Ditɛronɔmi 12:12 - EBƆRƐ BE KAWƆL

¹² Men shin nɛ menyi nɛ menyi be mbia nɛ nyɛrbi nɛ Livai be yiri to be basa nɛ b wɔ menyi be ndeana to na be ŋgbene e fuli menyi ashi Enyɛnpe Ebɔrɛ na be anishito. Men baa nyiŋi fanɛ Livai be yiri to be basa na maaŋ baa kɔ bumo gbagba be kasawule.

Ditɛronɔmi 12:12 ပူးပေါင်းရင်းမြစ်များ

1 Bewura 8:66

Kumo be kachɛ burwasopo na, nɛ ewura Sɔlɔmɔn shin nɛ basa na kikɛ yɔ bumo peana. Nɛ bumo be ŋgbeneana fuli bumo ga ŋkpal kananɛ Enyɛnpe Ebɔrɛ daŋ nɛfa mbe basa Israɛlebi, nɛ mbe kayɛrbi ewura Deevid na so.

2 Kronikɛls 29:36

Ewura Hɛzekaya nɛ basa na kikɛ be ŋgbene daŋ fuli bumo nna ŋkpal Ebɔrɛ ka chɛ bumo to nɛ b wora loŋ be asheŋ na manaŋ manaŋ so.

Nehemaya 8:9

Basa na ka nu kusɔ nɛ mbra na bee kaŋɛ na nɛ k luri bumo to ga nɛ b fara a shu. Amoso Nehemaya nɛ e daa la gomena na nɛ bɔrɛmatapo Ɛzra nɛ e la mbra na be eŋinipo na nɛ Livaiebi nɛ baa kute mbra na be afito a sa basa na kaŋɛ: “Kabre la kachɛ cheembi nna n sa Enyɛnpe menyi be Ebɔrɛ na. Amoso k maŋ daga fanɛ men baa shu a wora kuwɔr be asheŋ.”

Nshɛ 147:1

Men baa kpaŋ Enyɛnpe Ebɔrɛ na! Keboŋ nshɛ ŋ kpaŋ an Nyɛnpe Ebɔrɛ na walɛ ga. Kekpaŋ mo wɔ ebel ga nseŋ daga loŋ.

Levitikɔs 23:40

Men ta men be ndibi sɔrso be asɔrso lela nɛ abii be ayabi nɛ ndibi nɛ a kɔ afantaŋ ga be ayabi n ji eyur m maŋkura Enyɛnpe menyi be Ebɔrɛ na kachɛ juŋkparso.

Nɔmbɛs 18:20

Nɛ Enyɛnpe Ebɔrɛ naŋ kaŋɛ Ɛɛrɔn le: “Fo maaŋ nya kasawule be kachige nɛ k beeŋ baa la fo kapetɛ ashi Israɛl be kasawule so. Ma Enyɛnpe Ebɔrɛ na e naŋ baa la fo kapetɛ.”

Nɔmbɛs 18:26

e kaŋɛ Livaiebi na le: “Men baŋ sɔ Israɛlebi be kudukudusopo nɛ mee ta a sa menyi fanɛ men be kapetɛ na, menyi alɛ gba e lara amo be kudukudusopo n sa Enyɛnpe Ebɔrɛ,

Baru lela nɛ Jɔn kute na 13:8

Ndoŋ nna nɛ Pita kaŋɛ: “Ayai, fo maa ba nɛ fo ba fɔr ma aya so kuraa.” Nɛ Yesu kaŋɛ mo: “Nɛ m baŋ maŋ fɔr fo so, ma nɛ fo maaŋ baa kɔ shɛŋ.”

Ashuŋ Shunso 8:21

Fo maŋ kɔ shɛŋ anyi be kushuŋ ere to, ŋkpal manɛ so, fo kagbene maŋ bɔla ekpa ashi Ebɔrɛ kutɔ.

Ditɛronɔmi 10:9

Amoso nɛ Livai be yiri to ebi maŋ nya kachige ashi kasawule na be kebarga to n sa eyiriana na to na. Enyɛnpe Ebɔrɛ na e naaŋ baa la bumo be kapetɛ fanɛ kananɛ e nase kɔnɔ n sa bumo na.)

Ditɛronɔmi 12:18

Menyi nɛ menyi be mbia nɛ menyi be nyɛrbi nɛ Livai be yiri to be basa nɛ b wɔ menyi be ndeana to na beeŋ baa ji esarga ŋko ŋkɛana ere ashi kakpa nɛ Enyɛnpe menyi be Ebɔrɛ na beeŋ lara n yili fanɛ kakpa nɛ menyeeŋ baa shuŋ mo na nna. Kumo alɛ daga fanɛ menyi be ŋgbene e baa fuli menyi a laŋɛ kusɔ kama nɛ menyeeŋ baa wora ashi ndoŋ na so nna.

Ditɛronɔmi 12:19

Menyi alɛ e baa da so nɛ menyi maaŋ kplaŋ Livaiebi na so kikɛ jemanɛ nɛ menyeeŋ baa wɔ menyi be kasawule na so na.

Ditɛronɔmi 12:7

Enyɛnpe menyi be Ebɔrɛ nɛ e nɛfa menyi na be anishito nɛ menyi nɛ menyi be kaman to ebi beeŋ baa ji asɔ lela nɛ menyeeŋ shuŋ n nya ndoŋ na.

Ditɛronɔmi 14:29

Le be ajibi ere la Livaiebi nɛ b maŋ kɔ bumo gbagba be nsawule na, nɛ befɔ, nɛ amunibi, nɛ bekulpoche, nɛ b wɔ menyi be nde to na peya nna. Saŋɛ na so, bumo alɛ gba beeŋ nya n ji yɛlayɛlaso. Men baa wora loŋ nɛ Enyɛnpe menyi be Ebɔrɛ na e nɛfa menyi ashi kusɔ kama nɛ menyee wora to.

Ditɛronɔmi 16:11

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ b wɔ kade na to na beeŋ ji menyi be amu ashi Enyɛnpe Ebɔrɛ na be anishito ashi kakpa nɛ menyee shuŋ Ebɔrɛ na.

Ditɛronɔmi 16:14

Menyi nɛ menyi be mbia nɛ nyɛrbi nɛ Livaiebi nɛ befɔ nɛ amunibi nɛ bekulpoche nɛ menyi nɛ bumo wɔ menyi be ndeana to na e ji menyi be amu ashi Enyɛnpe menyi be Ebɔrɛ na be anishito.

Ditɛronɔmi 18:6

Livai be yiri to be esa kama nɛ e bee sha, beeŋ tiŋ n shi kade nɛ e wɔ ashi Israɛl be efuli so be kaplɛkama m ba kakpa nɛ menyee shuŋ Ebɔrɛ na

Ditɛronɔmi 26:11

Kede be kaman nɛ mo nɛ mbe kanaŋ nɛ Livai be yiri to ebi na, nɛ befɔ nɛ menyi nɛ bumo wɔtɔ na kikɛ e chɛ abar n di Enyɛnpe menyi be Ebɔrɛ na epaŋ nseŋ ji bumo be amu ndoŋ.

Ditɛronɔmi 26:12

Nfɛ nsa kikɛ be lalaloge, menyeeŋ ta menyi be adɔjibi be kudu kudusopo n sa Livai be yiri to ebi nɛ befɔ nɛ amunibi nɛ bekulpoche, saŋɛ na so, bumo alɛ gba beeŋ nya asɔ nɛ baa sha kikɛ n ji ashi menyi be echenakpaana. Nɛ men wora loŋ n loge nɛ

Ditɛronɔmi 27:7

nɛ kɔnɔkoŋwule nɛ kapandi be esarga, nsaa ji amo kagbenefuliso ashi Enyɛnpe menyi be Ebɔrɛ na be anishito a bunyaŋ mo nsaa kule mo enɛfa.

Joshuwa 13:14

Mosis daa maŋ yige kasawule kikɛ n sa Livai be yiri na bre, ŋkpal manɛ so, Enyɛnpe Ebɔrɛ na daŋ kaŋɛ Mosis nna fanɛ bɔrɛsure so be sarga chɔɔso nɛ baa lara a sa Enyɛnpe nɛ e la Israɛl be Ebɔrɛ na e la bumo be kapetɛ.

Joshuwa 13:33

Ama Livai be yiri na bre, Mosis daa maŋ sa bumo kasawule. Esarga nɛ baa lara a sa Enyɛnpe Israɛl be Ebɔrɛ na e daa la bumo be kapetɛ.