Ditɛronɔmi 12:18 - EBƆRƐ BE KAWƆL

¹⁸ Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:18 ပူးပေါင်းရင်းမြစ်များ

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 68:3

Ama shin nɛ basa nɛ baa wora asheŋ niŋiso na bre be ŋgbene e fuli bumo, nɛ b ji eyur fo anishito.

Aŋasa 3:17

Kanyiasheŋ beeŋ sa fo kebaawɔtɔ belbelso, nseŋ ŋini fo ekpa lela nɛ feeŋ baa bɔla so a wora asheŋ ashi fo kebaawɔtɔ to.

Kaŋinichiŋgeliŋ 3:12

Kusɔ nɛ m pɛshɛ m pin fanɛ k walɛ n sa dimɛdi e la fanɛ esa ka kɔ kagbenefuli nsaa wora kelela.

Kaŋinichiŋgeliŋ 5:18

Kusɔ nɛ n wu e la fanɛ, kusɔ lela mo nɛ dimɛdi daga kewora an be ŋkpa shiimbi nɛ Ebɔrɛ ta n sa anyi durnya ere to e la fanɛ an baa ta kusɔ kama nɛ an gben n nya a ji eyur. Kusɔ nɛ k baŋ daga dimɛdi kikɛ nna na.

Aizaaya 12:3

Kananɛ esa nɛ achukoŋ kɔ be kagbene bee fuli nchu wushiso so na, aloŋ nɛ Ebɔrɛ be basa be ŋgbene bee fuli bumo jemanɛ nɛ e bee mɔlga bumo na.”

Ashuŋ Shunso 16:34

E daŋ yɛr Pɔɔl nɛ Sailas mo pe nna n ya sa bumo ajibi. Mo nɛ mbe eche nɛ bibi be ŋgbene daŋ fuli bumo ga ŋkpal b ka yirda Ebɔrɛ naniere so.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Galeeshaebi 5:22

Ama nɛ Kiyoyu na baa wɔ esa to, le be asɔ lela ere e du fanɛ kusɔrso a wɔ amodoŋwura to nɛ e bee wora: Kasha nɛ kagbenefuli nɛ kagbenewushi nɛ kanyiti nɛ kebaala esa nɛ alelasheŋ nɛ kebaayɛ a wora

Ditɛronɔmi 12:14

A daga fanɛ men baa lara amo ashi kakpa nɛ Enyɛnpe Ebɔrɛ na gbagba beeŋ ŋini menyi ashi menyi be eyiriana na to be kekama be echenakpa. Ndoŋ nawule nɛ menyeeŋ baa lara menyi be esarga nɛ menyeeŋ baa chɔɔ na nɛ asɔ kama nɛ mee kaŋɛ menyi ere kikɛ.

Ditɛronɔmi 12:19

Menyi alɛ e baa da so nɛ menyi maaŋ kplaŋ Livaiebi na so kikɛ jemanɛ nɛ menyeeŋ baa wɔ menyi be kasawule na so na.

Ditɛronɔmi 12:5

Enyɛnpe Ebɔrɛ na gbagba beeŋ lara kakpa nɛ menyi to be eyiriana na beeŋ baa shɛr a shuŋ mo ashi bumo be mboŋ nɛ baaŋ chena.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 14:23

Kumo be kaman nɛ men yɔ kakpa nɛ Enyɛnpe menyi be Ebɔrɛ na lara n yili fanɛ kakpa nɛ menyeeŋ baa shuŋ mo na nseŋ ya ji menyi be ayu nɛ yabra belbelso nɛ ɔlif be ŋku be kudu kudusopoana nɛ ana nɛ mbolpɔ be ewurkoŋ na ndoŋ. Men baa wora le nseŋ koya kebaabunyaŋ Enyɛnpe menyi be Ebɔrɛ na saŋkikɛ.

Ditɛronɔmi 15:20

Kafɛ kikɛ menyi nɛ menyi be laŋ to ebi beeŋ baa mɔ amo a lara sarga pɔɛŋ nseŋ we eblaŋ na ashi kakpa nɛ Enyɛnpe Ebɔrɛ na lara n yili fanɛ men baa shɛr ndoŋ a shuŋ mo na.

1 Samuɛl 1:4

Saŋkama nɛ Ɛlkana baŋ lara sarga, e bee chige sarga be eblaŋ na nna n sa mbe eche Pɛnina nɛ mbe mbinyɛnsobi nɛ mbichesobi.