Ditɛronɔmi 12:7 - EBƆRƐ BE KAWƆL

⁷ Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 12:7 ပူးပေါင်းရင်းမြစ်များ

1 Kronikɛls 29:22

Kumo be kamɔnchɛ ekama be kagbene daŋ fuli mo ga nɛ b ji nseŋ nuu ashi Enyɛnpe Ebɔrɛ be anishito. Ndoŋ nɛ b lara Sɔlɔmɔn kelɛ nyɔsopo fanɛ ewura nseŋ yili Enyɛnpe Ebɔrɛ be ketre to n ta ŋku n do mo so n lara mo ŋ ki bumo be ewura nseŋ ta ŋku n do Zadɔk malɛ so n lara mo ŋ ki bumo be bɔrɛmatapo.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Kaŋinichiŋgeliŋ 3:12

Kusɔ nɛ m pɛshɛ m pin fanɛ k walɛ n sa dimɛdi e la fanɛ esa ka kɔ kagbenefuli nsaa wora kelela.

Kaŋinichiŋgeliŋ 3:13

Ŋkpal manɛ so ajibi nɛ anyee nya a ji nɛ nchu nɛ anyee nuu nɛ tɔnɔ kama nɛ anyee nya ashi anyi be ashuŋ to ere kikɛ la Ebɔrɛ be kakɛ nna.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Aizaaya 23:18

ama asɔ kama nɛ e beeŋ nya na be kekama maaŋ nya n yili kadegboŋ na to. Amansherbi na beeŋ baa la Enyɛnpe Ebɔrɛ na peya nɛ bekama nɛ baa shuŋ mo na e ta amo n tɔ ajibi damta nɛ asɔbuuso lela nɛ baa sha.

Aizaaya 62:9

Ama fo nɛ fo dɔ ayu na n teŋi na e naaŋ ji amo nseŋ di Enyɛnpe Ebɔrɛ epaŋ ŋkpal amo so. Fo nɛ fo keni ndibi sɔrso na so nseŋ chuge amo be asɔrso na, e naaŋ nu amo be yabra ashi ma bɔrɛlambu be kelɔnɛ so.”

Ezikɛl 44:3

Israɛl be ewura beeŋ tiŋ m ba nfe m ba ji ajibi nɛ b ta n lara sarga n sa ma, ama a daga fanɛ e bɔla kabunagboŋ ere be kedɛdɛ na to nna n luri ŋko n lar.”

Jowɛl 1:16

To, naniere gba an kɔ anishi nna a keni anyi be adɔ nɛ amo be ajibi bee jija. Kagbenefuli malɛ maŋ naa wɔ bɔrɛlambu to kuraa.

Jowɛl 2:26

Naniere, menyeeŋ nya ajibi damta n ji m moɛ, nseŋ fara a di men Nyɛnpetale Ebɔrɛ nɛ e wora emamachisheŋ n sa menyi na epaŋ. Kashenteŋto esa kama maaŋ naŋ fɛl ma basa.

Levitikɔs 23:40

Men ta men be ndibi sɔrso be asɔrso lela nɛ abii be ayabi nɛ ndibi nɛ a kɔ afantaŋ ga be ayabi n ji eyur m maŋkura Enyɛnpe menyi be Ebɔrɛ na kachɛ juŋkparso.

Malakai 2:13

Kusɔ nɛ men naŋ wora e la fanɛ, menyee shu a gbiti Enyɛnpe Ebɔrɛ be bɔrɛsure na nna. Menyee boŋ to nna a shu ŋkpal e ka maŋ naa sɔ menyi be ŋkɛ nɛ menyee ta a bar mo na so.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

Ditɛronɔmi 12:12

Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:8

Jemanɛ na malɛ kaŋ fo, men sa maŋ kaa wora asheŋ fanɛ kananɛ men chɛr a wora na. Naniere bre kananɛ kepar menyi be ekama nɛ e bee shuŋ Ebɔrɛ,

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 14:26

Menyi nɛ menyi be laŋ to ebi kaŋ fo ndoŋ nɛ men ta amansherbi na n tɔ ajibi nɛ menyee sha nɛ ana nɛ mbolpɔ nɛ mboe nɛ yabra belbelso nɛ nsa n wora kejigboŋ n ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 15:20

Kafɛ kikɛ menyi nɛ menyi be laŋ to ebi beeŋ baa mɔ amo a lara sarga pɔɛŋ nseŋ we eblaŋ na ashi kakpa nɛ Enyɛnpe Ebɔrɛ na lara n yili fanɛ men baa shɛr ndoŋ a shuŋ mo na.

Ditɛronɔmi 26:11

Kede be kaman nɛ mo nɛ mbe kanaŋ nɛ Livai be yiri to ebi na, nɛ befɔ nɛ menyi nɛ bumo wɔtɔ na kikɛ e chɛ abar n di Enyɛnpe menyi be Ebɔrɛ na epaŋ nseŋ ji bumo be amu ndoŋ.

Ditɛronɔmi 27:7

nɛ kɔnɔkoŋwule nɛ kapandi be esarga, nsaa ji amo kagbenefuliso ashi Enyɛnpe menyi be Ebɔrɛ na be anishito a bunyaŋ mo nsaa kule mo enɛfa.

Ditɛronɔmi 28:47

Enyɛnpe Ebɔrɛ na bre nɛfa menyi ekpa kama so, ama ŋkpal men ka kini keshuŋ mo kagbene koŋwule so n ta kemaŋkura n sa mo na so,

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.