Ditɛronɔmi 15:11 - EBƆRƐ BE KAWƆL

¹¹ Kanaŋ kama nɛ asheŋ du, Israɛl be basa ko beeŋ baa la betirpo nɛ asheŋ e tir bumo. Amoso nɛ mee kaŋɛ menyi fanɛ men baa wora asheŋ a sa bumo yɛlyɛla so na.

Ditɛronɔmi 15:11 ပူးပေါင်းရင်းမြစ်များ

Ɛksodɔs 23:11

nseŋ yige kumo nɛ k wushi kafɛ shunusopo na bre to. Menyi alɛ e sa maŋ teŋi kumo so be akɔrbua kafɛ shunusopo na to, saŋɛ na so betirpo nɛ kupuŋ to be asɔbɔya gba beeŋ shishi amo nɛ a ka na n ji. Loŋ koŋwule na e daga fanɛ men wora men be afeelebi sɔrso nɛ ɔlif be ndibi be adɔ gba.

Aŋasa 19:17

Kekɛ etirpo kusɔ du fanɛ fo ka ta kumo m paŋ Enyɛnpe Ebɔrɛ nna; Ebɔrɛ beeŋ ka fo kumo be kukɔ.

Aŋasa 22:2

Enyɛnpe Ebɔrɛ na e to etirpo nɛ damawura kikɛ.

Aŋasa 31:20

E bee bugi enɔ nna a chɛ betirpo nɛ bumo nɛ asheŋ bee pɔɔ bumo so to.

Ezikɛl 18:7

Amodoŋwura malɛ maa puni ŋko a suge esa, mo alɛ maa sɔ tarma pɔɛŋ nseŋ sa esa mpaŋ. Ade be kaman mo alɛ naa chɛ betirpo to a sa bumo ajibi nɛ asɔbuuso.

Matiu 26:11

Saŋkama menyi nɛ betirpo e naaŋ baa la, ama ma ere nɛ menyi maaŋ baa la saŋkama.

Matiu 5:42

Nɛ esa kule fo kusɔ ko, fo sa mo, nɛ esa ko malɛ bee sha kepaŋ kusɔ ko fo kutɔ, fo sa maŋ mɔn mo.

Maak 14:7

Saŋkama menyi nɛ betirpo e naaŋ baa la, nɛ saŋkama nɛ menyee sha, menyeeŋ tiŋ n chɛ bumo to, ama ma ere nɛ menyi maaŋ baa la saŋkama.

Luuk 12:33

Men fa menyi be ekpanjawu to be asɔ nseŋ ta amo be amansherbi n sa betirpo. Loŋ e naaŋ shin nɛ men baa kɔ ekpanjawu nɛ a bɔlɔ menyi be ekɔlgu a yil ebɔrɛso a maa jija, amo alɛ maa duga so. Eyu kikɛ maaŋ tiŋ n yuri amo ndoŋ, elala malɛ gba maaŋ tiŋ n ji amo.

Baru lela nɛ Jɔn kute na 12:8

Saŋkama menyi nɛ betirpo e naaŋ baa la, ama ma ere nɛ menyi maaŋ baa la saŋkama.”

Ashuŋ Shunso 2:45

Saŋko baa fa bumo be ekpanjawu to be asɔ nna a ta amo be amansherbi a chige a sa bumo to be ekama kanaŋkamaso nɛ a daga ekama ka nya.

Ditɛronɔmi 15:7

Kede be kaman nɛ asheŋ tir Israɛl be basa ko nɛ b wɔtɔ menyi be ndeana to ashi kasawule nɛ Enyɛnpe menyi be Ebɔrɛ na bee sa menyi ere so, kumo ere men sa maŋ kaa wora kejimuni nseŋ kini kechɛ bumo to.

Ditɛronɔmi 15:8

Men baa bugi ŋgbene a paŋ bumo kanaŋkamaso nɛ ketir bumo.