Ditɛronɔmi 15:19 - EBƆRƐ BE KAWƆL

¹⁹ Kede be kaman, kusɔbɔya fanɛ kena ŋko kubolpɔ ŋko kaboe pibi wurkoŋ la Enyɛnpe menyi be Ebɔrɛ na peya nna nɛ a maŋ daga fanɛ men ta loŋ be ana na a shuŋ ŋko ŋ kuya mbolpɔ na be afuibi n wora kusɔ ko.

Ditɛronɔmi 15:19 ပူးပေါင်းရင်းမြစ်များ

Ɛksodɔs 13:12

men ta men be ewurkoŋnyɛn nɛ men be asɔbɔya be bibinyɛn nɛ baaŋ fara ŋ kurge ashi ndoŋ na kikɛ n sa ma, Enyɛnpe Ebɔrɛ na.

Ɛksodɔs 13:2

“Lara wurkoŋnyɛn kikɛ ashi Israɛlebi ere to nɛ e baa du cheembi a la meya. Dimɛdi ŋko kusɔbɔya be wurkoŋnyɛn, la meya nna.”

Ɛksodɔs 22:29

Men sa maŋ kaŋ kini kesa ma men be adɔjibi nɛ asɔrso be asɔnuuso. Men ta men be ewurkoŋ nyɛnso

Ɛksodɔs 22:30

nɛ men be ana nɛ mbolpɔ gba peya m bɔɔ ma enɔ. Asɔbɔya na bre daga fanɛ b baa wɔ bumo nioana kutɔ nchɛnshunu nna, kachɛ burwasopo na nɛ b ta amo m bɔɔ ma enɔ.

Ɛksodɔs 34:19

Menyi alɛ e baa nyi fanɛ men be wurkoŋnyɛn kikɛ, n ta men be asɔbɔya fanɛ mbolpɔ nɛ mboe nɛ ana gba peya n ti so, la meya nna.

Levitikɔs 27:26

Kusɔbɔya fanɛ kena ŋko kubolpɔ ŋko kaboe kikɛ pibi juŋkpar so la Enyɛnpe Ebɔrɛ na peya nna. Amoso a maŋ daga fanɛ esa kikɛ e ta loŋ be kusɔbɔya fanɛ kusɔ cheembi n lara mbe keparso be sarga n sa Enyɛnpe Ebɔrɛ na.

Nɔmbɛs 18:15

Dimɛdi ŋko kusɔbɔya be wurkoŋ kama nɛ Israɛlebi na baaŋ ta n sa ma, la menyeya nna. Ama a daga men ka shuli nɛ b ka wurkoŋ kama nɛ kusɔbɔya be wurkoŋ kama nɛ k maŋ walɛ so daŋkare be ekpa so be kukɔ.

Nɔmbɛs 18:17

Ama a maŋ daga men ka tɔ ana nɛ mbolpɔ nɛ mboe bre be ewurkoŋ. Amo ere daga keta n lara sarga n sa ma ŋkpal manɛ so a la meya nna. Men mɔ amo n chulgi amo be ŋklaŋ n wurge bɔrɛsure na so nseŋ chɔɔ amo be nfɔ saŋɛ na so amo be edishi beeŋ dii m ba ŋ kutɔ ŋkpal manɛ so amo be efɛa bee wora ma ebel nna.

Romebi 8:29

Bumo nɛ e chɛr a nyi koŋwule na nɛ e lara n yili fanɛ b baa du fanɛ mo Pibinyɛn na, saŋɛ na so, Ebinyɛn na beeŋ baa la bekurgepo damtaana na to be ejuŋkparso.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 15:18

Nɛ men baŋ yige menyi be anya malɛ fanɛ b baa yɔ, men sa maŋ shin nɛ kebaabesa menyi nɛ men baa bile asheŋ. Ŋkpal manɛ so nfɛnshe kikɛ nɛ baa shuŋ menyi, menyi alɛ maŋ jija amansherbi bumo so a fo kananɛ menyee ka paawura kukɔ be bargato gba. Aloŋ nɛ Enyɛnpe menyi be Ebɔrɛ na beeŋ nɛfa menyi kusɔ kama nɛ menyee wora to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Hibruwebi 12:23

Men ba Ebɔrɛ be ewurkoŋ nyɛnsoana nɛ Ebɔrɛ sibɛ bumo be atre n nase ebɔrɛso na be kagbenefuliso be nshɛr to nna na. Men ba Ebɔrɛ nɛ e la basa kikɛ be demujipo na kutɔ nna nseŋ naŋ ba belelapo nɛ e ta bumo be ayoyu ŋ ki cheembi na kutɔ nna na.