Ditɛronɔmi 12:6 - EBƆRƐ BE KAWƆL

⁶ Loŋ be mboŋana na nɛ menyeeŋ baa lara menyi be esarga chɔɔso nɛ menyi be kudu kudusopoana nɛ ŋkɛ be yiri yiri nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be esarga nɛ ana nɛ mbolpɔ be ewurkoŋ be esarga nɛ esarga nɛ a ka na kikɛ.

Ditɛronɔmi 12:6 ပူးပေါင်းရင်းမြစ်များ

2 Kronikɛls 31:14

Imna pibinyɛn Kɔr nɛ e la Livai be esa nsaa keni bɔrɛlambu na be epeŋilarkpa be kaba so be kabuna na so na e daa sɔ ŋkɛ nɛ baa bar Enyɛnpe Ebɔrɛ na nsaa barga amo to a sa Livaiebi na nɛ bɔrɛmatapoana na.

2 Kronikɛls 7:12

nɛ Enyɛnpe Ebɔrɛ lara mbe kumu ŋ ŋini mo edare to kanyɛso nseŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa lara esarga a sa ma.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Nehemaya 10:36

Anyi alɛ beeŋ naŋ bar an gbagba be ewurkoŋ nyɛnso nɛ anyi be ana nɛ mbolpɔ nɛ mboe be ewurkoŋ nyɛnso bɔrɛlambu na to m ba sa bɔrɛmatapoana nɛ baa shuŋ ndoŋ na nɛ b ta m bɔɔ Ebɔrɛ enɔ. Ŋkpal manɛ so, kusɔ nɛ k sibɛ a dese Ebɔrɛ be mbra to nna na.

Nehemaya 10:39

Israɛl be basa nɛ Livaiebi na daga fanɛ b bar bumo be nyifu nɛ asɔnuuso, nɛ ɔlif be ŋku kakpa nɛ baa yili bɔrɛlambu na to be asɔ nɛ b kɔ a daŋɛ nɛ asɔ jito na. Bɔrɛlambu na be kakpa nɛ bekenipo nɛ beshɛbompoana nɛ bɔrɛmatapoana na wɔ na. Anyi maaŋ kplaŋ anyi be Ebɔrɛ na be bɔrɛlambu so kikɛ.

Nshɛ 116:17

Meeŋ lara sarga n di fo epaŋ nseŋ shu n tre fo ashi ma kabɔrɛkule to.

Ezikɛl 20:40

Ŋkpal manɛ so, kachɛ na kaŋ fo ekama ashi Israɛl be efuli so beeŋ shuŋ ma ashi kebee cheembi nɛ baa tre Zayɔn ashi Jerusalɛm to na so, nɛ ma alɛ e sɔ bumo esarga nɛ baaŋ lara n sa ma ndoŋ na. Menyi be asheŋ beeŋ baa par ma nɛ ma alɛ e baa keni menyi be esarga lela nɛ ŋkɛ cheembi na akpa.

Levitikɔs 1:3

“Nɛ fanɛ kena nɛ e bee ta a lara sarga chɔɔso na, a daga k baa la gbolu nɛ e maŋ kɔ ndulgi kikɛ kumo be eyur so. Amodoŋwura malɛ beeŋ bar kumo wajɛbu na be kabuna ase, saŋɛ na so Enyɛnpe Ebɔrɛ na beeŋ sɔ sarga na.

Malakai 3:10

Men ta menyi be kudukudusopo kikɛ m ba Enyɛnpe Ebɔrɛ be lambu to, saŋɛ na so ajibi damta beeŋ baa wɔ ndoŋ. Men wora ma ŋ keni, nɛ m bugi Ebɔrɛso be etokuro n chulgi enɛfa be yiri yiri alegaiso n sa menyi nɛ menyi maaŋ nya kakpa gba n yili amo.

Malakai 3:8

Kusɔ nɛ mee bishi menyi e la fanɛ, k daga dimɛdi ka bee yuri Ebɔrɛ a? Ayai, loŋ maŋ daga, ama menyi alɛ bee yuri ma. Men yɛ: ‘Nuso nɛ anyee yuri fo?’ Menyi be esarga nɛ men be kudukudusopo nɛ a la meya na to nɛ menyee yuri ma.

Luuk 11:42

Farisiebi, asheŋ maaŋ nyalɛ n sa menyi, ŋkpal manɛ so, menyee kaa lara menyi be eposɔ fanɛ ashiibi nɛ egabu nɛ amo nɛ a ka na kikɛ gba so be asɔ kudukudusopo a sa Ebɔrɛ, ama men kini keji asheŋ nɛ amo be ekpa so, menyi alɛ maa sha Ebɔrɛ. Le be asɔ ere e daga fanɛ men baa wora nsaa maa gal amo nɛ a ka na gba a lɛ.

Luuk 18:12

Ela anyɔ nɛ mee kishi bɔkwe kama to nsaa lara ma kpanjawu to be kusɔ kama be kudukudusopo a ba bɔrɛlambu ere to.’

Ditɛronɔmi 12:17

Kumo be kaman, men sa maŋ kaa ji ayu ŋko ɔlif be ŋku be kudu kudusopo ŋko menyi be ana nɛ mbolpɔ be ewurkoŋ nɛ ŋkɛ nɛ menyeeŋ nase nnɔ n sa Enyɛnpe Ebɔrɛ na nɛ menyi be keparso be ŋkɛ kama nɛ menyeeŋ ta n sa Enyɛnpe Ebɔrɛ na ashi menyi be echenakpaana.

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Joshuwa 22:27

Ama an wora loŋ nna nɛ k baa la shɛda n sa anyi nɛ menyi be basa nɛ an be kenana fanɛ anyee lara sarga chɔɔso nɛ ajibi be sarga nɛ kɔnɔkoŋwule be sarga a shuŋ Enyɛnpe Ebɔrɛ ashi Enyɛnpe be wajɛbu na be anishito ashi Jerusalɛm. Le e naaŋ shin nɛ men nanabiana e sa maŋ tiŋ ŋ kaŋɛ an nanabiana fanɛ Enyɛnpe na la Israɛlebi nawule be Ebɔrɛ nna.

1 Samuɛl 1:21

Kafɛ kikɛ Ɛlkana nɛ mbe kanaŋ kikɛ daa yɔ n ya kaa lara sarga nna a sa Enyɛnpe Ebɔrɛ na nsaa ta kakɛ nɛ e nase kɔnɔ fanɛ e beeŋ ba sa Enyɛnpe Ebɔrɛ na a ti so a yɔ.

1 Samuɛl 1:24

Haana ka ku kebia na kenyipo, nɛ e ta mo n yɔ Shilo. E daŋ ta nfɛnsa be gbolu nɛ nyifu kilo kudu nɛ nsa belbelso deŋkeŋ be bɔlɔ n ti kebia na so nna m ba Enyɛnpe Ebɔrɛ be lambu to ashi Shilo.