Ditɛronɔmi 13:6 - EBƆRƐ BE KAWƆL

⁶ Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Ditɛronɔmi 13:6 ပူးပေါင်းရင်းမြစ်များ

Jɛnesis 16:5

Nɛ Sɛɛrai kaŋɛ Eebram: “Fo e shin nɛ Heega bee keni ma jiga na. Ma alɛ gbagba e ta mo n sa fo, ama yili saŋɛ nɛ e wu fanɛ e kɔ kedampo na kikɛ e maŋ naa tre ma ere shɛŋ. Enyɛnpe Ebɔrɛ na malɛ e naaŋ ji ma nɛ fo demu n wu emo nɛ e kɔ kashenteŋ, fo ŋko ma.”

2 Samuɛl 1:26

N sipo Jonatan, fo shin nɛ kagbenejija gboŋgboŋi tɔr ma so; ŋkpal fo kasha nɛ fo kɔ n sa ma so; Fo daa sha ma a chɔ kananɛ eche bee sha mo kul.

1 Bewura 18:40

Nɛ Elaija ponte ŋ kaŋɛ le: “Men pɛ Baal be agbirwuraana na. Men sa maŋ shin nɛ bumo be ekama e shile!” Nɛ basa na pɛ bumo kikɛ n yɔ Kishɔn be lɔr na to nɛ anebi Elaija shin nɛ b mɔ bumo kikɛ ndoŋ.

2 Bewura 11:18

Kumo be kaman nɛ b ya da Baal be lambu na n lɛ nseŋ bure kumo be ebɔrɛsure nɛ agbirana nɛ a wɔ ndoŋ na kikɛ nseŋ mɔ Maatan nɛ e la Baal be kegbirwura na ashi ebɔrɛsureana na ase gbagba. Ndoŋ nna nɛ Jehowada shin nɛ bekumpo yili a keni Enyɛnpe be bɔrɛlambu na so.

2 Kronikɛls 15:13

B yɛ a daga b ka mɔ ekama nyam nna, kebia, ŋko enimu ŋko enyɛn ŋko eche nɛ e maa bunyaŋ Enyɛnpe Ebɔrɛ na nna.

2 Kronikɛls 23:17

Kumo be kaman nɛ b ya da Baal be lambu na n lɛ nseŋ bure kumo be ebɔrɛsure nɛ agbirana nɛ a wɔ ndoŋ na kikɛ nseŋ mɔ Maatan nɛ e la Baal be kegbirwura na ashi ebɔrɛsureana na ase gbagba.

Job be kawɔl 31:27

Ebɔrɛ be kaman, m maŋ bunyaŋ kusɔ kikɛ, ŋko n ta kusɔ ko ma enɔ to n lara sarga n sa kusɔ ko kikɛ.

Ɛksodɔs 13:3

Nɛ Mosis kaŋɛ basa na le: “Men baa nyiŋi kachɛ nɛ men lar Ijipt to ere. Ndoŋ nɛ men daa wɔ kenyaya to nɛ Enyɛnpe Ebɔrɛ ŋini eleŋ nseŋ lara menyi ashi ndoŋ na. Menyi alɛ e sa maŋ kaŋ ji kusɔ kama nɛ k kɔ yiisi loŋ be kachɛ na malɛ.

Ɛksodɔs 32:27

Nɛ e kaŋɛ bumo: “Enyɛnpe Israɛl be Ebɔrɛ na yɛ: ‘Men be ekama e kre to n ta mbe tokobi m bɛta n luri keeyi na to a kulti a mɔ esa kama nɛ e tu, hale nɛ amodoŋwura la mo da ŋko mo sipo ŋko mo teri ŋko mbe bechenashapo gba nna.’ ”

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Aŋasa 5:20

M pibinyɛn, manɛ e ba nɛ fee ta fo kasha n ya kaa sa eche pɔtɛ? Manɛ e ba nɛ enyɛn ko be eche be kebita bee par fo a chɔ fo eche peya?

Jɛremaya 28:15

Kumo be kaman nɛ n naŋ kaŋɛ anebi Hananiya le n ti so: “Enyɛnpe Ebɔrɛ na maŋ shuŋi fo, ama fo alɛ bee shin nɛ basa ere bee yirda efɛ nɛ fee ku na.

Jɛremaya 28:16

Amoso kusɔ nɛ Enyɛnpe Ebɔrɛ na bee kaŋɛ e la fanɛ e beeŋ lara fo ashi durnya to. Pɔɛŋ nɛ kafɛ ere e fo ekar feeŋ wu, ŋkpal fo ka ku efɛ n sa basa ere nɛ b lar Enyɛnpe Ebɔrɛ na kaman nseŋ kini mo so.”

Jɛremaya 44:3

ŋkpal manɛ so, bumo be basa daŋ wora asheŋ lubi nna n shin nɛ n nya agbo. B daa lara esarga nna a sa agbir nseŋ shuŋ agbirana nɛ bumo gbagba ŋko bumo nananyɛnana maŋ naŋ shuŋ ŋ ku so.

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Galeeshaebi 2:4

Ama kesheŋ na daŋ ba koso, ŋkpal manɛ so, bekurgepo fɛpo ko daŋ luri anyi to nna n daŋ fin kekeni anyi be kamooji nɛ an kɔ Kristo Yesu to na to nɛ b nya n jija kumo nseŋ ta anyi ŋ ki anya.

Ɛfesesebi 4:14

Saŋɛ na so an maaŋ naa du fanɛ mbia nɛ basa e baa ta efɛ be keŋini be yiri kikɛ a kɔ a kpata anyi a lɛ a yɔ a ba fanɛ afu ka shin nɛ nchu koso a baga to na. Basa nɛ baa wora loŋ na wɔtɔ nna a kɔ bumo gbagba be efɛ be kanyiasheŋ a shin nɛ basa bee foe ekpa.

Ditɛronɔmi 11:32

men baa da so nsaa wora mbraana nɛ n ta a sa menyi kabre ere kasonu.

Ditɛronɔmi 13:2

a fin kananɛ baaŋ nya menyi nɛ men shuŋ agbirana nɛ menyi maŋ naŋ shuŋ ŋ ku so. Nɛ k kaŋ ba loŋ

Ditɛronɔmi 13:7

Bumo be beko beeŋ tiŋ n leŋ fo to n wɔtɔ basa nɛ b taga menyi to ŋko bumo nɛ b wɔ kufɔ ŋ kulti menyi na be agbirana be kushuŋ to.

Ditɛronɔmi 17:12

Esa kama nɛ e kaŋ pɛl ŋ kini kewora demujipo na ŋko bɔrɛmatapo nɛ e wɔ kushuŋ to loŋ be jemanɛ na kasonu, daga fanɛ men mɔ mo. Kananɛ menyeeŋ wora n lara kulubi Israɛl be efuli so nna na.

Ditɛronɔmi 18:20

Ama nɛ fanɛ anebi ko sa kubɔya ko ashi ma ketre to nɛ k maŋ shi ŋ kutɔ, loŋ be anebi na beeŋ wu ŋkpal loŋ so. Kusɔ nɛ k beeŋ nya anebi kama nɛ e beeŋ sa kubɔya ashi agbir ko be atre to gba nna na.”

Ditɛronɔmi 19:19

feeŋ nya kasogberge nɛ k daga efɛpo. Kananɛ menyeeŋ wora nɛ le be kulubi maaŋ baa wɔ efuli na so nna na.

Ditɛronɔmi 21:21

Saŋɛ na so nɛ kade na be benyɛn e kpa kebia na ajembu m mɔ, nɛ kumo be loŋ e lara le be kulubi ere ashi menyi to nɛ kufu e pɛ Israɛl be esa kama nɛ e nu kumo be asheŋ.

Ditɛronɔmi 22:21

kumo ere kade na to be benyɛn beeŋ keta eche na n yɔ mo tuto be laŋ be kabuna to n ya kpa mo ajembu m mɔ. Ŋkpal e ka pin enyɛn, jemanɛ nɛ e kraa wɔ mo tuto pe pɔɛŋ nseŋ ba kakil to so, nyɔmɔ be kesheŋ nɛ e wora ashi anyi be basa to na. Kananɛ menyeeŋ lara le be kulubi ere ashi menyi to nna na.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

Ditɛronɔmi 28:54

Jemanɛ na kaŋ fo, menyi to be enyɛn kama nɛ e du boeŋ nsaa la esa gba beeŋ ba kaa yɛla kenishi to a fin ajibi hale n ya pɛ mbe mbia ko n we ŋkpal e ka maŋ nya ajibi nɛ e ji so. E maaŋ sa mo niopibi ŋko mbe eche nɛ e bee sha ga ŋko mbe mbia nɛ b ka na gba be ekama, kebia nɛ e mɔ a we na be eblaŋ na be ako.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Kɔlɔsiebi 2:4

Mee kaŋɛ menyi ade kikɛ nna nɛ men sa maŋ shin nɛ esa kikɛ e tiŋ n ta efɛ be kamɔrɔji n shin nɛ men foe ekpa.

Joshuwa 7:13

Kaŋɛ fo basa na fanɛ b lara alubi ashi bumo be ŋgbene to ŋ ki cheembi, saŋɛ na so, ma nɛ bumo beeŋ tiŋ n shɛr echefo, ŋkpal manɛ so, ma, Enyɛnpe Israɛl be Ebɔrɛ na kɔ le nɛ ŋ kaŋɛ: ‘Menyi Israɛlebi ka kɔ asɔ nɛ a maŋ daga men ka ta ŋ ki menyi peya so na so nɛ men doŋana pɔɔ menyi so na. Men maaŋ tiŋ n tu men doŋana ŋ kɔ, ama men baŋ lara amo efuli nna m mur amo!’

2 Pita 2:1

Kananɛ anebi fɛpoana daŋ lar n luri dra na to ebi to na, loŋ koŋwule na nɛ beŋinipo fɛpoana beeŋ lar n luri menyi to. Baaŋ ŋana m bar efɛ be keŋiniana nɛ a bee mur basa nseŋ kini Enyɛnpe nɛ e sɔ bumo n yige na, saŋɛ na so n ta kemur purgiase m bar bumo be amu.

Kelaraŋŋini 12:9

B daŋ ta kusɔ gbeyeso gboŋgboŋi na nna n lɛ kasawule so. Mo e la kusɔkpaŋ dra nɛ baa tre alubipo ŋko Setani mo nɛ e bee fule durnya kikɛ na. B daŋ ta mo nɛ mbe kaman to ebi kikɛ nna n lɛ kasawule.

Kelaraŋŋini 13:14

Ŋkpal emamachisheŋ mo nɛ b daŋ sa mo eleŋ fanɛ e wora ashi kusɔbɔya juŋkparso na be anishito so, e daŋ fule durnya ere to ebi nna. E daŋ kaŋɛ bumo nɛ b wɔ durnya ere to kikɛ fanɛ b pɔr kaduli nɛ k baa la bunyaŋ a sa kusɔbɔya mo nɛ b daŋ ta tokobi n doro ama nɛ e kraa wɔtɔ na.

Kelaraŋŋini 20:3

E ka kre mo n loge nɛ e ta mo n lɛ n wɔtɔ kemaŋ nɛ baa tre Abis to na nseŋ ber kumo so n ta tɔɔnɛ be kebersobi n dulgi kumo n ti so, saŋɛ na so e maaŋ naŋ nya n fule efuliana so ebi, ama nfɛ kagboŋ na ya choŋ nna. Nfɛ kagboŋ na be kaman a daga fanɛ b saŋɛ mo n lɛ gbrɛbi.

Demujipoana 10:6

Nɛ Israɛlebi na naŋ wora alubi ŋ gbiti Enyɛnpe Ebɔrɛ na nseŋ daa shuŋ Baal nɛ kegbir cheso nɛ baa tre Ashtɔrɛf na nɛ Siriya be efuli so be agbir nɛ Sidɔn be efuli so be agbir nɛ Mowab be agbir nɛ Ammɔnebi be agbir nɛ Filistiebi be agbir. B daŋ kplaŋ Enyɛnpe Ebɔrɛ na so nna nseŋ yige kebaashuŋ mo.

Demujipoana 2:13

ŋkpal b ka daŋ yige mbe kebunyaŋ nseŋ ya kaa shuŋ agbir nɛ baa tre Baal nɛ kegbir cheso Ashtɔrɛf na so.

Demujipoana 20:13

To, men fin basa nɛ b wora loŋ ashi Gibiya na n sa nɛ an mɔ bumo nɛ kulubi na e lar Israɛl be efuli so.” Ama Bɛnjamin be yiri to be basa na kini kenu n sa bumo braana Israɛl be basa na nna;

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.

1 Samuɛl 18:1

Deevid nɛ Sɔɔl ka malga n loge na, k maŋ chɛr ko nɛ Deevid nɛ Jonatan ki beteri kpakpaso. Jonatan daa sha Deevid be asheŋ ga fanɛ kananɛ e bee sha mo gbagba be kumu.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.

1 Samuɛl 20:17

Ŋkpal Jonatan ka daa sha Deevid fanɛ kananɛ e bee sha mo gbagba be kumu so e daŋ shin nɛ Deevid nase kɔnɔ kela nyɔsopo nna n sa mo fanɛ e beeŋ baa la mo teri kpakpaso.