Ditɛronɔmi 14:1 - EBƆRƐ BE KAWƆL

¹ Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Ditɛronɔmi 14:1 ပူးပေါင်းရင်းမြစ်များ

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

1 Bewura 18:28

Amoso agbirwuraana na daa kule awɔrso nna nseŋ ta nsaŋɛbi nɛ etokobi a ku bumo be eyurana daŋkare be ekpa so nɛ ŋklaŋ bee lar.

Aizaaya 63:16

Fo e la an tuto. K wora fanɛ Eebraham nɛ Jeekɔb nɛ b la an nananyɛnana na maŋ naa nyiŋi anyi be asheŋ. Ama fo, Enyɛnpe Ebɔrɛ nɛ fo la an tuto na e naa kuŋ anyi dra kikɛ hale m ba fo kabre.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Jɛremaya 31:9

Ma basa beeŋ ta kushu kabɔrɛkule nna a ba, saŋɛ nɛ n juŋkpar bumo m bɛta a ba epe na. Meeŋ juŋkpar bumo m bɔla ekpa nɛ k walɛ nɛ b maaŋ fiti kumo so n yɔ mbombi be nchu ase. Ŋkpal manɛ so, ma e la Israɛl mo tuto nɛ Efrayim malɛ la m pibinyɛn wurkoŋ.”

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Levitikɔs 21:5

Bɔrɛmatapo maŋ daga fanɛ e she mbe kumu ŋko n digi mbe katɔl so ŋko ŋ ku mbe eyur be kaplɛkama a ŋini fanɛ e bee shu keeli nna.

Baru lela nɛ Jɔn kute na 1:12

Ama bekama nɛ b sɔ mo nseŋ yirda mbe ketre na, e sa bumo ekpa nna nɛ b ki Ebɔrɛ be mbia.

Baru lela nɛ Jɔn kute na 11:52

Mannɛ bumo nɛ b daa wɔ efuli na so na nawule gba, ama e daa shin nɛ e wu n sa Ebɔrɛ be mbia nɛ b daŋ pesaŋ to a wɔ mboŋ pɔtɛana na kikɛ gba, saŋɛ na so e beeŋ bar bumo abar so n shin nɛ b ba ki kukoŋwule.

Romebi 8:16

Kiyoyu na malɛ gbagba e naa chɛ anyi be ayoyu to a ŋini fanɛ an la Ebɔrɛ be mbia nna kashenteŋto.

Romebi 9:26

“Kakpa nɛ ma Ebɔrɛ daŋ kaŋɛ bumo le: ‘Mannɛ ma basa e la menyi’ na koŋwule na nɛ meeŋ naŋ tre bumo ma, Ebɔrɛ nɛ n wɔ ŋkpa to na be mbia.”

Romebi 9:4

Ma basa Israɛlebi nɛ n de na. Bumo nɛ Ebɔrɛ ta ŋ ki mbe mbia n shin nɛ b nya mbe kemaŋkura na n ti so. E nase kebaawɔtɔ koŋwuleso be kɔnɔ n sa bumo nseŋ sa bumo mbra na nɛ bɔrɛlambu na to be kabɔrɛshuŋ na nɛ b nya Ebɔrɛ be nnɔ naseso n ti so.

Romebi 9:8

To, kede e naa ŋini fanɛ mannɛ eyur ere to be kakurge e naa ta basa a ki Ebɔrɛ be mbia she bumo nɛ b bɔla Ebɔrɛ be kɔnɔ naseso na to n nya kakurge na nawule e la Eebraham be kaman to ebi kashenteŋto.

2 Kɔrintebi 6:18

Ma, Enyɛnpetale e naa yɛ menyi na fanɛ meeŋ baa la men tuto nɛ menyi alɛ e baa la ma mbinyɛnsoana nɛ mbichesoana.”

Galeeshaebi 3:26

Yirda so nɛ men kikɛ la Ebɔrɛ be mbia ashi Kristo Yesu to.

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Ditɛronɔmi 32:6

Menyi bewulpo nɛ basa nɛ b maŋ kɔ nfɛra ere, le a daga fanɛ men wora Enyɛnpe Ebɔrɛ na a? Enyɛnpe Ebɔrɛ na e la men tuto, mo e to menyi, nseŋ shin nɛ men ki efuli koŋwuleso be basa.

1 Tɛsalɔnikaebi 4:13

Bekurgepoana, anyee sha men ka pin beyirdapo nɛ b wu na be asheŋ nɛ men be ŋgbene e sa maŋ kaŋ jija menyi fanɛ basa nɛ b maŋ kɔ tama na.

Hibruwebi 2:10

Kumo alɛ baŋ fuli nna a dese fanɛ Ebɔrɛ nɛ asɔ kikɛ wɔtɔ ŋkpal mo so nseŋ naa wɔtɔ a sa mo na e shin nɛ Yesu bɔla awurfoŋ to ŋ ki esa cheembi, saŋɛ na so emo nɛ e yɛr bumo kumɔlga to na beeŋ bar basa damta nɛ b ba tu mo a ji mbe kemaŋkura be ebel na be ako.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

1 Jɔn 5:2

Nɛ an baa sha Ebɔrɛ nsaa bɛ mbe mmalga naseso so bre, loŋ nɛ anyeeŋ pin an ka bee sha Ebɔrɛ be mbia gba.