Ditɛronɔmi 12:28 - EBƆRƐ BE KAWƆL

²⁸ Nɛ fanɛ menyeeŋ wora mbraana nɛ mee kaŋɛ menyi ere kasonu kashenteŋto, asheŋ beeŋ nyalɛ n sa menyi nɛ menyi be kaman to ebi hale mbaanaayɔ. Ŋkpal manɛ so, menyeeŋ baa wora kusɔ nɛ k daga nsaa par Enyɛnpe menyi be Ebɔrɛ na nna na.”

Ditɛronɔmi 12:28 ပူးပေါင်းရင်းမြစ်များ

2 Bewura 17:31

nɛ Iwa malɛ be basa pɔr Nibhaaz nɛ Taatak be kegbir na be mpɔrduli; ama Sefavaim bre be basa ta bumo be mbia nna m mɔ n lara sarga chɔɔso n sa bumo be agbir Adramalɛk nɛ Anamalɛk.

2 Kronikɛls 7:17

Fo tuto Deevid daa kɔ kasonu nna n sa ma amoso fo alɛ gba, Sɔlɔmɔn e baa wora loŋ. Baa bɛ ma mbra nɛ ma keŋini so,

Nehemaya 1:5

“O Enyɛnpe Ebɔrɛ nɛ fo wɔ ebɔrɛso, fo e kɔ eleŋ ga nɛ fo bunyaŋ shi m baŋ so. Fo alɛ e naa wora a bɛ fo nnɔ naseso so a sa bekama nɛ baa sha fo nsaa wora fo mmalga kasonu.

Nshɛ 105:45

E wora loŋ nna nɛ mbe basa e baa wora mbe mbraana kasonu. Men kpaŋ Enyɛnpe Ebɔrɛ na!

Ɛksodɔs 34:11

Amoso, nɛ men bɛ ma mmalga nɛ mee ta a sa menyi kabre ere so, meeŋ ju Amɔriebi nɛ Keenanebi nɛ Hitebi nɛ Pɛrizebi nɛ Hivebi nɛ Jebusiebi ashi kasawule ere so.

Kaŋinichiŋgeliŋ 8:12

Kumukpakpasowura beeŋ tiŋ n wora alubi kalfa nseŋ kraŋ ji efute n chɛr, ama n nyi fanɛ asheŋ beeŋ nite nɛnɛ n sa esa nɛ e bee ŋana Ebɔrɛ nsaa wora mo kasonu na.

Ezikɛl 37:24

Ewura nɛ e du fanɛ ma kayɛrbi Deevid e naaŋ baa la bumo be ewura nɛ bumo kikɛ e wora kɔnɔkoŋwule a wɔ mbe kaseto nseŋ ta kashenteŋji a bɛ ma mbraana so.

Levitikɔs 19:37

Men baa wora ma mbraana nɛ atande kikɛ kasonu, ŋkpal manɛ so, ma e la Enyɛnpe Ebɔrɛ na.”

Baru lela nɛ Jɔn kute na 15:10

Nɛ men baa bɛ ma mmalga naseso so, menyeeŋ baa wɔ ma kasha to fanɛ kananɛ mee bɛ Etuto na be mmalga naseso so nsaa wɔ mbe kasha to na.

Baru lela nɛ Jɔn kute na 15:14

Nɛ men baa wora asɔ nɛ mee kaŋɛ menyi, kumo ere n teriana e la menyi.

Baru lela nɛ Jɔn kute na 15:3

Men teŋ nyalɛ so ŋkpal kamalga nɛ m malga n sa menyi na so.

Ditɛronɔmi 12:25

Nɛ menyee wora mbra ere kasonu, Enyɛnpe Ebɔrɛ na be kagbene beeŋ baa fuli menyi so nɛ asheŋ a nyalɛ n sa menyi nɛ menyi be kaman to ebi.

Ditɛronɔmi 24:8

Nɛ menyi to be ekama bee lɔ eyur so be kulɔ lubi kama fanɛ keboti a daga fanɛ e bɛ kusɔ nɛ bɔrɛmatapoana nɛ b shi Livai be yiri to na beeŋ kaŋɛ mo kikɛ so. Men baa bɛ mbraana nɛ n ta n sa menyi na so.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”

Ditɛronɔmi 5:33

Men baa bɛ amo kikɛ so, saŋɛ na so, asheŋ beeŋ nyalɛ n sa menyi nɛ men tiŋ n chena kasawule nɛ Enyɛnpe, menyi be Ebɔrɛ na bee ta a sa menyi na so n chɛr.