Ditɛronɔmi 12:31 - EBƆRƐ BE KAWƆL

³¹ Men sa maŋ kaa shuŋ Enyɛnpe menyi be Ebɔrɛ na ekpa nɛ baa bɔla so a shuŋ bumo be agbirana na. Ŋkpal manɛ so, ashi bumo be kagbirshuŋ to baa kaa wora ekishisheŋ nɛ Enyɛnpe Ebɔrɛ na kishi nna. Bumo alɛ bee kaa mɔ bumo mbia a chɔɔ a lara esarga bumo be agbirsureana so nna.

Ditɛronɔmi 12:31 ပူးပေါင်းရင်းမြစ်များ

2 Bewura 16:3

E daŋ bɛ Israɛl be bewura be kebaawɔtɔ lubi so nna. E daŋ ta mo gbagba pibinyɛn nna n lara sarga chɔɔso n sa agbir. Mo alɛ daa kute basa nɛ b daa wɔ Israɛl be efuli so nɛ Enyɛnpe Ebɔrɛ ju bumo saŋɛ so nɛ Israɛlebi daa ba kasawule na so na to nna.

2 Bewura 17:31

nɛ Iwa malɛ be basa pɔr Nibhaaz nɛ Taatak be kegbir na be mpɔrduli; ama Sefavaim bre be basa ta bumo be mbia nna m mɔ n lara sarga chɔɔso n sa bumo be agbir Adramalɛk nɛ Anamalɛk.

2 Bewura 21:2

Manase daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ e ta kasawule na n sa mbe basa Israɛlebi sososo na be asheŋ nɛ Ebɔrɛ kishi ga na so.

2 Bewura 3:27

Ade kikɛ be kaman nɛ e ta mo pibinyɛn nimuso nɛ e beeŋ sɔ mo so n ji kuwura na n lara sarga n sa Mowab be kegbir ashi kade na be egbal be esoso. Nɛ kumo be loŋ daŋ pɛ Israɛlebi na kufu ga nɛ b bɛta n yɔ bumo be efuli so.

2 Kronikɛls 33:2

E daŋ kini kenu n sa Enyɛnpe Ebɔrɛ nna nseŋ bɛ efuliana nɛ Enyɛnpe Ebɔrɛ ju kasawule na so, saŋɛ so nɛ mbe basa Israɛlebi bee ba kumo so sososo na be asheŋ nɛ Ebɔrɛ kishi ga na so.

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Nshɛ 106:37

B daŋ ta bumo be mbia n lara esarga nna n sa ayoyu lubi.

Ɛksodɔs 23:2

Men sa maa bɛ jimaŋ so a wora alubi ŋko a ji efɛ be shɛda ashi demujikpa.

Jɛremaya 32:35

Bumo alɛ daŋ naŋ pɔr agbirsure nna n yili Hinnɔm be Ketaŋɛ to n sa Baal be kegbir nsaa ta bumo be mbia a lara esarga a sa kegbir nɛ baa tre Mɔlɛk na. N daŋ maŋ yili bumo fanɛ b ba wora loŋ. K daŋ maŋ ba ma nfɛra to gba fanɛ baaŋ wora le be ekishisheŋ ere n shin nɛ Juda be basa e luri kulubi to.”

Jɛremaya 7:31

Bumo alɛ naŋ pɔr kegbirsure nɛ baa tre Tofɛf na ashi Hinnɔm be ketaŋɛ to, saŋɛ na so baaŋ baa chɔɔ bumo be mbia edɛ to a lara esarga kumo so. N daŋ maŋ yili loŋ n sa bumo fanɛ b baa wora. M maŋ naŋ fɛ kumo be asheŋ gba kuraa.

Ezikɛl 20:31

Jemanɛ nɛ menyee ta menyi be mbia a lara esarga a sa agbirana na hale nɛ mbre na, menyee jija menyi be amu nɛ menyi be kebaawɔtɔ nna na. O Israɛlebi, a daga ŋ ka naŋ sa menyi ekpa nɛ men bishi ma kusɔ ko a? Ma, Enyɛnpetale Ebɔrɛ e naa kaŋɛ menyi kashenteŋto na fanɛ m maaŋ sa menyi ekpa nɛ men bishi ma shɛŋ.

Ezikɛl 23:27

Saŋɛ na so nɛ n shin nɛ fo yige fo kayɛlga lubi nɛ kusɔ jigaya be kebaawɔtɔ nɛ kesakalea nɛ fo fara a ji ashi Ijipt be efuli so na. Fo maaŋ naa nyiŋi asheŋ ere nsaa yɛlga amo ŋko a nyiŋi Ijipt be efuli so gba kuraa.

Levitikɔs 18:21

Sa maŋ kaŋ ta fo pibi kama n sa nɛ b lara sarga n sa kegbir nɛ baa tre Mɔlɛk na, ŋkpal manɛ so, k beeŋ ŋaba men Nyɛnpe Ebɔrɛ na be ketre.

Levitikɔs 18:3

Men sa maa wora asheŋ nɛ Ijipt nɛ men daa wɔ jemanɛ ko na be basa bee wora na ŋko kananɛ basa nɛ b wɔ Keenan be efuli nɛ ŋ kɔ menyi a yɔ kumo so na be basa bee wora na.

Levitikɔs 20:2

fanɛ e kaŋɛ Israɛlebi na le: “Israɛl be esa kama ŋko efɔ kama nɛ e wɔ Israɛl be efuli so nseŋ ta mbe kebia n lara sarga n sa kegbir Mɔlɛk, daga fanɛ kade na to ebi kikɛ ka kpa mo ajembu m mɔ.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Ditɛronɔmi 12:30

Enyɛnpe menyi be Ebɔrɛ na kaŋ mur efuliana na be kaman, men baa da so nɛ menyi maaŋ kute bumo be kabɔrɛshuŋ to. Ŋkpal manɛ so, k beeŋ baa la luwu nna n sa menyi. Men sa maŋ kaa fin kepin kananɛ baa shuŋ bumo be agbirana to gba, saŋɛ na so nɛ men baa bɔla loŋ be ekpa so a shuŋ Enyɛnpe Ebɔrɛ na.

Ditɛronɔmi 12:4

Kede be kaman, men sa maŋ kaa shuŋ Enyɛnpe menyi be Ebɔrɛ na fanɛ kananɛ basa na bee shuŋ bumo be agbirana na.

Ditɛronɔmi 20:18

Nɛ menyi baŋ maŋ mɔ bumo nseŋ yige bumo, baaŋ fule menyi nɛ men baa wora ekishisheŋ nɛ baa wora ashi bumo be kagbirshuŋ to na n shin nɛ men wora kulubi ŋ gbiti Enyɛnpe menyi be Ebɔrɛ na.

Ditɛronɔmi 9:4

Nɛ Enyɛnpe menyi be Ebɔrɛ na kaŋ ju bumo n lar kasawule na so, men sa maŋ kaa fɛ fanɛ e sa menyi kasawule na nna ŋkpal k ka daga menyi so. Mannɛ aloŋ nna, Enyɛnpe Ebɔrɛ na bee ju basa ere a lar nna ŋkpal b ka la basa lubi so.

Ditɛronɔmi 9:5

Mannɛ men ka la basa nɛ menyee ji kashenteŋ nsaa wora kusɔ nɛ k daga so nɛ Enyɛnpe Ebɔrɛ na bee ta kasawule na a sa menyi, ama e beeŋ ju bumo nna ŋkpal b ka la basa lubi so nɛ ŋkpal e kaa bee wora a bɔlɔ kɔnɔ nɛ e nase n sa Eebraham nɛ Aizek nɛ Jeekɔb nɛ b la men nananyɛnana na so so.