Ditɛronɔmi 12:16 - EBƆRƐ BE KAWƆL

¹⁶ Ama a maŋ daga fanɛ men ji amo be ŋklaŋ bre. A daga fanɛ men baa chulgi ŋklaŋ na a wurge kasawule nna fanɛ nchu.

Ditɛronɔmi 12:16 ပူးပေါင်းရင်းမြစ်များ

Jɛnesis 9:4

Ama men sa maŋ kaŋ we eblaŋ kama nɛ kumo be ŋklaŋ maŋ lar kumo to, ŋkpal manɛ so, ŋklaŋ na to nɛ ŋkpa wɔ.

Ezikɛl 24:7

Jerusalɛm to be basa mɔ basa nɛ b maŋ wora shɛŋ ashi kadegboŋ na to, ama b maŋ wora ania nɛ b wora eshishɛr m buu bumo be ŋklaŋ nɛ a wurge kefalta so gba.

Ezikɛl 33:25

To, kaŋɛ bumo kusɔ nɛ ma, Enyɛnpetale Ebɔrɛ na bee kaŋɛ. Menyee we eblaŋ nɛ ŋklaŋ kra wɔ amo to. Menyee shuŋ agbirana nsaa mɔ basa. Nɛ mannɛ so nɛ menyee fɛ fanɛ kasawule na ki menyeya nna?

Levitikɔs 19:26

Men sa maŋ kaŋ ji eblaŋ nɛ ŋklaŋ kraa wɔ kumo to. Men sa maŋ kaa kpal ŋko a wora kegbaya be asheŋ kikɛ.

Levitikɔs 3:17

Israɛl be esa kikɛ maŋ daga e ka ji nfɔ ŋko ŋklaŋ. K la mbra nɛ k dese nna n sa Israɛl be basa kikɛ ashi kaplɛkama nɛ b wɔ nna hale mbaanaayɔ.

Ashuŋ Shunso 15:20

Ama a daga fanɛ an sibɛ kawɔl ŋ kaŋɛ bumo fanɛ b sa maa ji ajibi nɛ a maŋ walɛ so ŋkpal a ka la kalɔŋɛ be ajibi so. An kaŋɛ bumo fanɛ b baa gelge kubojuaji nsaa maa ji ŋklaŋ ŋko kusɔbɔya kama nɛ b maŋ teŋ.

Ashuŋ Shunso 15:29

Men sa maa ji nlɔŋɛjibi, men sa maa ji ŋklaŋ, men sa maa we kusɔbɔya kama nɛ b maŋ teŋ. Kumo nɛ k ka na e la fanɛ men baa gelge kubojuaji. Men baa gelge asheŋ ere, asheŋ beeŋ nyalɛ n sa menyi. Ebɔrɛ e chɛ menyi to.”

Ditɛronɔmi 15:22

Menyeeŋ tiŋ m mɔ le be asɔbɔya ere n we ashi menyi be echenakpaana. Menyi to be bumo nɛ b walɛ so nɛ bumo nɛ b maŋ walɛ so kikɛ beeŋ tiŋ n we amo be eblaŋ fanɛ kananɛ menyee mɔ echibir nɛ eshantaŋ a we na.

Ditɛronɔmi 15:23

Ama men sa maŋ kaa ji amo be ŋklaŋ bre. A daga fanɛ men chulgi amo n wurge kasawule.

1 Timoti 4:4

Ŋkpal manɛ so, kusɔ kama nɛ Ebɔrɛ to walɛ nna, amoso, a maŋ daga basa ka kini kumo. A daga fanɛ basa ka sɔ kumo kabɔrɛkule so nɛ enɔ anyɔ.

1 Samuɛl 14:32

Amoso b daŋ shile nna n ya kaa mɔ mbolpɔ nɛ ana nɛ anabi nɛ b kɔ Filistiebi m pɔɔ so n suge na epul to ndoŋ a kuya amo to a we amo nɛ ŋklaŋ.

1 Samuɛl 14:33

Nɛ esa ko kaŋɛ Sɔɔl le: “Keni basa na bee wora alubi a gbiti Enyɛnpe Ebɔrɛ na nna ŋkpal b ka bee we eblaŋ nɛ a kɔ ŋklaŋ amo to so.” Nɛ Sɔɔl kaŋɛ kenishipereso le: “Kashenteŋ nɛ fo ji, b wora n da Enyɛnpe Ebɔrɛ so nna na. Men gbelti kejembu gboŋgboŋi m ba nfe manaŋ m ba sa ma.”