Ditɛronɔmi 12:5 - EBƆRƐ BE KAWƆL

⁵ Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 12:5 ပူးပေါင်းရင်းမြစ်များ

1 Bewura 14:21

Ewura Sɔlɔmɔn pibinyɛn Rehoboam daŋ ji nfɛ adena nɛ kako nna pɔɛŋ nseŋ ki Juda be ewura. Mo alɛ daŋ ji kuwura Jerusalɛm nɛ k la kade nɛ Enyɛnpe Ebɔrɛ lara ashi Israɛl be kasawule so kikɛ fanɛ b baa bunyaŋ mo na to nfɛ kuduashunu nna. Rehoboam mo nio e daa la Namaa nɛ e shi Ammɔn be efuli so na.

1 Bewura 8:16

‘Yili saŋɛ so nɛ n lara ma basa ashi Ijipt be efuli so na hale m ba fo kabre, maŋ lara kade kama ashi Israɛl be kasawule so fanɛ k baa la kakpa nɛ baaŋ pɔr bɔrɛlambu nsaa bunyaŋ ma, ama fo Deevid nɛ n lara fanɛ fo baa juŋkpar ma basa Israɛlebi.’ ”

1 Bewura 8:20

Enyɛnpe Ebɔrɛ be kɔnɔ nɛ e nase na bɔlɔ so naniere bre: Ma e sɔ n tuto so n ji Israɛl be kuwura, ma alɛ e pɔr bɔrɛlambu nɛ baaŋ ba bunyaŋ Enyɛnpe Israɛl be Ebɔrɛ na.

1 Bewura 8:27

Ebɔrɛ beeŋ tiŋ a wɔ edimɛdi to durnya ere to a? Esoso kikɛ gba maaŋ tiŋ n sɔ fo. Nɛ nuso nɛ bɔrɛlambu nɛ m pɔr ere bre beeŋ tiŋ n sɔ fo?

1 Bewura 8:29

Baa keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ ndoŋ nɛ baaŋ baa bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu n sa ma.

2 Bewura 18:22

Kede be kaman nɛ Asiriya be benapo be enimu na naŋ kaŋɛ: “Ŋko menyee sha kekaŋɛ ma fanɛ Enyɛnpe menyi be Ebɔrɛ na nɛ men ta menyi be amu a to so! Mannɛ Enyɛnpe Ebɔrɛ na be ebɔrɛsure nɛ mboŋ nɛ baa shuŋ mo na nɛ Hɛzekaya kaŋɛ fanɛ b mur amo kikɛ nseŋ ka kakpa koŋwule n sa basa nɛ b wɔ Juda be efuli so nɛ Jerusalɛm to nɛ b baa shuŋ Ebɔrɛ ndoŋ nawule a?

1 Kronikɛls 22:1

Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”

2 Kronikɛls 7:12

nɛ Enyɛnpe Ebɔrɛ lara mbe kumu ŋ ŋini mo edare to kanyɛso nseŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa lara esarga a sa ma.

Ɛzra 3:2

Ndoŋ nna nɛ Jozadak pibinyɛn Joshuwa nɛ mo braana bɔrɛmatapoana na nɛ Shɛɛltiɛl pibinyɛn, Zerubabel, nɛ mo kurgepoana fara nɛ b pɔr Israɛl be Ebɔrɛ na be bɔrɛsure, saŋɛ na so baŋ tiŋ a lara esarga kumo so fanɛ kananɛ Mosis be mbra bee ŋini na.

Ɛzra 6:12

Ebɔrɛ nɛ mbe ketre deŋ Jerusalɛm be bɔrɛlambu na so na malɛ e mur ewura kama ŋko basa kama nɛ baaŋ chɛrga kusɔ nɛ n yili ere ŋko n fin bɔrɛlambu ere be kejija. Kusɔ nɛ ma, ewura Dariɔs yili nna na. Ekama daga fanɛ e nuu nseŋ bɛ kumo so.”

Ɛzra 7:17

Ya ta amansherbi na be ako n tɔ egbolu nɛ ekpakpa nɛ mbolpɔ nseŋ ta ako malɛ n tɔ ajibi nɛ asɔnuuso n lara sarga bɔrɛsure nɛ k wɔ Ebɔrɛ be lambu nɛ k wɔ Jerusalɛm na so.

Nehemaya 1:9

Ama nɛ fanɛ an bɛta m ba fo kutɔ nseŋ wora kusɔ nɛ fo nase n sa anyi na bre, hale nɛ an pesaŋ to n sɔ durnya ere be efuli kikɛ so gba, feeŋ naŋ bɛta anyi m ba kakpa nɛ fo daŋ yili kumo fanɛ an baa shuŋ fo na.

Nshɛ 78:68

Juda be yiri to ebi nɛ Zayɔn be kebee nɛ e daa sha ga ashi Jerusalɛm to na nɛ e daŋ lara n yili n sa mbe kumu.

Ɛksodɔs 15:2

Enyɛnpe Ebɔrɛ na e la ma elempo nɛ ma emɔlgapo. Meeŋ boŋ kashɛ ŋ dele mo. Mo e la ma Ebɔrɛ, amoso meeŋ di mo epaŋ. N tuto be Ebɔrɛ e la mo, amoso meeŋ fur mo.

Ɛksodɔs 20:24

Ama men baga eshishɛr m pɔr bɔrɛsure n sa ma nsaa lara men be esarga chɔɔso nɛ men be kɔnɔkoŋwule be esarga kumo so. Amo nɛ menyee ta mbolpɔ nɛ mboe nɛ ana a lara na. Kaplɛkama nɛ n ya kaa sha fanɛ men baa bunyaŋ ma ndoŋ, meeŋ ba menyi kutɔ m ba nɛfa menyi ndoŋ.

Ɛksodɔs 25:22

Ndoŋ nɛ ma nɛ menyi beeŋ baa shɛr nɛ m baa bɔla chɛrubim anyɔ na be nferinto ashi buuso na so a ta ma mbra nɛ ma mmalga a sa fo nɛ fo alɛ e baa ta amo a sa Israɛlebi na.

Jɛremaya 26:2

E yɛ: “Jɛremaya, ŋ kɔ kubɔya ko a sa ekama fanɛ Juda be ndeana to be basa e ba kaa shuŋ ma ashi ma bɔrɛlambu to. Yɔ bɔrɛlambu na be kelɔnɛ so n ya kaŋɛ kusɔ kama nɛ meeŋ kaŋɛ fo fanɛ fo malga. Sa maŋ kaŋ yige kamalga na kusɔ kama n lɛ.

Jɛremaya 7:12

Men yɔ kade nɛ baa tre Shilo nɛ n juŋkpar n lara fanɛ b baa shuŋ ma ndoŋ na n ya keni nɛ n kusɔ n wora ndoŋ. Ŋkpal ma basa Israɛlebi na ka wora alubi so, n daŋ mur kumo nna.

Jɛremaya 7:14

Ŋkpal loŋ so, kusɔ n wora ashi Shilo na nɛ meeŋ wora ashi bɔrɛlambu nɛ n ta n sa menyi nɛ men nananyɛnana nɛ men ta menyi be yirda n deŋi so ere gba to.

Nɔmbɛs 7:89

Mosis ka yɔ wajɛbu na to nɛ mo nɛ Enyɛnpe Ebɔrɛ na e ya malga abar kutɔ, nɛ e nu Enyɛnpe Ebɔrɛ be ebɔl ka shi mpɔrduli nɛ baa tre Chɛrubim nɛ b pɔr n yili ŋkre be deka be buuso na so na be nferinto a malga mo kutɔ.

Ditɛronɔmi 12:11

Kumo be kaman, Enyɛnpe Ebɔrɛ na beeŋ lara kakpa koŋwule nɛ menyeeŋ baa shuŋ mo ndoŋ nsaa lara menyi be esarga chɔɔso nɛ kudu kudusopoana nɛ ŋkɛ be yiri yiri nɛ menyeeŋ nase nnɔ n sa mo na nɛ asɔ kama nɛ e kaŋɛ fanɛ men baa bar mo na kikɛ ndoŋ.

Ditɛronɔmi 12:13

Men sa maŋ kaa lara menyi be esarga mboŋ kama nɛ menyee sha.

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:4

Kede be kaman, men sa maŋ kaa shuŋ Enyɛnpe menyi be Ebɔrɛ na fanɛ kananɛ basa na bee shuŋ bumo be agbirana na.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 14:24

Ama nɛ fanɛ menyi be echenakpa nɛ kakpa nɛ menyeeŋ baa shuŋ Ebɔrɛ na wɔ kufɔ nɛ k du menyi so kpakpa nɛ ketiŋ n sulɔ adɔjibi nɛ Enyɛnpe Ebɔrɛ na ta n nɛfa menyi na be kudu kudusopo n yɔ ndoŋ,

Ditɛronɔmi 15:20

Kafɛ kikɛ menyi nɛ menyi be laŋ to ebi beeŋ baa mɔ amo a lara sarga pɔɛŋ nseŋ we eblaŋ na ashi kakpa nɛ Enyɛnpe Ebɔrɛ na lara n yili fanɛ men baa shɛr ndoŋ a shuŋ mo na.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:15

Menyeeŋ ji kachɛgboŋ na m bɛ abar so nchɛnshunu ashi kakpa nɛ menyeeŋ baa shuŋ Ebɔrɛ na n ta kemaŋkura n sa Enyɛnpe menyi be Ebɔrɛ na. Menyi alɛ e shin nɛ menyi be ŋgbene e fuli menyi ŋkpal Enyɛnpe Ebɔrɛ na ka nɛfa menyi be adɔ nɛ ashuŋ so.

Ditɛronɔmi 16:2

Kusɔbɔya nɛ menyeeŋ ta n lara sarga n sa Enyɛnpe menyi be Ebɔrɛ na Kebansonchoŋ be kachɛgboŋachɛ na daga fanɛ k baa la kena ŋko kubolpɔ ŋko kaboe. Menyi alɛ beeŋ ya mɔ kumo ashi kakpa nɛ Enyɛnpe Ebɔrɛ na lara n yili fanɛ men baa shuŋ mo ndoŋ na nna.

Ditɛronɔmi 16:6

A daga fanɛ men mɔ kumo ashi kakpa nɛ Enyɛnpe Ebɔrɛ na lara n sa menyi fanɛ ndoŋ nɛ menyeeŋ baa shuŋ mo na nna. Saŋɛ nɛ epeŋi bee luri efar to na nɛ menyeeŋ mɔ kusɔbɔya na fanɛ kananɛ men daŋ wora pɔɛŋ nseŋ lar Ijipt be efuli so na.

Ditɛronɔmi 16:7

Kumo be kaman nɛ men daŋɛ kumo n we ashi kakpa nɛ menyeeŋ baa shuŋ Ebɔrɛ na. Kumo be ŋklade kachipurso nɛ men bɛta n yɔ epe.

Ditɛronɔmi 17:8

K beeŋ tiŋ m ba fanɛ asheŋ nɛ a beeŋ ba demujipoana nɛ b wɔ menyi to na kutɔ, beeŋ baa du kpakpa n sa bumo nɛ b tiŋ n ji amo. K beeŋ tiŋ a la fanɛ kusɔ be kejija ŋko esa be kenu ebesa ŋko esa be kemɔ be asheŋ nɛ a daga fanɛ b ji. Nɛ k kaŋ ba loŋ, men yɛr demu na kakpa nɛ Enyɛnpe menyi be Ebɔrɛ na lara n yili fanɛ b baa shuŋ mo na,

Ditɛronɔmi 18:6

Livai be yiri to be esa kama nɛ e bee sha, beeŋ tiŋ n shi kade nɛ e wɔ ashi Israɛl be efuli so be kaplɛkama m ba kakpa nɛ menyee shuŋ Ebɔrɛ na

Ditɛronɔmi 26:2

menyi to be ekama daga fanɛ e ta mbe sososo be adɔjibi nɛ e beeŋ teŋi na n wɔtɔ kelantaŋɛ to n yɔ kakpa nɛ Enyɛnpe menyi be Ebɔrɛ na lara n yili fanɛ men baa shuŋ mo na.

Ditɛronɔmi 31:11

Jemanɛ nɛ Israɛl be basa beeŋ ba gama abar so nɛ b shuŋ Enyɛnpe menyi be Ebɔrɛ na ashi kakpa nɛ menyeeŋ baa shuŋ Ebɔrɛ na nɛ menyeeŋ kraŋ kumo n sa bumo.

Kɔlɔsiebi 2:9

ŋkpal manɛ so, Yesu Kristo na to nɛ Ebɔrɛ nɛ mbe kusɔ kama wɔ.

Hibruwebi 12:22

Ama menyi ere ba Zayɔn be kebee na so, ebɔrɛso be Jerusalɛm nɛ k la Ebɔrɛ nɛ e wɔ ŋkpa to be kade to na. Ndoŋ nɛ emalaika ŋgboŋto ŋgboŋto wɔ na.

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.

Joshuwa 22:11

Israɛlebi nɛ b ka na ka nu fanɛ b pɔr bɔrɛsure gboŋgboŋi ko Keenan be kasawule so ashi Gelilɔf nɛ k wɔ Jɔɔdan be lɔr be kaba ndoŋ na,

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.

Kelaraŋŋini 14:1

Nɛ n naŋ keni n wu Kpakpafɔlbi na ka yil Zayɔn be kebee so. Mo nɛ basa ŋgboŋ kalfa nɛ ŋgboŋ adena nɛ ŋgboŋ ana nɛ b daŋ sibɛ mbe ketre nɛ mo Tuto na be ketre n deŋi bumo be nsɔto so na e daa yil.