Ditɛronɔmi 14:3 - EBƆRƐ BE KAWƆL

³ Men sa maa ji kusɔ kama nɛ Enyɛnpe Ebɔrɛ na kaŋɛ fanɛ k maŋ walɛ so.

Ditɛronɔmi 14:3 ပူးပေါင်းရင်းမြစ်များ

Jɛnesis 7:2

Ta asɔbɔya nɛ a maŋ kɔ eyurpi nseŋ daga keta n lara sarga na be yiri to be kenyɛnso nɛ kecheso be ntuŋ ashunushunu, nɛ asɔbɔya nɛ a kɔ eyurpi nsaa maŋ daga keta n lara sarga na be yiri to be kenyɛnso nɛ kecheso be ntuŋ anyɔnyɔ,

Aizaaya 65:4

Kanyɛso malɛ baa yɔ nchaŋ ase nna n ya kaa bishi so a fin abuniyoyu be kechɛto. Bumo alɛ naa we epreku be eblaŋ nna nsaa fe asɔbɔya nɛ b ta n lara esarga n sa agbir be epochu.”

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Levitikɔs 11:2

fanɛ b kaŋɛ Israɛlebi na le: “Asɔbɔya nɛ a wɔ kasawule so ere kikɛ be amo nɛ menyeeŋ tiŋ n ji nde:

Levitikɔs 11:43

Men sa maŋ kaŋ we amo be kekama n ta eyurpi m pɛ menyi be amu.

Levitikɔs 20:25

Amoso nɛ a daga fanɛ men baa keni to nɛnɛ a barga asɔbɔya nɛ mbuibi nɛ a walɛ so nɛ amo nɛ e maŋ walɛ so to na. Men sa maŋ kaa ji asɔbɔya nɛ mbuibi nɛ e maŋ walɛ so. N teŋ kaŋɛ fanɛ a maŋ walɛ so. Nɛ men ji amo a beeŋ shin nɛ menyi alɛ gba e wora eyurpi.

Romebi 14:14

Ŋ ka wɔ Enyɛnpe Yesu to so m baa nyi nna geeŋ fanɛ kejibi kikɛ gbagba maŋ lubi so, ama nɛ esa kama baa ta kejibi kama fanɛ kejibi lubi, kumo ere k beeŋ baa la kejibi lubi n sa amodoŋwura kashenteŋto.

1 Kɔrintebi 10:28

Ama nɛ esa ko baŋ kaŋɛ fo le: “B ta kumo nna n lɔŋɛ kegbir,” kumo ere fo sa maŋ ji kumo ŋkpal esa nɛ e kaŋɛ fo na so, nɛ shika be nfɛra so.

Taites 1:15

Basa nɛ b du cheembi, kusɔ kama malɛ du cheembi nna bumo kutɔ, ama bekama nɛ b maŋ du cheembi bumo alɛ nsaa maŋ kɔ yirda na, shɛŋ shɛŋ maŋ du cheembi bumo kutɔ. Bumo be ŋgbene nɛ bumo be nfɛra fɛso kikɛ maŋ lar so.