Ditɛronɔmi 15:2 - EBƆRƐ BE KAWƆL

² Kananɛ menyeeŋ baa wora kumo nde: Menyi to be ekama nɛ mo barkasa Israɛl be esa paŋ amansherbi mo kutɔ beeŋ kpra kukɔ na. E sa maŋ naŋ sɔ amansherbi na, ŋkpal manɛ so, Enyɛnpe Ebɔrɛ na gbagba e kpra kukɔ na.

Ditɛronɔmi 15:2 ပူးပေါင်းရင်းမြစ်များ

Nehemaya 10:31

Anyi alɛ maaŋ tɔ asɔ, hale ajibi jiso gba esa kikɛ kutɔ Kewushiachɛ na ŋko kachɛ cheembi kikɛ. Kafɛ shunusopo kikɛ, anyeeŋ shin nɛ anyi be adɔsawule e dese n wushi. Anyi alɛ beeŋ ta basa be akɔ nɛ b ji anyi ŋ kɛ bumo loŋ be jemanɛ na.

Aizaaya 58:3

Kumo be kaman nɛ basa na bishi le: “Manɛ nna nɛ anyee kishi nɛ Enyɛnpe Ebɔrɛ na maa wu fanɛ anyee kishi? Nɛ manɛ nna nɛ anyee bar anyi be amu kaseto nɛ mbe lakal maŋ wɔ anyi so?” Ade be kaman nɛ Enyɛnpe Ebɔrɛ na malɛ kaŋɛ bumo le: “Kashenteŋ na e la fanɛ, jemanɛ kikɛ nɛ menyee kishi menyi gbagba be aparsheŋ nɛ menyee wora nsaa mɛaŋ menyi be beshumpoana.

Matiu 6:12

nseŋ ta anyi be alubi m paŋ anyi fanɛ kananɛ anyi alɛ gba ta m paŋ bumo nɛ b wora n da anyi so na.

Luuk 7:42

Bumo be ekama daa maŋ tiŋ ŋ ka nɛ e yige amo m paŋ bumo. To, basa anyɔ ere to be emo e naaŋ baa sha amansherbipampo na ga?”

Ditɛronɔmi 15:1

Nfɛ ashunu kikɛ be lalaloge menyeeŋ ta bekama nɛ b ji menyi akɔ na kikɛ be akɔ nɛ b ji na m paŋ bumo.

Ditɛronɔmi 15:3

Menyeeŋ tiŋ n shin nɛ efɔ bre e ka kukɔ nɛ e ji menyi, ama a maŋ daga fanɛ men shin nɛ menyi gbagba to bre be esa e ka kukɔ nɛ e ji menyi na.

Ditɛronɔmi 31:10

Kumo be kaman nɛ Mosis kaŋɛ bumo le kenishipere so: “Nfɛ ashunu kikɛ be lalaloge, kumo e la kafɛ nɛ baa yige akɔ a paŋ na, men kraŋ mbra be kawɔl ere awɔrso n sa ekama jemanɛ nɛ menyee ji Kebaawɔ Abuu to be kachɛgboŋ na.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.