Ditɛronɔmi 13:17 - EBƆRƐ BE KAWƆL

¹⁷ Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 13:17 ပူးပေါင်းရင်းမြစ်များ

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 28:14

Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

Nshɛ 78:38

Ama Ebɔrɛ kraa wu mbe basa kuwɔr. E daŋ ta bumo be alubi m paŋ bumo nna, nsaa maŋ mur bumo. Ale damta nɛ e pɛ mbe kagbene, a maŋ shin nɛ mbe agbo koso bumo so alegaiso.

Nshɛ 85:3

Fo daŋ kaa kagbene nna, n nya agbo n wɔtɔ bumo.

Ɛksodɔs 20:6

Ama mee ŋini basa nɛ baa sha ma nsaa bɛ ma mmalga nasesoana so na ma kasha nɛ k maa chɛrga na nna.

Ɛksodɔs 32:12

Nuso nɛ Ijiptebi na beeŋ kaŋɛ a yɔ fo kaplɛa so? B maaŋ kaŋɛ fanɛ fo lara bumo nna ashi Ijipt be kasawule so nna m ba abee to nɛ fo ba mur a? Amoso shin nɛ fo kagbene e dese nɛ fo chɛrga fo nfɛra nsaa maŋ shin nɛ le be tɔrɔ ere e ba fo basa so.

Nfabel 3:32

Hale nɛ e shin nɛ awurfoŋ ba anyi so gba, e kraa kɔ kushuso n sa anyi ŋkpal mbe kasha ka shi ga so.

Ezikɛl 37:26

Ade kikɛ be kaman, ma nɛ bumo beeŋ luri kɔnɔkoŋwule be ŋkre to a ŋini kayurwushi nɛ baaŋ baa wɔtɔ to hale mbaanaayɔ. Ma alɛ beeŋ shin nɛ b baa wɔtɔ nseŋ wora keshi n ti so nɛ ma bɔrɛlambu na e baa wɔ bumo to mbaanaayɔ.

Hoziya 11:9

M maaŋ naŋ kaa agbo m mur Israɛlebi kikɛ; ŋkpal manɛ so, n la Ebɔrɛ nna, mannɛ dimɛdi. N la Ebɔrɛ nɛ n du cheembi nna a wɔ bumo to. M maaŋ kaa agbo m ba bumo so kikɛ.

Nɔmbɛs 25:4

nseŋ kaŋɛ Mosis le: “Keta Israɛl be bejuŋkparpo kama nɛ baa yɔ kegbir na to na m ba mɔ bumo kapiidi ma anishito, saŋɛ na so, ma agbo maaŋ ba Israɛlebi na kikɛ so.”

1 Kɔrintebi 16:22

Ekama nɛ e maa sha Enyɛnpe na, kɔnɔso e baa wɔ amodoŋwura na so. An Nyɛnpe e naaŋ bɛta m ba.

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Ditɛronɔmi 30:3

kumo ere Enyɛnpe menyi be Ebɔrɛ na beeŋ wu menyi kuwɔr. Mo alɛ beeŋ naŋ bɛta menyi n shi efuliana nɛ e pesaŋ menyi to n yɔ na so m ba nseŋ shin nɛ men naŋ dii dama.

Ditɛronɔmi 30:5

saŋɛ na so, menyeeŋ naŋ ba sɔ kasawule nɛ men nananyɛnana daŋ chena so nɛ k la men be kapetɛ na n chena so. Enyɛnpe Ebɔrɛ na malɛ beeŋ shin nɛ men dii dama nseŋ naŋ wora keshi a chɔ kananɛ men nananyɛnana daa sa na.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Ditɛronɔmi 7:26

Men sa maŋ kaŋ bar agbirana ere be kekama menyi peana. Nɛ men wora loŋ, kɔnɔsho nɛ k wɔ basa na so na beeŋ ba menyi alɛ gba so. A daga fanɛ men kishi amo be asheŋ nsaa gelge amo kenishipere so, ŋkpal manɛ so, Enyɛnpe Ebɔrɛ na shoduu amo nna.”

Joshuwa 22:20

Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Joshuwa 6:18

Men sa maŋ kaŋ ta asɔ nɛ a daga fanɛ men mur na be kekama, ŋkpal manɛ so, nɛ men baŋ wora loŋ, Enyɛnpe Ebɔrɛ na beeŋ shin nɛ menyi nɛ Israɛlebi nɛ b wɔ keeyi to na kikɛ e mur.

Joshuwa 6:24

Kumo be kaman nɛ b wɔtɔ kade na nɛ kusɔ kama nɛ k wɔ kumo to kikɛ edɛ nɛ kumo kikɛ chɔɔ m mur. Shuwa nɛ gbiti nɛ kusɔ kama nɛ b ta katishaŋ peper nɛ abɛlso n wora na nawule nɛ b daŋ ta n wɔtɔ Enyɛnpe Ebɔrɛ be kpanjawu to.

Joshuwa 6:26

Loŋ be jemanɛ na nɛ Joshuwa daŋ fiɛ basa na so ŋ kaŋɛ le: “Enyɛnpe Ebɔrɛ e sho ekama nɛ e beeŋ naŋ laŋɛ n ya pɔr Jɛriko be kade ere kɔnɔ. Ekama malɛ nɛ e beeŋ naŋ ya fara a pɔr kumo be gbaltɔlase beeŋ paŋ mbe wurkoŋnyɛn. Ekama malɛ nɛ e beeŋ lɔŋɛ kumo be mbunagboŋana na m pɔr beeŋ paŋ mbe kaluge.”

Joshuwa 7:1

Israɛlebi daŋ kini kenu n sa kusɔ nɛ Enyɛnpe Ebɔrɛ daŋ kaŋɛ fanɛ b sa maŋ kaŋ ta kusɔ kama ashi Jɛriko n lar na nna. Kanyɛn ko nɛ b daa tre Eekan daŋ wora n da kusɔ nɛ Enyɛnpe kaŋɛ na so nna. Ŋkpal loŋ so nɛ Enyɛnpe Ebɔrɛ nya agbo ga n wɔtɔ Israɛlebi na. Eekan mo tuto e daa la Kaami nɛ mo nananyɛn malɛ la Zabdi nɛ mo alɛ mo tuto daa la Zɛra nɛ e shi Juda be kanaŋ to na.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.

Joshuwa 8:28

Amoso Joshuwa e daŋ chɔ Ai be kade na kikɛ m mur n shin nɛ k ki alambure hale kabre.