Ditɛronɔmi 14:21 - EBƆRƐ BE KAWƆL

²¹ Menyi ere la Enyɛnpe menyi be Ebɔrɛ na be basa nna, amoso men sa maŋ kaa ji kusɔbɔya kikɛ nɛ k wu kpi. Menyeeŋ tiŋ n shin nɛ befɔ nɛ b chena menyi to na bre e ji kumo, ŋko menyeeŋ tiŋ n fa kumo n sa befɔ pɔtɛ. Men sa maŋ kaa daŋɛ kubolpɔbi ŋko kaboebi be eblaŋ kumo nio be kenyipochu to kikɛ.

Ditɛronɔmi 14:21 ပူးပေါင်းရင်းမြစ်များ

Ɛksodɔs 19:6

Menyi alɛ beeŋ baa la kanaŋ cheembi to ebi nɛ bɔrɛmatapoana nɛ b shi kuwurji be kanaŋ cheembi to.’ Kusɔ nɛ mee sha fanɛ fo kaŋɛ Israɛlebi nna na.”

Ɛksodɔs 22:30

nɛ men be ana nɛ mbolpɔ gba peya m bɔɔ ma enɔ. Asɔbɔya na bre daga fanɛ b baa wɔ bumo nioana kutɔ nchɛnshunu nna, kachɛ burwasopo na nɛ b ta amo m bɔɔ ma enɔ.

Ɛksodɔs 23:19

Kafɛ kikɛ men baa ta men be adɔjibi juŋkparso lelaana a bar ma, Enyɛnpe Ebɔrɛ, ashi kakpa nɛ menyee bunyaŋ ma na. Men sa maŋ kaŋ daŋɛ kaboe fɔlbi kumo nio be kenyipochu to.

Ɛksodɔs 34:26

Kafɛ kikɛ men baa ta men be adɔjibi nɛ menyee juŋkpar n teŋi a ba ma, Enyɛnpe men be Ebɔrɛ na be kowu to. Men sa maŋ kaŋ ta kusɔbɔya kikɛ be kenyipochu n daŋɛ kumo pibi.”

Ezikɛl 4:14

Nɛ ma alɛ kaŋɛ Enyɛnpetale Ebɔrɛ le: “Loŋ maaŋ wora, ŋkpal manɛ so, m maŋ naŋ ji ma ekishi n jija ma kumu kikɛ. Yili ma kebia to kikɛ, m maŋ naŋ ji kusɔ wuso ŋko kusɔ nɛ kusɔbɔya pɛ n ji ŋ ka kikɛ. Ajibi nɛ a maŋ walɛ so maŋ naŋ luri ma kɔnɔ kikɛ.”

Ezikɛl 44:31

Bɔrɛmatapoana maŋ daga fanɛ b ji kusɔbɔya ŋko kabuibi nɛ k wu kpi ŋko kumo nɛ kusɔbɔya pɔtɛ mɔ n ji ŋ ka be eblaŋ.”

Danɛl 12:7

Nɛ malaika na maŋ mbe enɔ anyɔ so ŋ ŋini awɔlpa nseŋ nase kɔnɔ kpakpaso ashi Ebɔrɛ nɛ e wɔ ŋkpa to mbaanaayɔ na be ketre to ŋ kaŋɛ le: “K beeŋ ta nfɛ asa nɛ bargato pɔɛŋ nɛ Ebɔrɛ be basa be tɔrɔ nɛ baa ji na e loge na nɛ kusɔ kama e bɔlɔ so.”

Danɛl 8:24

E beeŋ ba kaa kɔ eleŋ ga ama eleŋ na maaŋ ba shi mo gbagba kutɔ. E beeŋ jija asɔ damta nɛ k chinchiŋ basa. E beeŋ mur basa lempo nɛ Ebɔrɛ be basa gba kikɛ.

Levitikɔs 11:40

Esa kama nɛ e we kusɔbɔya na be eblaŋ daga e fɔr mbe asɔbuuso, ama e beeŋ kraa wɔ eyurpi to hale nɛ kaase e ya fo. Esa kama malɛ nɛ e sulɔ loŋ be kusɔbɔya gba daga kefɔr mbe asɔbuuso, ama mo alɛ kraa beeŋ baa wɔ eyurpi to hale nɛ kaase e ya fo.

Levitikɔs 17:15

Israɛl be esa kikɛ ŋko efɔ kama nɛ e we kusɔbɔya nɛ e wu kpi ŋko kusɔbɔya nɛ kupuŋ to be kusɔ pɛ, daga fanɛ e fɔr mbe asɔbuuso nseŋ bɛr nchu, ama e kraa beeŋ baa wɔ eyurpi to n ya fo kaaseso.

Levitikɔs 22:8

Bɔrɛmatapo maŋ daga fanɛ e ji kusɔbɔya nɛ k wu kpi ŋko kusɔbɔya nɛ kupuŋ to be kusɔ pɛ. Ŋkpal manɛ so k beeŋ shin nɛ e wora eyurpi. Ma e la Enyɛnpe Ebɔrɛ na.

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Romebi 12:2

Men sa maa ta menyi be ŋgbene a wɔtɔ durnya ere to ebi be asheŋ to, men shin nɛ Ebɔrɛ e chɛrga menyi be ŋgbene n sa menyi nɛ men nya nfɛra popɔr. Saŋɛ na so nɛ menyeeŋ tiŋ m pin kusɔ nɛ Ebɔrɛ bee sha, kumo e la fanɛ alelasheŋ, mbe aparsheŋ nɛ asɔ nɛ a daga.

Ditɛronɔmi 14:2

Menyi ere la basa nɛ Enyɛnpe menyi be Ebɔrɛ na lara nna nɛ men baa la mo gbagba be basa ashi edimɛdi nɛ b wɔ durnya kikɛ to.

Ditɛronɔmi 14:20

Ama menyeeŋ tiŋ n ji asɔ firgisobi ko fanɛ elotɔr nɛ epantɛ nɛ alonte.

Ditɛronɔmi 7:6

A daga fanɛ men wora loŋ ŋkpal manɛ so, men la Enyɛnpe menyi be Ebɔrɛ na be basa gbagba nna. Efuli damtaana e wɔ durnya ere to, ama menyi Israɛl be basa nɛ e lara fanɛ men baa la mo gbagba be basa.

1 Pita 1:16

Ŋkpal manɛ so, abɔrɛsibɛ na bee kaŋɛ fanɛ Ebɔrɛ kaŋɛ: “Men baa du cheembi, ŋkpal manɛ so, n du cheembi nna.”