Ditɛronɔmi 12:3 - EBƆRƐ BE KAWƆL

³ Men bure bumo be agbirsure nɛ eshabɔrɛ nɛ b ta ajembu m pɔr na nseŋ chɔɔ asɔ kama nɛ a yili n sa kegbir cheso nɛ baa tre Ashira na, saŋɛ na so basa maaŋ naŋ shuŋ agbirana na ashi loŋ be mboŋ kikɛ.

Ditɛronɔmi 12:3 ပူးပေါင်းရင်းမြစ်များ

1 Bewura 14:15

Enyɛnpe Ebɔrɛ beeŋ gberge Israɛlebi kusoe nɛ b baa chicha fanɛ kananɛ nchu bee shile a bɛr nchu to be afitiri nɛ a bee yigbuŋ to na. E beeŋ nya agbo nseŋ lara Israɛlebi ashi kasawule lela nɛ e ta n sa bumo nananyɛnana na so nseŋ shin nɛ b pesaŋ to n ya baŋ Yufreetes be lɔrgboŋ be epeŋilarkpa be kaba so kufɔ kufɔ ŋkpal b ka bee shuŋ kegbir nɛ baa tre Ashira na so so.

1 Bewura 15:13

Ewura Asa mo nanache Maaka daŋ yuu kedibi nna a shuŋ kegbirche nɛ baa tre Ashira na nɛ ewura Asa tia kumo ŋ kuya to n chɔɔ ashi Kidrɔn be ketaŋɛ nɛ k mata Jerusalɛm na. Ŋkpal kusɔ nɛ Maaka wora na so nɛ ewura Asa lara mo ashi eyilikpa nɛ e daa kɔ efuli na so fanɛ ewurche na.

2 Bewura 11:18

Kumo be kaman nɛ b ya da Baal be lambu na n lɛ nseŋ bure kumo be ebɔrɛsure nɛ agbirana nɛ a wɔ ndoŋ na kikɛ nseŋ mɔ Maatan nɛ e la Baal be kegbirwura na ashi ebɔrɛsureana na ase gbagba. Ndoŋ nna nɛ Jehowada shin nɛ bekumpo yili a keni Enyɛnpe be bɔrɛlambu na so.

2 Bewura 18:4

E daŋ mur nnyamase be mboŋ nɛ baa bunyaŋ Ebɔrɛ na nna nseŋ bure ndoŋ be ajembu be eshabɔrɛ na nɛ kegbirche Ashira be mpɔrduli be ndibi n lɛ. E daŋ bɛa danyaŋ be kuwɔ nɛ baa tre Nehushtan nɛ bumo nananyɛn Mosis daŋ lɔŋɛ nɛ Israɛlebi na bee bunyaŋ kumo m ba fo loŋ be jemanɛ na to nna.

2 Bewura 23:14

Ewura Josaya daŋ bure agbir jembu na to nna kpachɛrkpachɛrbi nseŋ ku kegbirche Ashira be kapɔrduli na n lɛ nseŋ ta edimɛdi be awibi n fari kaboŋ nɛ a daa yili na be kaplɛkama.

2 Kronikɛls 14:2

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna.

2 Kronikɛls 14:3

E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 31:1

Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

2 Kronikɛls 34:3

Josaya ka ji kuwura be kafɛ burwasopo to, jemanɛ nɛ e kra la kabrantiɛfɔlbi na, nɛ e fara a bunyaŋ mo nananyɛn ewura Deevid be Ebɔrɛ na. Mbe kuwurji be kafɛ kuduanyɔsopo to, nɛ e fara a jija mboŋ nɛ nnyamase bee shuŋ bumo be agbir, nɛ kegbirche Ashira be mpɔrduli nɛ agbir nɛ b shɛl, nɛ amo nɛ b ŋalga asɔ n wora na kikɛ ashi Juda be efuli so nɛ Jerusalɛm to.

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Aizaaya 27:9

Ekpa koŋwule so nɛ Israɛlebi beeŋ tiŋ m bɔla so n nya bumo be alubi nɛ kewora n jija be ketampaŋ. A daga fanɛ b bure nnyamase be agbirsure nɛ b pɔr a chɔɔ eduwu amo so na nseŋ tia kegbirche nɛ baa tre Ashira na be ndibi tenteŋ nɛ b yuu na kikɛ n lɛ.

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Maika 5:14

Meeŋ bure kegbirche nɛ baa tre Ashira na be mpɔrduli kikɛ ashi men be kasawule so nseŋ mur menyi be ndegboŋana gba.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Nɔmbɛs 33:52

men ju basa nɛ b wɔ kasawule na so na kikɛ, nseŋ jija bumo be agbir nɛ b ta abɛlso nɛ ajembu n wora na nɛ mboŋ nɛ baa shuŋ amo na kikɛ.

Ditɛronɔmi 12:4

Kede be kaman, men sa maŋ kaa shuŋ Enyɛnpe menyi be Ebɔrɛ na fanɛ kananɛ basa na bee shuŋ bumo be agbirana na.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.

Kelaraŋŋini 13:1

Ndoŋ nna nɛ n naŋ wu kusɔbɔya gboŋgboŋi ko ka shi teku to a lar a kɔ alambɛ kudu nɛ amu ashunu nɛ nwurwuro kudu wɔ mbe alambɛana na so. Amu na malɛ be kekama so b daŋ sibɛ ketre mo nɛ k bee ji Ebɔrɛ emɔrɔ nna n deŋi kumo so.

Demujipoana 2:2

Amoso menyi nɛ basa nɛ b tase efuli na so na e sa maŋ kaŋ luri kɔnɔkoŋwule be ŋkre kikɛ to. A daŋ daga fanɛ men bure bumo be agbirshuŋkpaana kikɛ, ama menyi maŋ nu n sa kusɔ nɛ ŋ kaŋɛ na.