Ditɛronɔmi 13:13 - EBƆRƐ BE KAWƆL

¹³ fanɛ menyi be efuli so be basa jiga ko fule bumo be ndeana to be basa ko nɛ b shuŋ agbirana nɛ menyi maŋ naŋ shuŋ ŋ ku so kikɛ.

Ditɛronɔmi 13:13 ပူးပေါင်းရင်းမြစ်များ

2 Samuɛl 16:7

Shimei daŋ sho mo kɔnɔ nna ŋ kaŋɛ le: “Fo emɔpo nɛ esa jiga ere! Baa yɔ ŋ ka anyi.

2 Samuɛl 20:1

Kanyɛn ko nɛ e daa ku asheŋ nɛ baa tre Shɛba nɛ e la Bikri pibinyɛn nseŋ shi Bɛnjamin be yiri to daa wɔ Gilgaal nna. E daŋ foŋ kabel nna m ber kubomboŋ ŋ kaŋɛ le: “Men sa maŋ bɛ Jɛsi pibinyɛn Deevid so! E maŋ la anyi to be eko! Israɛlebi men shin nɛ an yɔ epe!”

2 Samuɛl 23:6

Ama belubiworapoana bre du fanɛ ewi nɛ esa maaŋ tiŋ n ta mbe enɔ m pulgi nna.

1 Bewura 21:10

Men fin befɛpo anyɔ nɛ b yili mbe anishito ŋ ku mo kɔnɔ fanɛ e sho Ebɔrɛ nɛ ewura kikɛ kɔnɔ. Kumo be kaman nɛ men lara mo n yɔ kade na be ekarso n ya kpla mo ajembu m mɔ.”

1 Bewura 21:13

Ndoŋ nna nɛ befɛpo anyɔ ko lar n yili Nabɔf be anishito ŋ kaŋɛ fanɛ e sho Ebɔrɛ nɛ ewura na kɔnɔ. Ŋkpal loŋ so nɛ b gberge mo n lar kade na be ekarso n ya kpla mo ajembu m mɔ.

2 Bewura 17:21

Enyɛnpe Ebɔrɛ ka barga Israɛl be efuli ashi Juda be efuli to na be kaman pɔɛŋ nɛ Israɛlebi na shin nɛ Nebat pibinyɛn Jeroboam ki bumo be ewura. Jeroboam daŋ shin nna nɛ b kini Ebɔrɛ nseŋ wora alubi nɛ a maŋ walɛ kekeni kikɛ.

2 Kronikɛls 13:7

Kumo be kaman nɛ e chala befɛpo nɛ basa fuloŋ be katuŋ ko nɛ b tintiŋ Rehoboam nɛ e baa wora kusɔ nɛ baa sha ŋkpal e ka kra la kebia nsaa maaŋ tiŋ n yili asheŋ kananɛ a daga loŋ be saŋɛ na so.

Baru lela nɛ Jɔn kute na 8:44

Men tuto e la alubipo na nɛ menyee sha kebaawora mbe aparsheŋ. Emɔpo e la mo sososo kikɛ, mo alɛ be shɛŋ maa ji kashenteŋ to, ŋkpal kashenteŋ ka maŋ wɔ mo to so. E baa ku efɛ, kananɛ mbe kapɔr du nɛ e bee ŋini, ŋkpal manɛ so, e la efɛpo nna nseŋ naa la efɛ kikɛ amo tuto.

2 Kɔrintebi 6:15

Nuso nɛ Kristo nɛ alubipo Beelial na bee wora a kɔ kɔnɔkoŋwule a wɔtɔ? Manɛ e wɔ ebɛsopo nɛ emo nɛ e maŋ la ebɛsopo be nferinto?

Ditɛronɔmi 13:12

Jemanɛ nɛ menyeeŋ ya kaa wɔ ndeana nɛ Enyɛnpe menyi be Ebɔrɛ na beeŋ sa menyi na to na, menyeeŋ nu

Ditɛronɔmi 13:14

Nɛ menyi kaŋ nu loŋ be ŋkooko be kubɔya na, men keni to n fin kumo be kashenteŋ. Nɛ k kaa la fanɛ le be kulubi ere wora kashenteŋto nna,

Ditɛronɔmi 13:2

a fin kananɛ baaŋ nya menyi nɛ men shuŋ agbirana nɛ menyi maŋ naŋ shuŋ ŋ ku so. Nɛ k kaŋ ba loŋ

Ditɛronɔmi 13:6

Kede be kaman, fo niopibi ko ŋko fo pibi ko ŋko eche nɛ fee sha ŋko fo teri kpakpaso ko beeŋ tiŋ m ba fo kutɔ ashiri to nɛ e ba leŋ fo to n wɔtɔ agbir nɛ fo ŋko fo nananyɛnana maŋ naŋ shuŋ ŋ ku so to.

Ditɛronɔmi 17:4

kumo ere men keni to n fin kumo be kashenteŋ. Nɛ k kaa la kashenteŋ fanɛ kulubi ere wora Israɛl be efuli so nna,

Ditɛronɔmi 4:19

Men sa maŋ kaŋ shin nɛ kechɔŋkeni e ba menyi so nɛ men gbir m bunyaŋ epeŋi ŋko kufɔl ŋko achɛkpabi kikɛ. Enyɛnpe, menyi be Ebɔrɛ na nyi fanɛ efuli pɔtɛana so be basa bre beeŋ baa sha amo be kebunyaŋ.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

1 Jɔn 3:10

To, loŋ malɛ nɛ anyee ta a pin Ebɔrɛ be mbia nɛ bumo nɛ bumo alɛ la alubipo na be mbia. Esa kama nɛ e bee wora asɔ nɛ a maa niŋi, maŋ la Ebɔrɛ pibi. Ekama malɛ gba nɛ e maa sha mo niopibi, maŋ la Ebɔrɛ pibi.

Juud 1:19

Le be basa ere e naa bar kebarga to basa to na, durnya to be basa nɛ b maŋ kɔ Ebɔrɛ be Kiyoyu na.

Demujipoana 19:22

Jemanɛ nɛ baa ji na nɛ kade na to be basa lubi ba kulti laŋ na n wɔtɔ nseŋ fara a ŋmea kukuloŋ na a ponte to a kaŋɛ kanyɛnnimubi na le: “Shin nɛ kanyɛn nɛ fo keta m ba fo laŋ to na e lar m ba! Anyee sha kedi mo keche nɛ kenyɛn nna!”

Demujipoana 20:13

To, men fin basa nɛ b wora loŋ ashi Gibiya na n sa nɛ an mɔ bumo nɛ kulubi na e lar Israɛl be efuli so.” Ama Bɛnjamin be yiri to be basa na kini kenu n sa bumo braana Israɛl be basa na nna;

1 Samuɛl 10:27

Ama basa nɛ baa ku asheŋ na bre daŋ kaŋɛ le nna: “Nuso nɛ Sɔɔl malɛ beeŋ tiŋ m mɔlga anyi ashi anyi doŋana kutɔ?” B daa maa sha Sɔɔl ka ki bumo be ewura, ŋkpal loŋ so b daa maŋ bar mo kakɛ kikɛ. Ama Sɔɔl malɛ daa maŋ kaŋɛ shɛŋ.

1 Samuɛl 2:12

Eli be mbinyɛnsobi na daa la basa lubi nna nsaa maa nu a sa Ebɔrɛ,

1 Samuɛl 25:17

Amoso jande, fɛ asheŋ ere be nfɛra nseŋ wora kusɔ ko a laŋɛ kumo be kaplɛa so, ŋkpal manɛ so, k beeŋ tiŋ m bar asheŋ m ba sa an nyɛnpe nɛ mbe kanaŋ kikɛ. Ŋkpal mo alɛ ka la kagbene kpakpasowura so, e maa nu a sa esa kama!”

1 Samuɛl 25:25

Jande sa maŋ kaŋ nu n sa Nabaal, esa jiga na. Mbe ketre na be kifito e la ewulpo! Nɛ mo alɛ be asheŋ woraso nɛ mbe ketre na duli abar. Ma ere daa maŋ wɔtɔ nna nɛ fo nyɛrbi na ba.