Ditɛronɔmi 13:18 - EBƆRƐ BE KAWƆL

¹⁸ Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Ditɛronɔmi 13:18 ပူးပေါင်းရင်းမြစ်များ

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Nshɛ 119:6

M maaŋ ji anishinyɔr jemanɛ nɛ meeŋ baa bɛ fo mbraana so na.

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

Matiu 7:21

Mannɛ basa nɛ baa tre ma Enyɛnpe, Enyɛnpe na kikɛ e naaŋ luri ebɔrɛso be kuwura na to she bumo nɛ baa wora n Tuto nɛ e wɔ ebɔrɛso na be aparsheŋ na.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

Ditɛronɔmi 12:25

Nɛ menyee wora mbra ere kasonu, Enyɛnpe Ebɔrɛ na be kagbene beeŋ baa fuli menyi so nɛ asheŋ a nyalɛ n sa menyi nɛ menyi be kaman to ebi.

Ditɛronɔmi 12:28

Nɛ fanɛ menyeeŋ wora mbraana nɛ mee kaŋɛ menyi ere kasonu kashenteŋto, asheŋ beeŋ nyalɛ n sa menyi nɛ menyi be kaman to ebi hale mbaanaayɔ. Ŋkpal manɛ so, menyeeŋ baa wora kusɔ nɛ k daga nsaa par Enyɛnpe menyi be Ebɔrɛ na nna na.”

Ditɛronɔmi 12:32

Men baa wora mbraana nɛ mee ta a sa menyi ere kikɛ kasonu nsaa maŋ ta shɛŋ n ti amo so ŋko n lara shɛŋ ashi amo to.”

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 14:1

Israɛlebi, menyi ere la Enyɛnpe Ebɔrɛ na be basa nna. Amoso, nɛ menyee shu nli men sa maa ku menyi be eyurana ŋko a she menyi be nsɔto be emin fanɛ kananɛ basa pɔtɛ bee wora na.

Ditɛronɔmi 7:26

Men sa maŋ kaŋ bar agbirana ere be kekama menyi peana. Nɛ men wora loŋ, kɔnɔsho nɛ k wɔ basa na so na beeŋ ba menyi alɛ gba so. A daga fanɛ men kishi amo be asheŋ nsaa gelge amo kenishipere so, ŋkpal manɛ so, Enyɛnpe Ebɔrɛ na shoduu amo nna.”

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.