Ditɛronɔmi 15:10 - EBƆRƐ BE KAWƆL

¹⁰ Amoso men baa wora betirpo be asheŋ tirso yɛlyɛla so a sa bumo, mannɛ kejimuni so. Saŋɛ na so nɛ Enyɛnpe Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:10 ပူးပေါင်းရင်းမြစ်များ

Aŋasa 22:9

Esa kama nɛ e bee bugi kagbene a kɛ beeŋ nya nɛfa, ŋkpal mo nɛ betirpo ka bee barga mbe kusɔ jiso to so.

Kaŋinichiŋgeliŋ 11:1

Baa ta fo asɔ a kɛ yilayilaso, kachako so feeŋ ji amo be tɔnɔ.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Aizaaya 58:10

nsaa sa basa nɛ akoŋ kɔ ajibi nseŋ naa chɛ bumo nɛ asheŋ tir bumo to, kumo ere kanyɛso beeŋ ki fanɛ kapiidi n sa menyi.

Matiu 25:40

Nɛ ma, Ewura na e kaŋɛ le: ‘Ma e kaŋɛ menyi kashenteŋto na fanɛ, kusɔ kama nɛ men daŋ wora n sa ŋ kurgepobi ere be ekama, ma nɛ men daŋ wora n sa na.’

Ashuŋ Shunso 20:35

M bɔla kusɔ kama to ŋ ŋini menyi fanɛ kebaashuŋ le ere nɛ anyee chɛ bepɔshipo to nsaa nyiŋi Enyɛnpe Yesu gbagba be mmalga nɛ e kaŋɛ na: ‘Kakɛ kɔ kagbenefuli a chɔ kesɔ.’ ”

Romebi 12:8

Nɛ kumo alɛ naa la basa be keleŋto, fo baa wora loŋ. Ekama malɛ nɛ e bee barga mbe kanya to a sa beko e baa bugi kagbene a wora loŋ. Ekama nɛ e la ejuŋkparpo e baa shuŋ ga nɛ emo nɛ mo alɛ naa wu basa kuwɔr e baa bugi kagbene a wora loŋ.

Ditɛronɔmi 14:19

Asɔ firgisobi nɛ a bee ber abar so a firgi kikɛ maŋ walɛ so n sa menyi, amoso men sa maa ji amo.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 15:18

Nɛ men baŋ yige menyi be anya malɛ fanɛ b baa yɔ, men sa maŋ shin nɛ kebaabesa menyi nɛ men baa bile asheŋ. Ŋkpal manɛ so nfɛnshe kikɛ nɛ baa shuŋ menyi, menyi alɛ maŋ jija amansherbi bumo so a fo kananɛ menyee ka paawura kukɔ be bargato gba. Aloŋ nɛ Enyɛnpe menyi be Ebɔrɛ na beeŋ nɛfa menyi kusɔ kama nɛ menyee wora to.

Ditɛronɔmi 15:4

Enyɛnpe menyi be Ebɔrɛ na beeŋ nɛfa menyi ashi kasawule nɛ e ta a sa menyi na so.

Ditɛronɔmi 23:20

Menyeeŋ tiŋ a wɔtɔ befɔ nɛ b paŋ menyi asɔ nchu, ama mannɛ men braana Israɛl be basa bre. Nɛ men wora mbra ere kasonu, Enyɛnpe menyi be Ebɔrɛ na beeŋ baa nɛfa kusɔ kama nɛ menyeeŋ baa wora ashi kasawule nɛ menyee yɔ nɛ men ya sɔ n chena so na.

Ditɛronɔmi 24:19

Nɛ men teŋi menyi be adɔjibi n sulɔ amo m ba epe nseŋ teŋ ako so ashi ndɔ na to, men sa maŋ naŋ bɛta n ya ta amo. Men yige amo n sa befɔ nɛ amunibi nɛ bekulpoche, saŋɛ na so Enyɛnpe menyi be Ebɔrɛ na beeŋ nɛfa kusɔ kama nɛ menyee wora.

Ditɛronɔmi 28:8

Enyɛnpe Ebɔrɛ na beeŋ nɛfa menyi be ashuŋ nseŋ shin nɛ menyi be mpuro e bɔlɔ ayu ashi kasawule nɛ e ta a sa menyi ere so.

Hibruwebi 13:16

Menyi alɛ e sa maŋ teŋ kebaawora kelela nɛ kebaata menyi be asɔana a chɛ abar to so, ŋkpal manɛ so, loŋ be esarga e naa par Ebɔrɛ.

1 Pita 4:11

Ekama nɛ e bee malga e shin nɛ mbe mmalga na e baa la fanɛ Ebɔrɛ be mmalga gbagba, nɛ ekama malɛ nɛ e bee shuŋ mo braana e baa ta eleŋ mo nɛ Ebɔrɛ bee sa mo na a wora loŋ, saŋɛ na so, kusɔ kama to, Ebɔrɛ beeŋ bɔla Yesu Kristo so n nya epaŋ be kedi. Kemaŋkura nɛ eleŋ e baa la mo peya mbaanaayɔ. Amɛn.