛ men chulgi amo n wurge kasawule.

Ditɛronɔmi 15:23 ပူးပေါင်းရင်းမြစ်များ

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Levitikɔs 19:26

Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 7:26

Kaplɛkama malɛ nɛ men wɔ, men sa maŋ kaŋ ji kabuibi ŋko kusɔbɔya kikɛ be ŋklaŋ.

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Ditɛronɔmi 12:15

Ama men kɔ ekpa nɛ men baa mɔ menyi be asɔbɔya bre ashi menyi be ndeana to a we kanaŋkama nɛ menyee sha, fanɛ kananɛ menyeeŋ we chibir ŋko shantaŋ be eblaŋ na. Kanaŋ kama nɛ Enyɛnpe Ebɔrɛ na beeŋ nɛfa menyi, menyeeŋ tiŋ n ji. Menyi kikɛ beeŋ tiŋ n ji, bumo nɛ b walɛ so nɛ bumo nɛ b maŋ walɛ so daŋkare be ekpa so kikɛ beeŋ tiŋ n ji amo.

Ditɛronɔmi 12:16

Ama a maŋ daga fanɛ men ji amo be ŋklaŋ bre. A daga fanɛ men baa chulgi ŋklaŋ na a wurge kasawule nna fanɛ nchu.

Ditɛronɔmi 12:23

Ama men sa maŋ kaa ji eblaŋ nɛ ŋklaŋ wɔ kumo to, ŋkpal manɛ so, kusɔbɔya na be ŋkpa wɔ ŋklaŋ na to nna nɛ a maŋ daga men baa ji eblaŋ na nɛ ŋkpa wɔ kumo to.

Ditɛronɔmi 12:24

Men sa maŋ kaa ta ŋklaŋ na fanɛ ajibi a ji amo, ama men baa chulgi amo a wurge kasawule fanɛ nchu.

1 Samuɛl 14:32

Amoso b daŋ shile nna n ya kaa mɔ mbolpɔ nɛ ana nɛ anabi nɛ b kɔ Filistiebi m pɔɔ so n suge na epul to ndoŋ a kuya amo to a we amo nɛ ŋklaŋ.

1 Samuɛl 14:33

Nɛ esa ko kaŋɛ Sɔɔl le: “Keni basa na bee wora alubi a gbiti Enyɛnpe Ebɔrɛ na nna ŋkpal b ka bee we eblaŋ nɛ a kɔ ŋklaŋ amo to so.” Nɛ Sɔɔl kaŋɛ kenishipereso le: “Kashenteŋ nɛ fo ji, b wora n da Enyɛnpe Ebɔrɛ so nna na. Men gbelti kejembu gboŋgboŋi m ba nfe manaŋ m ba sa ma.”